ཁུལ་སྲིད་གཞུང་གི་ཚན་རྩལ་ལས་དོན་གྱི་ཆེད་དོན་གྲོས་ཚོགས་འཚོགས་པ།

    ཟླ་8ཚེས་27ཉིན་དགོང་མོར། ཁུལ་སྲིད་གཞུང་གི་འཚོགས་པ་ཚན་རྩལ་ལས་དོན་གྱི་ཆེད་དོན་ཚོགས་འདུའི་ཐོག་ཉེ་བའི་ལོ་ཤས་རིང་རང་ཁུལ་གྱི་ཚན་རྩལ་ལས་དོན་ལ་ཐོབ་པའི་ཕན་འབྲས་ཕྱོགས་ཡོངས་ནས་ཕྱོགས་བསྡོམས་བྱས་པ་དང་དུས་མཚམས་རྗེས་མའི་གཙོ་གནད་ལས་དོན་བཀོད་སྒྲིག་བྱས་པ་རེད།

    ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཝེ་ཏུང་ཚོགས་འདུར་ཞུགས་པ་དང་འབྲེལ་ཡོད་གསུང་བཤད་ཀྱང་གནང་བ་རེད།

    ཚོགས་འདུའི་ཐོག་ཉེ་བའི་ལོ་ཤས་རིང་རང་ཁུལ་གྱི་ཚན་རྩལ་ལས་དོན་བརྟན་པོའི་ཁྲོད་ཡར་རྒྱས་བྱུང་བ་དང་། ཚན་རྩལ་གསར་གཏོད་ནུས་པ་རིམ་བཞིན་མཐོ་རུ་ཕྱིན་པ། ཚན་རྩལ་གྱིས་དཔལ་འབྱོར་སྤྱི་ཚོགས་འཕེལ་རྒྱས་ལ་ཞབས་འདེགས་ཞུ་བའི་ཕན་འབྲས་ཉིན་བཞིན་མངོན་གསལ་དོད་དུ་འགྲོ་བཞིན་ཡོད། གནས་བབ་གསར་པ་དང་བླང་བྱ་རེ་བ་གསར་པའི་མདུན་དུ་ངེས་པར་དུ་གནས་བབ་སྔར་ལས་མཐོ་བ་དང་བྱེད་ཐབས་སྔར་ལས་དངོས་ཀྱི་ཐོག་ནས་ཚན་རྩལ་ལས་དོན་གྱི་སྤུས་ཚད་མཐོ་བའི་གོང་འཕེལ་སྤུས་ཀ་དག་པའི་གོང་འཕེལ་ལ་སྐུལ་འདེད་གཏོང་དགོས་པ་བསྟན།

    ཚོགས་འདུའི་ཐོག་རིམ་པ་ཁག་དང་སྡེ་ཁག་ཁག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་བའི་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་གོ་བ་གཏིང་ཟབ་དང་། ཏང་ཀྲུང་དབྱང་སྐོར་གྱི་ཚན་རྩལ་གསར་གཏོད་ཀྱི་ཐབས་ཇུས་བཀོད་སྒྲིག་ལག་བསྟར་གཏིང་ཟབ་དང་དོན་འཁྱོལ་བྱས་ཏེ། ཚན་རྩལ་གསར་གཏོད་ལ་བརྟེན་ནས་ཐོན་ལས་ཕྱོགས་སྒྱུར་གྱི་རིམ་སྤར་ལ་སྣེ་ཁྲིད་བྱེད་པ་དང་། ས་གནས་ཀྱི་གནས་ཚུལ་དང་བསྟུན་ནས་སྤུས་ཚད་གསར་པའི་ཐོན་སྐྱེད་ནུས་ཤུགས་གསོ་སྐྱོང་དང་སྟོབས་ཆེར་གཏོང་བ་བཅས་བྱས་ཏེ་བདེ་ཆེན་སྤུས་ཚད་མཐོ་བའི་གོང་འཕེལ་ལ་ཚན་རྩལ་གྱི་འདེགས་སྐྱོར་བརྟན་པོ་འདོན་སྤྲོད་བྱ་དགོས། ཚན་རྩལ་ནུས་སྐྱེད་ལ་ཤུགས་སྣོན་རྒྱག་པ་དང་། སྒྲིག་སྲོལ་དང་ལམ་སྲོལ་འཐུས་ཚང་དུ་གཏོང་བ། ཐོན་ཁུངས་བཀོད་སྒྲིག་ལེགས་སུ་གཏོང་བ། མ་དངུལ་སྡེབ་སྒྲིལ་ནུས་ལྡན་བཅས་བྱ་དགོས། ཚན་རྩལ་གསར་གཏོད་འཕེལ་རྒྱས་ཁྱོན་ཡོངས་ཀྱི་ལྟེ་བའི་གནས་སུ་འཇོག་རྒྱུ་མཐའ་འཁྱོངས་བྱས་ནས་ཐོན་ཁུངས་གཅིག་གྱུར་འཆར་འགོད་དང་སྲིད་ཇུས་མཐུན་སྦྱོར་བྱེད་ཤུགས་ཆེ་རུ་གཏོང་དགོས། ནོར་སྲིད་ཀྱི་ཚན་རྩལ་གཏོང་བ་འདོན་པ་གཏོང་ཆ་འགན་ལེན་ལུགས་མཐུན་བྱས་ཏེ་གསར་གཏོད་འབྲེལ་ཐག་དང་། ཐོན་ལས་འཁོར་འབྲེལ་མ་རྩ། ཤེས་ལྡན་མི་སྣའི་འབྲེལ་ཐག་བཅས་ཀྱི་མཉམ་འདྲེས་གཏིང་ཟབ་ཡོང་བར་སྐུལ་འདེད་གཏོང་དགོས། ཚན་རྩལ་ལས་བྱེད་པའི་དཔུང་ཁག་འཛུགས་སྐྱོང་དང་གསར་གཏོད་ཅན་གྱི་ཤེས་ལྡན་མི་སྣ་གསོ་སྐྱོང་བྱེད་ཤུགས་ཆེ་རུ་གཏོང་བ་དང་། ཕྱི་ཕྱོགས་ནང་འདྲེན་དང་ནང་ཁུལ་གསོ་སྐྱོང་བྱེད་ཤུགས་ཆེ་རུ་གཏོང་བ། མཉམ་འདུས་རྣམ་པའི་ཚན་རྩལ་དོ་དམ་དཔུང་ཁག་བསྐྲུན་ནས་གསར་གཏོད་འཕེལ་རྒྱས་གཏོང་བའི་ཁོར་ཡུག་བཟང་པོ་བསྐྲུན་དགོས། ཏང་ཨུའི་འགོ་ཁྲིད་དང་། སྲིད་གཞུང་ཀྱིས་གཙོ་ཁྲིད་བྱེད་པ། སྡེ་ཚན་གྱིས་མཐུན་སྦྲེལ། སྤྱི་ཚོགས་ཟབ་ཞུགས་པ་བཅས་ཀྱི་ལས་ཀའི་ནང་རྐྱེན་ཆགས་པ་བྱས་ཏེ་ཕྱོགས་ཡོངས་ནས་སྐུལ་སྤེལ་ཀྱི་གསོན་ཤུགས་གསར་གཏོད་བྱ་དགོས་པའི་བླང་བྱ་བཏོན་པ་རེད།

    ཚོགས་འདུའི་ཐོག་ཁུལ་ཡོངས་ཀྱི་ཚན་རྩལ་ལས་དོན་ལ་ངེས་པར་དུ་ཐོན་ཁུངས་ཀྱི་སྐྱེས་ཐོབ་དང་ཐོན་ལས་རྨང་གཞི་དམ་པོར་འཛིན་པ་གནད་དུ་དམིགས་པ་བྱས་ཏེ་གཙོ་གནད་འབུར་དུ་ཐོན་ནས་གནད་འཕིགས་ཤུགས་འདོན་བྱ་དགོས། མཐུན་རྐྱེན་བཟང་པོའི་ཐོན་ལས་དོ་གནད་བྱས་ཏེ་འགག་རྩའི་རྩལ་ཞིབ་འཇུག་གསར་སྤེལ་དང་འདུས་གྲུབ་དཔེ་སྟོན་ལ་ཤུགས་སྣོན་རྒྱག་དགོས། ཤུགས་རྒྱག་པ་འབད་བརྩོན་བྱེད་པ་གྱིས་གསར་གཏོད་ཀྱི་གཙོ་གཟུགས་གསོ་སྐྱོང་དང་སྟོབས་ཆེར་གཏོང་བ་དང་། ཁེ་ལས་ཀྱི་གསར་གཏོད་ཀྱི་གཙོ་གཟུགས་གནས་བབ་ཤུགས་ཆེར་གཏོང་བ། ཚན་རིག་ཞིབ་འཇུག་ཁང་དང་། མཐོ་སློབ་དང་ཞིབ་འཇུག་གསར་སྤེལ་སྒྲིག་གཞི་གསར་པ། གསར་པའི་འདེགས་སྐྱོར་ནུས་པ་འདོན་སྤེལ་བྱས་ཏེ། སྣ་མང་གཙོ་གཟུགས་མཐུན་སྦྱོར་གསར་གཏོད་བྱེད་པའི་གསོན་ཉམས་ལྡན་པའི་རྣམ་པ་ཆགས་པ་བཅས་བྱ་དགོས། ཐོན་ལས་དགོས་མཁོ་གྱི་ཁྲིད་སྟོན་མཐའ་འཁྱོངས་དང་། ཚན་རྩལ་གསར་གཏོད་ཀྱི་གཙོ་རྒོལ་ཁ་ཕྱོགས་དང་གཙོ་གནད་མངའ་ཁོངས་ཁ་གསལ་གཏོང་བ། འགག་རྩའི་རྩལ་འགག་སྒྲོལ་དང་གྲུབ་འབྲས་བེད་སྤྱོད་བྱ་རྒྱུར་ཤུགས་སྣོན་རྒྱག་པ། རིགས་གཅིག་མཁས་ཅན་དང་ཁེ་ལས་སོགས་ཕྱོགས་ཁག་གི་བསམ་འཆར་དང་གྲོས་འཆར་ནན་ཏན་གྱིས་ཉན་པ་དང་། ཚན་རྩལ་གསར་གཏོད་གྱིས་དཔལ་འབྱོར་སྤྱི་ཚོགས་འཕེལ་རྒྱས་གཏོང་བར་ལེགས་སྐྱེས་ཕུལ་ཚད་རྒྱུན་ཆད་མེད་པར་མཐོ་རུ་གཏོང་དགོས།  ཚོགས་འདུའི་ཐོག་ཁུལ་ཡོངས་ཀྱི་ཚན་རྩལ་ལས་དོན་སྤེལ་བའི་གནས་ཚུལ་སྙན་ཞུ་ཉན་པ་དང་ཚོགས་འདུའི་ནང་ཞུགས་པའི་ཚན་རྩལ་ལས་དོན་པ་འཐུས་མི་དང་། ཚན་རྩལ་རྣམ་པའི་ཁེ་ལས་འཐུས་མི་དེ་བཞིན་ཁུལ་ཐད་གཏོགས་ཀྱི་འབྲེལ་ཡོད་སྡེ་ཚན་གྱི་འགན་འཁུར་བ་བཅས་ཀྱིས་སྤེལ་རེས་བྱེད་དགོས་པ་ནན་བཤད་གནང་བ་རེད།

    དབྱང་ཞུས་ཝུན་དང་ཡུས་ཀུའེ་ཧྥུན། ཀྲོང་ཞའོ་ཕིང་བཅས་ཚོགས་འདུར་ཞུགས་པ་རེད།