ཁུལ་སྲིད་གཞུང་གིས་དུས་ཚིགས་གསུམ་པའི་དཔལ་འབྱོར་འཁོར་རྒྱུག་དབྱེ་ཞིབ་དང་སྤུས་ཚད་མཐོ་བའི་འཕེལ་རྒྱས་ལས་དོན་གྱི་སྐུལ་འདེད་ཚོགས་འདུ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་8ཚེས་28ཉིན་གྱི་དགོང་མོར་ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཀྲང་ཝེ་ཏུང་གིས་དུས་ཚིགས་གསུམ་པའི་དཔལ་འབྱོར་འཁོར་སྐྱོད་དབྱེ་ཞིབ་དང་སྤུས་ཚད་མཐོ་བའི་འཕེལ་རྒྱས་ལས་དོན་གྱི་སྐུལ་འདེད་ཚོགས་འདུ་འཚོགས་ནས་ལོ་སྟོད་ཀྱི་དཔལ་འབྱོར་དུས་བབ་དང་ལོ་སྨད་ཀྱི་དཔལ་འབྱོར་ལས་དོན་ཡག་པོ་བསྒྲུབ་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཞིང་ཨུ་དང་ཞིང་ཆེན་སྲིད་གཞུང་གི་འབྲེལ་ཡོད་ཚོགས་འདུའི་བླང་བྱ་དོན་འཁྱོལ་ནན་ཏན་བྱེད་པ། དུས་བབ་ལ་དབྱེ་ཞིབ་བྱེད་པ་དང་གནད་དོན་ལ་ཞིབ་དཔྱད་བྱེད་པ་བཅས་ཀྱི་ཐོག་ནས་དཔལ་འབྱོར་བསྐྱར་འཕར་གྱི་འཕེལ་ཕྱོགས་བཟང་པོ་སྔར་བས་སྲ་བརྟན་དུ་བཏང་སྟེ་ལོ་ཧྲིལ་པོའི་དམིགས་ཚད་ལ་ནུས་ཤུགས་ཡོད་རྒུས་གདོང་མཆོང་བྱ་དགོས།

    གྲོས་ཚོགས་ཀྱིས་ཁུལ་ཡོངས་ཀྱི་ཟླ་1པོ་ནས་ཟླ་7པའི་བར་གྱི་དཔལ་འབྱོར་འཁོར་སྐྱོད་གནས་ཚུལ་གྱི་སྙན་ཞུར་གསན་པ་དང་། ཁུལ་རིམ་པའི་འབྲེལ་ཡོད་སྡེ་ཁག་དང་རྫོང（གྲོང་ཁྱེར）ཁག་དང་། སེམས་ཀྱི་ཉི་ཟླའི་ཐོན་ལས་གླིང་ཁུལ་བཅས་ཀྱིས་སོ་སོར་སྙན་སེང་ཞུས་པ་དང་། ཁུལ་སྲིད་གཞུང་གི་འགོ་ཁྲིད་ཀྱིས་ལས་བགོས་འགན་གཉེར་ཁྱབ་ཁོངས་ཀྱི་བྱ་བའི་གཏམ་བཤད་དང་ཟུང་འབྲེལ་བྱས།

    གྲོས་ཚོགས་ཐོག་བསྟན་དོན། ད་ལོ་ནས་བཟུང་ཁུལ་ཨུའི་འགོ་ཁྲིད་ནུས་ལྡན་འོག་ཁུལ་ཡོངས་ཀྱི་གོང་འོག་ཚང་མས་འགྲན་སློང་ལ་ཁ་གཏད་ཧུར་ཐག་འཇལ་བ་དང་། དཔལ་འབྱོར་གྱི་དམིགས་ཚད་གཙོ་བོ་དེ་ལུགས་མཐུན་གྱི་བར་མཚམས་སུ་འཁོར་སྐྱོད་བྱེད་པ། གཏན་འཇགས་རྒྱུ་ནོར་ལ་མ་དངུལ་འཇོག་པ་སོགས་འགག་རྩའི་ཁྱབ་ཁོངས་སུ་བསྐྱར་འཕར་དང་ལེགས་ཕྱོགས་སུ་འཕེལ་ཚུལ་མངོན་ཡོད་མོད། འོན་ཀྱང་མིག་སྔའི་དཔལ་འབྱོར་ལས་དོན་ཁྲོད་གནས་པའི་གནད་དོན་ལ་རིག་པ་དྭངས་གསལ་གྱིས་ངོས་འཛིན་དང་། འགན་འཁྲི་བརྟན་པོར་འཁུར་བ། སྤྱོད་ཚུལ་ཡོ་བསྲང་། འགག་སྒྲོལ་དཀའ་སེལ་དང་ནུས་ཤུགས་ཡོད་རྒུས་གདོང་མཆོང་བཅས་བྱས་ཏེ་ལོ་འཁོར་གྱི་དམིགས་ཚད་བདེ་བླག་ངང་ལེགས་གྲུབ་དང་།“ལོ་ལྔ་ཚན་བཅུ་བཞི་པའི་”ཕུན་སུམ་ཚོགས་པོའི་ངང་མཇུག་བསྡུ་བར་འགན་ལེན་བྱེད་དགོས།

    གྲོས་ཚོགས་ཐོག་ནན་གསུང་གནང་དོན། བྱེད་ཤུགས་སྔར་ལས་ཆེ་བར་བརྟེན་ནས་ལས་གཞིར་མ་དངུལ་གཏོང་བར་དམ་འཛིན་ཏན་ཏིག་བྱེད་པ་དང་། ལས་གཞི་ལས་འགོ་བསྐྱར་འཛུགས་དང་མཛོད་དུ་འཇུག་རྒྱུ་གཅིག་གྱུར་ཡོང་བར་ནུས་ཤུགས་ཡོད་རྒུས་སྐུལ་འདེད་གཏོང་བ། ཨར་ལས་ཀྱི་དུས་ཚོད་ཡག་ཤོས་དམ་འཛིན་བྱེད་པ། ལས་གཞི་འཛུགས་སྐྲུན་གྱི་མྱུར་ཚད་མགྱོགས་སུ་གཏོང་བ། རང་འགུལ་ངང་མདུན་གྲལ་ལ་ཞབས་འདེགས་ཞུ་བ། རྒྱུ་རྐྱེན་གཙོ་བོར་འགན་སྲུང་བྱེད་ཤུགས་ཆེ་རུ་གཏོང་བ་བཅས་བྱས་ཏེ།“ཁག་ཅིག་གསོག་འཇོག་དང་། ཁག་ཅིག་ལས་འགོ་འཛུགས་པ། ཁག་ཅིག་འཛུགས་སྐྲུན་བྱེད་པ། ཁག་ཅིག་ལེགས་གྲུབ་བྱེད་པ་”བཅས་ཀྱི་འཁོར་རྒྱུག་བཟང་པོ་ཞིག་ཆགས་པར་བྱ་དགོས། བྱེད་ཐབས་སྔར་བས་ཏན་ཏིག་ལ་བརྟེན་ནས་ཐོན་ལས་ཀྱི་འདེགས་སྐྱོར་བརྟན་དུ་གཏོང་བ་དང་། ས་མཐོའི་ཁྱད་ལྡན་ཞིང་ལས་ཀྱི་སྤུས་ཚད་མཐོ་རུ་དང་ཕན་འབྲས་ཆེ་རུ་འགྲོ་རྒྱུར་སྐུལ་འདེད་གཏོང་བ། སྲོལ་རྒྱུན་བཟོ་ལས་ཕྱོགས་སྒྱུར་རིམ་སྤོར་དང་མགྱོགས་མྱུར་འཕར་རྒྱུར་སྐུལ་འདེད་གཏོང་བ། སྤུས་ལེགས་རིག་གནས་ཡུལ་སྐོར་ཐོན་ལས་རྒྱུན་མཐུད་ངང་གཉེར་བ། ཐོན་རྫས་བྱེད་སྟངས་གསར་གཏོད་བྱ་རྒྱུར་སྐུལ་འདེད་ཤུགས་ཆེན་གཏོང་བ། ཡུལ་སྐོར་གྱིས་འཛད་སྤྱོད་ལ་སྐུལ་ཁྲིད་བྱེད་པའི་ལས་དོན་ལ་ཞིབ་འཇུག་གཏིང་ཟབ་བྱེད་པ། ཞབས་ཞུའི་ལས་རིགས་སྐྱེད་སྲིང་དང་སྟོབས་ཆེར་གཏོང་བ། འཛད་སྤྱོད་ཁོར་ཡུག་རྒྱུན་མཐུད་ངང་ལེགས་སུ་གཏོང་བ་བཅས་བྱེད་དགོས།

    གྲོས་ཚོགས་ཀྱིས་བླང་བྱ་བཏོན་དོན། ཁུལ་སྲིད་གཞུང་གི་འགོ་ཁྲིད་ཚན་པས་ལས་བགོས་འགན་གཉེར་ཁྱབ་ཁོངས་ཀྱི་དཔལ་འབྱོར་ལས་དོན་གྱི་བཀོད་གཏོང་མཛུབ་སྟོན་ལ་ཤུགས་སྣོན་དང་། ལས་ཡུལ་དང་པོར་ཟབ་ཞུགས་དང་མདུན་སར་བཅར་ནས་བཀོད་འདོམས། དུས་ཐོག་ཏུ་གནས་པའི་གནད་དོན་མཐུན་སྦྱོར་དང་ཐག་གཅོད་བཅས་བྱ་དགོས། རྫོང་(གྲོང་ཁྱེར)དང་ཐོན་ལས་གླིང་ཁུལ་ཁག་གིས་དམིགས་འབེན་དང་བསྡུར་ནས་ཧེ་བག་འཚོལ་ཞིབ་བྱས་ཏེ། གཏན་ལ་ཕབ་པའི་དམིགས་འབེན་ལེགས་གྲུབ་ཡོང་བར་ཁག་ཐེག་བྱ་དགོས། རིམ་པ་ཁག་དང་སྡེ་ཁག་སོ་སོས་གཞོགས་འདེགས་དམ་ཟབ་དང་། མཛུབ་སྟོན་དང་། ཞབས་ཞུ། ལྟ་སྐུལ་བཅས་བྱེད་ཤུགས་ཆེ་རུ་བཏང་སྟེ།“མིག་མངས་འགྲིག་སྐོར་གཅིག་”ལྟར་དཔལ་འབྱོར་དམ་འཛིན་བྱེད་པའི་ལས་ཀའི་རྣམ་པ་ཆགས་སུ་འཇུག་དགོས། ལྟ་ཞིབ་དང་དཔྱད་ཞིབ་དང་འགན་འཁྲི་རྩད་གཅོད་ནན་པོ་བྱས་ཏེ། ཁུལ་ཨུ་དང་ཁུལ་སྲིད་གཞུང་གི་ཐབས་ཇུས་བཀོད་སྒྲིག་སྣ་ཚོགས་ཇི་མ་ཇི་བཞིན་དོན་ཐོག་ཏུ་འཁྱོལ་བར་ཁག་ཐེག་བྱ་དགོས།

    གྲོས་ཚོགས་ཐོག་ནན་གསུང་གནང་དོན། མིག་སྔར་སྔར་བཞིན་འབྲུབ་ཆུ་འགོག་པའི་འགག་རྩའི་དུས་སུ་གནས་ཡོད་པས། སྔར་ལས་ལྷག་པར་དོགས་ཟོན་དང་འགན་འཁྲི་དོན་འཁྱོལ། ལས་རེས་བརྟན་སྲུང་བྱེད་ཤུགས་ཆེར་གཏོང་། ཆར་པ་བབས་ཚུལ་ལ་ལྟ་ཞིབ་ཚད་ལེན་དང་སྔོན་བརྡ་གཏོང་བ་དང་གནོད་འཚེ་སྔོན་འགོག་དང་ཁ་གཏད་འཇལ་བར་ཤུགས་སྣོན་རྒྱག་པ་བཅས་བྱས་ཏེ། འབྲུབ་ཆུ་འགོག་པའི་བདེ་འཇགས་དང་ཉེན་མེད་ཐོན་སྐྱེད་ཀྱི་འགོག་སྲུང་འཛིང་རགས་ནུས་ཤུགས་ཡོད་རྒུས་བརྟན་དུ་གཏོང་དགོས།

དབྱང་ཞུའེ་ཝུན་དང་། ཧུའུ་ཧྥེ་ཞུང་། ཡུས་ཀུའེ་ཧྥུན། ཞུས་ཀོང་ཏེ། ལིན་ཧའོ། ཝན་ཏན་ཆིན། མ་གོ་ཀྲུང་། ཀྲོང་ཞའོ་ཕིན་བཅས་ཚོགས་འདུར་ཞུགས། ཚོགས་འདུའི་ཐོག་བརྙན་ལམ་གྱི་རྣམ་པའི་ཐོག་ནས་རྫོང（གྲོང་ཁྱེར）ཁག་དང་སེམས་ཀྱི་ཉི་ཟླའི་ཐོན་ལས་གླིང་ཁུལ་དུ་འཚོགས་པ་རེད།