ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་2025ལོའི་སློབ་སྦྱོང་ཐེངས་བརྒྱད་པ་སྟེ་བདེ་ཆེན་འཆད་ཁང་ཆེན་པོ·འཆད་ཁྲིད་ལྔ་པ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་8པའི་ཚེས་27ཉིན།  ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་2025ལོའི་སློབ་སྦྱོང་ཐེངས་བརྒྱད་པ་སྟེ་བདེ་ཆེན་འཆད་ཁང་ཆེན་པོ·འཆད་ཁྲིད་ལྔ་པ་འཚོགས་པ་རེད།

ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་སློབ་སྦྱོང་གཙོ་སྐྱོང་གནང་དུས་ནན་བཤད་གནང་དོན།  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དུས་རབས་གསར་པའི་ཏང་གི་འཐབ་ཕྱོགས་གཅིག་འགྱུར་ལས་དོན་ཡག་པོ་སྒྲུབ་དགོས་པའི་སྐོར་གྱི་དགོངས་པ་གལ་ཆེན་དང་།  འཐབ་ཕྱོགས་གཅིག་འགྱུར་ལས་དོན་སྐོར་གྱི་གསུང་བཤད་གལ་ཆེན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱེད་དགོས་པ་དང་།  ཕྱོགས་ཡོངས་ནས་《ཀྲུང་གོའི་གུང་ཁྲན་ཏང་གི་འཐབ་ཕྱོགས་གཅིག་འགྱུར་ལས་དོན་གྱི་སྲོལ་ཡིག》དང་《ཏང་ཨུ（ཏང་ཙུའུ）ཡིས་འཐབ་ཕྱོགས་གཅིག་འགྱུར་ལས་དོན་དོན་འཁྱོལ་བྱེད་པའི་འགན་འཁྲི་ལམ་ལུགས་གྱི་གཏན་འབེབས》དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་དོན་འཁྱོལ་བྱེད་དགོས།འཐབ་ཕྱོགས་གཅིག་འགྱུར་གྱི་ཐབས་མཆོག་ནུས་པ་འདོན་སྤེལ་ཏན་ཏིག་བྱེད་དེ་ཀྲུང་གོའི་ལུགས་ཀྱི་དེབ་རབས་ཅན་བདེ་ཆེན་ལག་ལེན་སྐུལ་འདེད་གཏོང་ཆེད་མི་སེམས་གཅིག་སྒྲིལ་དང་སྟོབས་ཤུགས་གཅིག་སྡུད་བྱེད་དགོས།  

    ཀྲང་ཝེ་ཏུང་དང་ཕེང་ཧྲན།  ཞུས་སི་སི།  ལི་ཡན་ལན་བཅས་སློབ་སྦྱོང་དུ་ཞུགས་པ།

    ཞིང་ཨུའི་འཐབ་ཕྱོགས་གཅིག་འགྱུར་པུའུ་ཡི་པུའུ་ཀྲང་གཞོན་པ།  ཞིང་ཨུའི་བོད་འབྲེལ་གཞུང་དོན་ཁང་གི་ཀྲུའུ་རེན་ཝུའུ་ཡུནསན་གྱིས་ཏང་ཨུ（ཏང་ཙུའུ་）ཡིས་འཐབ་ཕྱོགས་གཅིག་འགྱུར་ལས་དོན་དོན་འཁྱོལ་བྱེད་པའི་འགན་འཁྲི་ལམ་ལུགས་གྱི་གཏན་འབེབས་ཞེས་པ་བརྗོད་དོན་གཙོ་བོར་བྱས་ཏེ་གཏན་འབེབས་བཏོན་པའི་དོན་སྙིང་གལ་ཆེན་དང་། ནང་དོན་གཙོ་བོ། ལག་བསྟར་དོན་འཁྱོལ་བྱེད་པའི་བླང་བྱ་བཅས་ཕྱོགས་གསུམ་གྱི་ཐད་ནས་ཆེད་དོན་ཟུར་ཁྲིད་བྱས་པ་རེད།

    ཚོགས་འདུའི་ཐོག་ནན་བཤད་བྱས་དོན།  ཆབ་སྲིད་ཀྱི་ཚོར་སྐྱེན་རང་བཞིན་དང་དབྱེ་འབྱེད་ནུས་པ་ཆེ་རུ་གཏོང་བ་དང་། ཉེན་ཁའི་མངོན་མེད་རྐྱེན་ངན་ཞིབ་བཤེར་བྱེད་ཤུགས་ཆེ་རུ་གཏོང་བ། “སྔོན་འགོག”རང་འགུལ་དམག་འཐབ་དང་“ཐག་གཅོད་”གྲ་སྒྲིག་དམག་འཐབ་མཐའ་གཅིག་ཏུ་ཡག་པོ་བཅས་བྱེད་དེ་བོད་འབྲེལ་མངའ་ཁོངས་ཀྱི་ཆབ་སྲིད་བདེ་འཇགས་ཀྱི་མཐའ་ཚད་བརྟན་སྲུང་བྱེད་དགོས།  “བཅད་ཁ་ཆུང་བའི”སྐུལ་འདེད་མཐའ་འཁྱོངས་བྱེད་དེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུའི་ལས་འགན་གལ་ཆེན་དེ་ཞིབ་ཕྲ་དང་། ཤེས་ཚོར།  ཚོད་སྐོར་བཅས་བྱེད་ཐུབ་པའི་རྣམ་གྲངས་དང་བྱེད་ཐབས་ཞིབ་ཕྲ་བཟོས་ནས་དྲིལ་བསྒྲགས་དང་སློབ་གསོ་གཏིང་ཟབ་ཏུ་གཏོང་བ་དང་། དཔེ་མཚོན་སྣེ་ཁྲིད་ལ་ཤུགས་སྣོན་བརྒྱབ་སྟེ་ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་སེམས་སུ་རྩ་བ་བརྟན་པོ་འཛུགས་པ་དང་བྱ་སྤྱོད་ཚང་མའི་ནང་དུ་མཐོང་ཐུབ་པར་སྐུལ་འདེད་གཏོང་དགོས།  ཆོས་ལུགས་ལས་དོན་ཁྲིམས་སྐྱོང་ཅན་གྱི་ཆུ་ཚད་མཐོར་འདེགས་བྱེད་དགོས་པ་དང་། རྒྱུན་མཐུད་ངང“སེམས་བརླིང་ཁ་ཕྱོགས་མཐུན་པའི”བསམ་བློའི་སློབ་གསོ་གཏིང་ཟབ་ཏུ་གཏོང་བ་དང་། ཆོས་ལུགས་ལས་རིགས་དང་དད་ལྡན་མང་ཚོགས་ཀྱི་རྒྱལ་ཁབ་ཀྱི་འདུ་ཤེས་དང་། སྤྱི་དམངས་ཀྱི་འདུ་ཤེས། ཁྲིམས་སྐྱོང་འདུ་ཤེས། དྲིན་ཚོར་འདུ་ཤེས་བཅས་རྒྱུན་ཆད་མེད་པར་ཆེ་རུ་གཏོང་དགོས།  དམངས་གཉེར་དཔལ་འབྱོར་ལ་སྐུལ་འདེད་གཏོང་བའི་བཅའ་ཁྲིམས་ལག་བསྟར་ནན་ཏན་བྱེད་པ་དང་། སྲིད་ཚོང་འགྲོ་འོང་གི་དྲང་ཕྱོགས་དང་། ལྡོག་ཕྱོགས།  དར་སྤེལ་བཅས་ཞིབ་ཐོ་གསུམ་དོན་འཁྱོལ་བྱེད་དེ།  “ཁེ་ལས་པའི་མཚན་མོའི་གཏམ་བཤད་”དང“ཅུས་ཀྲང་གིས་གཏུག་བཤེར་དང་ལེན་བྱེད་པའི”བྱེད་སྒོ་གཏིང་ཟབ་སྤེལ་ཏེ། སྤྱི་ལ་དབང་བའི་ལམ་ལུགས་མིན་པའི་དཔལ་འབྱོར་སྐྱོན་བྲལ་ངང་འཕེལ་རྒྱས་འགྲོ་བ་དང་སྤྱི་ལ་དབང་བའི་ལམ་ལུགས་མིན་པའི་དཔལ་འབྱོར་མི་སྣ་སྐྱོན་བྲལ་ངང་འཚར་ལོངས་ཡོང་བར་སྐུལ་འདེད་གཏོང་དགོས།  ཆབ་སྲིད་ཀྱི་སྣེ་ཁྲིད་ལ་ཤུགས་སྣོན་རྒྱག་པ་དང་། ཞབས་ཞུའི་ལམ་སྲོལ་ཟུངས་ནུས་བྱ་ཐབས་འཐུས་ཚང་དུ་གཏོང་བ། སྤེལ་རེས་མཉམ་ལས་ལ་ཤུགས་སྣོན་རྒྱག་པ་བཅས་བྱས་ནས་བདེ་ཆེན་འཐབ་ཕྱོགས་གཅིག་གྱུར་གྱི་གཏམ་རྒྱུད་རྒྱུན་ཆད་མེད་པར་ཡག་པོ་བཤད་པ་དང་མངའ་ཁོངས་ཁག་གི་འཐབ་ཕྱོགས་གཅིག་གྱུར་གྱི་ལས་དོན་གཅིག་གྱུར་གྱིས་དམ་འཛིན་ཡག་པོ་བྱེད་དགོས།

    ཚོགས་འདུའི་ཐོག་བླང་བྱ་བཏོན་དོན།རིམ་པ་ཁག་དང་སྡེ་ཚན་ཁག་གིས་ཕྱོགས་ཡོངས་ནས་དུས་རབས་གསར་པའི་ཏང་གི་འཐབ་ཕྱོགས་གཅིག་གྱུར་གྱི་ཕྱོགས་སོ་སོའི་འགན་འཁྲི་དོན་འཁྱོལ་བྱེད་དགོས་ཏེ། འཐབ་ཕྱོགས་རེ་རེ་དང་། མངའ་ཁོངས་རེ་རེ། ལྷུ་ཚིགས་རེ་རེ་བཅས་ཀྱི་འཐབ་ཕྱོགས་གཅིག་གྱུར་གྱི་ལས་དོན་ཞིབ་ཕྲ་དང་གཏིང་ཟབ་ཏུ་དམ་འཛིན་བྱེད་དེ། ཏང་ཨུ་ཡིས་གཅིག་གྱུར་གྱིས་འགོ་ཁྲིད་བྱེད་པ་དང་། འཐབ་ཕྱོགས་གཅིག་གྱུར་སྡེ་ཁག་གིས་སྣེ་ཁྲིད་མཐུན་སྦྱོར་བྱེད་པ། འབྲེལ་ཡོད་ཕྱོགས་ཀྱིས་རང་རང་གི་འགན་འཁྲི་འཁུར་བའི་འཐབ་ཕྱོགས་གཅིག་གྱུར་ཆེན་མོའི་ལས་ཀ་བྱེད་སྟངས་མགྱོགས་མྱུར་ངང་འཛུགས་དགོས།

    ཚོགས་འདུ་དེ་བརྙན་ལམ་གྱི་ཚུལ་ནས་རྫོང་（གྲོང་ཁྱེར་）ཁག་དང་།སེམས་ཀྱི་ཉི་ཟླའི་ཐོན་ལས་གླིང་ཁུལ་དུ་འཚོགས་པ་དང་།  ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་ཁོངས་མི་དང་།  འབྲེལ་ཡོད་ཁུལ་གྱི་འགོ་ཁྲིད།  ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་གཙོ་བོ་སོགས་ཚོགས་འདུར་ཞུགས།