ལྷམ་འདི་རིགས་གྱོན་ན་ཁྱེད་ཀྱི་རྐང་པར་གནོད་པ་བཟོ་སྲིད།

རྩོམ་པ་པོ།     ཡིག་བསྒྱུར།       དུས་ཚོད།   2025-06-01   རྩོམ་ཁུངས།    人民网藏文版

        ལྷམ་ཁུང་ལྡན་ནི་གྱོན་བདེ་དང་རྐང་ལ་བདེ་བ། ཕྱི་ཚུལ་ཡག་པ་བཅས་ལ་བརྟེན་ནས་ཚང་མས་དགའ་པོ་བྱེད་ཀྱིན་ཡོད། འོན་ཀྱང་ཡུན་རིང་ལ་ལྷམ་ཁུང་ལྡན་གྱོན་ན་རྐང་པའི་བདེ་ཐང་ལ་མངོན་མེད་རྐྱེན་ངན་ཡོད། 

        མངོན་མེད་ཉེན་ཁ་དང་པོ།  ལྷམ་ཁུང་ལྡན་ནི་རྒྱུན་པར་ལྷམ་མཐིལ་ཅུང་སྲབ་པ་མ་ཟད་འདེགས་སྐྱོར་འདང་ངེས་ཤིག་མེད་པས། དུས་ཡུན་རིང་པོར་གྱོན་ན་རྐང་གཞུ་རྐོ་རུ་ལྷུང་ནས་རྐང་གཞུའི་རྒྱུན་ལྡན་གྱི་འཚར་སྐྱེ་ལ་ཤུགས་རྐྱེན་ཐེབས་སྲིད། རྐང་གཞུ་ནི་མིའི་ལུས་པོའི་ལྗིད་ལྟེ་དོ་མཉམ་རྒྱུན་འཁྱོངས་བྱེད་པའི་གནད་འགག་གི་གྲུབ་ཚུལ་ཞིག་ཡིན། རྐང་གཞུ་རྐོ་རུ་ལྷུང་ཚེ་རྐང་ངོས་ལེབ་སྙོམ་འབྱུང་སྲིད།

        མངོན་མེད་ཉེན་ཁ་གཉིས་པ། རྐང་པའི་བརྟན་བརླིང་རང་བཞིན་མི་འདང་པས་འགུལ་སྐྱོད་ཁྲོད་བྱིས་པའི་རྐང་ཚིགས་འགྱེལ་སླ་བ་དང་། རྒྱུན་ལྡན་གྱི་འགུལ་སྐྱོད་ནུས་པར་ཤུགས་རྐྱེན་ཐེབས་སྲིད། 

        རུས་ནད་ཚན་ཁག་གི་ཆེད་མཁས་པས། བྱིས་པའམ་ཡང་ན་གཞོན་ནུ་ལོ་ཆུང་གང་ཡིན་རུང་ཡུན་རིང་བོར་ལྷམ་ཁུང་ལྡན་གྱོན་མི་རུང་། དེ་ནི་སྤྲོ་གསེང་གི་སྐབས་སུ་སྐབས་འགར་གྱོན་པ་ལས། ནམ་རྒྱུན་འདེགས་སྐྱོར་དང་རྐང་གཞུ་འདེགས་པའི་ལུས་རྩལ་ལྷམ་སམ་ཀོ་ལྷམ་མང་ཙམ་གྱོན་དགོས་པའི་གྲོས་འགོ་བཏོན་ཡོད།