2025ལོའི་སེམས་ཀྱི་ཉི་ཟླའི་རྟ་རྒྱུག་འགྲན་བསྡུར་ལྟད་མོ་ཆེ།

    ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་འགོ་ཚུགས་མཛད་སྒོར་ཞུགས།

    ཁུལ་ཨུའི་རྒྱུན་ཨུ། སེམས་ཀྱི་ཉི་ཟླ་གྲོང་ཨུའི་ཧྲུའུ་ཅི་ཧོང་ལུང་ཞིན་གྱིས་ཤིས་ཚིག་གསུངས་པ་དང་འབྲེལ་བྱེད་སྒོ་སྤེལ་འགོ་ཚུགས་པའི་ཁྱབ་བསྒྲགས་ཀྱང་གནང་བ་རེད།

    སེམས་ཀྱི་ཉི་ཟླ་གྲོང་ཨུའི་ཧྲུའུ་ཅི་གཞོན་པ།ཧྲི་ཀྲང་ཅུས་ཡན་ཏུང་གིས་འགོ་ཚུགས་མཛད་སྒོ་གཙོ་སྐྱོང་གནང་བ་རེད།

    སྔ་དྲོའི་ཆུ་ཚོད་10པར་རྔམ་བརྗིད་ལྡན་པའི་རྒྱལ་དར་སྒྲེང་བའི་མཛད་སྒོའི་ཐོག་བྱེད་སྒོ་སྤེལ་འགོ་ཚུགས་པ་དང་།ཚོགས་ར་ཡོངས་ཀྱི་མི་རྣམས་ཡར་ལངས་ནས་རྒྱལ་དར་སྒྲེང་བའི་མཛད་སྒོ་འཚོགས་ཏེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་གླུ་མཉམ་དུ་བླངས་པ་རེད།

    རྒྱལ་སྤྱིའི་མོ་ཐྲོལ་གྲགས་ཅན་ཐོག་མ།ཇུས་འགོད་པ་མཱ་ལི་ཡན་གྱིས་འཁྱེར་ཡོང་བའི“ཡུན་ཤོམ·སེམས་ཀྱི་ཉི་ཟླ”ཞེས་པའི་མཐོ་རིམ་འཚེམ་བཟོའི་གྱོན་ཆས་ཀྱི་འཐུས་མིའི་བརྩམས་ཆོས་དེ་《དུས་གཏན་གྱི་སེམས་ཀྱི་ཉི་ཟླ》ཞེས་པའི་གླུ་དབྱངས་ཀྱི་འགྱུར་ཁུག་དང་བསྟུན་ནས་མོ་ཐྲོལ་རྣམས་ཀྱིས་ལུས་ལ་མཛེས་ཤིང་ཡིད་དུ་འོང་བའི་གྱོན་ཆས་གྱོན་ནས་དལ་བུར་གར་སྟེགས་སུ་བསྐྱོད་ནས།སྲོལ་རྒྱུན་གྱི་མི་རིགས་གཞི་རྒྱུ་དང་དེང་རབས་ཀྱི་དར་སྲོལ་མཉམ་འདྲེས་གང་ལེགས་ཡོང་བ་བྱས་ཏེ་ཁབ་སྐུད་རེ་རེ་ནས་སེམས་ཀྱི་ཉི་ཟླའི་གཏམ་རྒྱུད་བརྗོད་པ་དང་གོམ་སྟབས་རེ་རེ་ནས་ཤར་ཕྱོགས་ཀྱི་མཛེས་དཔྱོད་རིག་པའི་ཐུན་མོང་མ་ཡིན་པའི་ཉམས་འགྱུར་མངོན་པར་བྱས་ཡོད།

    ཉེ་བའི་ལོ་ཤས་རིང་།རང་ཁུལ་གྱིས་“ལུས་རྩལ་འགྲན་བསྡུར་དང་།གྲོང་གསེབ་ཡུལ་སྐོར།སྲོལ་རྒྱུན་རིག་གནས”བཅས་ཟུང་དུ་འབྲེལ་བའི་མཉམ་འདྲེས་བྱེད་སྟངས་ལ་བརྟེན་ནས་རྟ་རྒྱུག་དེ“ཡུན་ནན་གྱི་འཚོ་བ་ཟེར་བ་ཞིག་ཡོད་པའི”གསོན་ཉམས་དོད་པའི་ཉམས་ལེན་ཞིག་ཏུ་གྱུར་ཡོད།བདེ་ཆེན་སེམས་ཀྱི་ཉི་ཟླའི་རྟ་རྒྱུག་གིས“ལུས་རྩལ་དང་རིག་གནས་ཡུལ་སྐོར་མཉམ་འདྲེས་”ཀྱི་སྣ་མང་ཉམས་ལེན་ཇུས་འགོད་ཞིབ་ཚགས་བྱས་ཡོད།རྟ་མཆོག་300ལྷག་ཙམ་གྱིས་གོམ་ཚད་དང་།རྩལ་ནུས་སོགས་འགྲན་རྒྱུ་ཡིན་པ་མ་ཟད།སེམས་ཀྱི་ཉི་ཟླའི་བྱེས་བགྲོད་འགྲན་བསྡུར་སྐབས་དང་པོས་ལུས་རྩལ་ལ་དགའ་པོ་བྱེད་མཁན་1200ལྷག་ཙམ་གྱི་ཡིད་དབང་བཀུག་ནས་ས་མཐོའི་མཐའ་ཚད་འགྲན་རྒྱུ་ཡིན་པ་རེད།ས་སྲོས་ཀྱི་དུས་སུ།སྐར་ཚོགས་བཀྲ་བའི་སྤི་རག་རོལ་དབྱངས་འདུ་ཚོགས་ཀྱིས་སྲོལ་རྒྱུན་གྱི་དམངས་གཞས་དང་དེང་རབས་ཀྱི་གློག་རྡུལ་རོལ་དབྱངས་དཀྲོལ་རྒྱུ་དང་།ཞིམ་ཟས་གསོལ་སྟོན་དང་།སྒར་བརྒྱབ་ཁ་ཧྥེ་སོགས་གསོལ་སྟོན་གཟབ་རྒྱས་ཤིག་ལ་རོལ་བ། ད་དུང་མི་རྣམས་ཀྱིས་རེ་སྒུག་བྱེད་པའི“མངོན་མིན་རིག་གནས་ཤུལ་བཞག་གི་རིག་གནས་གསར་གཏོད་ཁྲོམ་གཞུང”སྟེ། སྲོལ་རྒྱུན་གྱི་ཉི་ཤར་རྫ་ནག་དང་། ཐང་ག་འབྲི་བཞེངས།བོད་སྤོས་ཐོན་རྫས་སོགས་མངོན་མིན་རིག་གནས་ཤུལ་བཞག་ལག་རྩལ་དང་རླབས་རྒྱུན་གྱི་རིག་གནས་ཐོན་ལས་དབར་མེ་སྟག་མི་འདྲ་བ་མཆེད་ནས་གནའ་བོའི་རིག་གནས་དེ་དེང་རབས་ཀྱི་ཁོར་ཡུག་ཁྲོད་སྐྱེ་སྟོབས་ཀྱི་དཔལ་ལ་འབར་བར་བྱས་པ་རེད།