དགོང་མོ་མ་ཉལ་གོང་འདི་དག་བྱ་མི་རུང་།

1.བསམ་བློ་མང་པོ་གཏོང་རྒྱུ་མེད།

        གལ་སྲིད་ཁྱེད་ལ་དགོང་ལས་བྱེད་པ་དང་དཔེ་དེབ་ལྟ་བའི་གོམས་གཤིས་ཡོད་ན། སྔ་ཙམ་ནས་བྱེད་པའམ་བལྟས་ཏེ། ཉལ་ཁར་ཀླད་པར་ངལ་གསོ་ཡག་པོ་ཐེབས་སུ་འཇུག་དགོས། འདི་འདྲ་བྱས་ན་གཉིད་ཁུག་བདེ་བ་ཡོད། གལ་སྲིད་དེ་ལས་ལྡོག་སྟེ་ཉལ་ཁར་ཀླད་པ་ཡང་ཡང་དཀྲུགས་ཚེ། གཉིད་ཁུག་དཀའ་བ་མ་ཟད་ཡུན་རིང་སོང་ཚེ་གཉིད་མི་ཁུག་པའི་ནད་ཀྱང་ཕོག་སྲིད།

2.ཁ་ཟས་མང་པོ་ཟ་རྒྱུ་མེད།

        དགོང་ཟས་སྔ་ཙམ་ནས་བཟས་ཏེ་ཉལ་ཁར་མང་པོ་ཟ་རྒྱུ་མེད། གལ་སྲིད་མང་དྲགས་ཚེ། ཕོ་བས་འཇུ་ཁག་པ་དང་རྨི་ལམ་མང་པོ་གཏོང་བ་མ་ཟད་གཉིད་སྐྱིད་པོ་ཞིག་ཁུག་དཀའ།

3.ཁ་པར་བརྩེས་ནས་ཡུན་རིང་སྡོད་རྒྱུ་མེད།  

        ཉིན་མོ་ལས་ཀ་དང་སློབ་སྦྱོང་གི་ལས་བྲེལ་ཆེ་བས། ཉལ་ཁར་ཁ་པར་ནས་གསར་འགྱུར་དང་ཆོབ་ཚ་བའི་བརྙན་ཐུང་སོགས་བལྟས་ན་ཀླད་པར་ངལ་གསོ་ཡག་པོ་ཐེབས་སྲིད། འོན་ཀྱང་ཁ་པར་བརྩེས་ནས་ཆུ་ཚོད་གཅིག་ཡན་སོང་ཚེ་མིག་ཙམ་མ་ཟད་གཟུགས་པོར་ཡང་གནོད་འཚེ་ཆེན་པོ་ཡོད།

4.ཆུ་མང་པོ་འཐུང་རྒྱུ་མེད།

        ཉལ་ཁར་ཆུ་མང་པོ་འཐུང་རྒྱུ་མེད། ལྷག་པར་དུ་ནམ་ཕྱེད་ལ་གཅིན་པ་གཏོང་བའི་གོམས་གཤིས་ཡོད་པའི་མི་རྣམས་ཀྱིས་ཉལ་ཁར་ཆུ་མང་པོ་བཏུངས་ན། གཉིད་ཡག་པོ་ཁུག་མི་ཐུབ་ལ་ཀླད་པར་ཡང་ངལ་གསོ་ཡག་པོ་ཐེབས་མི་སྲིད།

5.དངངས་སྐྲག་ཆེན་པོ་སོགས་སྐྱེ་སྲིད་པའི་དེབ་དང་གློག་བརྙན་མང་པོ་ལྟ་རྒྱུ་མེད།

        རྒྱུན་དུ་ཉལ་ཁར་སྐྱི་གཡའ་བའི་གློག་བརྙན་དང་སྒྲུང་དེབ་མང་པོ་བལྟས་ཚེ། ཀླད་པར་ངལ་གསོ་ཐེབས་ཀྱི་མེད་ལ་སེམས་ལ་འཇིགས་སྣང་དང་དངངས་སྐྲག་ཆེན་པོ་སྐྱེ་སྲིད་པས། དེ་རིགས་ཉུང་ཙམ་ལྟ་དགོས།