ཁུལ་ཨུའི་སྐབས་དགུ་པའི་རྒྱུན་ཨུའི་གྲོས་ཚོགས་ཐེངས་137པ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2025-08-29   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    ཟླ་8པའི་ཚེས་28ཉིན་ཁུལ་ཨུའི་སྐབས་དགུ་པའི་རྒྱུན་ཨུའི་གྲོས་ཚོགས་ཐེངས་137པ་འཚོགས་པ་དང་།  གྲོགས་ཚོགས་སུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་དེ་བཞིན་ཞིང་ཨུའི་འབྲེལ་ཡོད་ལས་དོན་གྱི་བླང་བྱ་བརྒྱུད་བསྒྲགས་སློབ་སྦྱོང་བྱས་ནས་རང་ཁུལ་གྱི་ལས་དོན་ལག་བསྟར་ལ་ཞིབ་འཇུག་བྱས་ཡོད།  

ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་བ་རེད།

    ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་རང་སྐྱོང་ལྗོངས་ཏང་ཨུ་དང་སྲིད་གཞུང་ལས་དོན་སྙན་ཞུ་ལ་གསན་དུས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ཁྱོན་ཡོངས་ནས་ལག་བསྟར་བྱས་ཏེ། “སྔོན་འགོག་”གི་རང་འགུལ་དམག་འཐབ་དང་“ཐག་གཅོད་”གྲ་སྒྲིག་དམག་འཐབ་ཡག་པོ་བྱས་ཏེ།    མི་རིགས་ཁག་ཕྱོགས་ཡོངས་ནས་ལག་ལེན་ནང་འཇུག་པའི་ཐབས་ལམ་རྒྱ་ཆེ་རུ་བཏང་སྟེ།    རང་རྒྱལ་གྱི་ཆོས་ལུགས་ཀྲུང་གོ་ཅན་དུ་འགྱུར་བའི་བདེ་ཆེན་ལག་ལེན་གོ་རིམ་ལྡན་པའི་སྒོ་ནས་སྐུལ་འདེད་གཏོང་བ་དང་།    ཏང་འཛུགས་སྐྱོང་ལ་ཤུགས་སྣོན་བརྒྱབ་ནས་གཞི་རིམ་གྱི་བཅོས་སྐྱོང་སྣེ་ཁྲིད་བྱེད་པ་དང་།    ཐོན་ལས་ཆེན་པོ་བཞི་འཕེལ་རྒྱས་ཤུགས་ཆེན་གཏོང་བ།    ཡུན་ནན་ནུབ་བྱང་གི་སྐྱེ་ཁམས་བདེ་འཇགས་བཀག་རྒྱ་བརྟན་པོ་བསྐྲུན་པ།    ཚད་གཞི་ནན་པའི་ཐོག་ནས་ཕྱོགས་ཡོངས་ནས་ཏང་ནན་སྐྱོང་བྱེད་པར་སྐུལ་འདེད་གཏིང་ཟབ་གཏོང་བ།    རྒྱུན་མཐུད་བརྟན་ལྷིང་དང་།    འཕེལ་རྒྱས།    སྐྱེ་ཁམས། མཐའ་མཚམས་བརྟན་ལྷིང་བཅས་དོན་ཆེན་བཞི་ལེགས་པར་བསྒྲུབ་དགོས།     ཐོན་ལས་གལ་ཆེན་གྱི་རྣམ་གྲངས་ལ་སྐུལ་འདེད་ཏན་ཏིག་གཏོང་བ་དང་།    རྒྱུ་རྐྱེན་གཙོ་བོ་འགན་སྲུང་བྱེད་ཤུགས་ཆེ་རུ་གཏོང་བ།    མ་དངུལ་གྲུབ་གཞི་ལེགས་སུ་གཏོང་བ།    ཚོང་འགུག་མ་འཇོག་བྱེད་ཤུགས་ཆེ་རུ་གཏོང་བ་བཅས་བྱས་ནས་ལོ་ཧྲིལ་པོའི་དཔལ་འབྱོར་འཕེལ་རྒྱས་དམིགས་ཚད་ལས་འགན་ལེགས་འགྲུབ་ཡོང་བའི་འགན་ལེན་བྱེད་དགོས།   ཚན་རྩལ་གསར་གཏོད་ལས་དོན་དམ་འཛིན་ཡག་པོ་བྱས་ཏེ་ཞིང་ཆེན་ཕྱི་ནང་གི་ཕུལ་བྱུང་ཚན་རིག་ཞིབ་འཇུག་སྒྲིག་གཞི་དང་ཚན་རྩལ་མཉམ་ལས་བྱེད་ཤུགས་ཆེ་རུ་བཏང་ནས་ཚན་རྩལ་ནུས་སྐྱེད་དང་།    ཀྲུང་ལུགས་སྨན་རྫས།    རི་སྐྱེས་འབུ་ཕྲ་སོགས་ས་མཐོའི་ཁྱད་ཆོས་ལྡན་པའི་ཞིང་ལས་ཕྱོགས་སྒྱུར་རྒུན་འབྲུམ་རིམ་སྤར་བྱ་དགོས།     གྲོན་ཆུང་ནན་པོ་ལག་བསྟར་བྱས་ནས་ཆུད་ཟོས་ལ་ངོ་རྒོལ་བྱ་རྒྱུ་དམ་འཛིན་དམ་ཟབ་དང་།    འཚོ་བ་དམ་པོའི་ལམ་ལུགས་ཁག་དོན་འཁྱོལ་བྱ་རྒྱུར་དམ་འཛིན་ནན་པོ་བྱས་ཏེ།    ཆབ་སྲིད་གྲུབ་འབྲས་ཀྱི་ལྟ་བ་ཡང་དག་པ་བཙུགས་ཏེ།    གྲོན་ཆུང་ཅན་གྱི་ལས་ཁུངས་འཛུགས་སྐྲུན་བྱེད་པར་རྒྱུན་མཐུད་སྐུལ་འདེད་གཏོང་དགོས།     ཟས་སྤྱོད་ཤ་མོ་གསོ་སྐྱོང་དང་སྐྱེ་འཕེལ་ལ་སྐུལ་འདེད་གཏོང་བའི་ལས་དོན་དམ་འཛིན་ཡག་པོ་བྱས་ནས་དབྱར་རྩྭ་དགུན་འབུ་དང་བེ་ཤ་གཙོ་བྱས་པའི་ནགས་འོག་གི་རི་སྐྱེས་སྲིན་འབུའི་རྣམ་གྲངས་འཆར་འགོད་ཧུར་ཐག་བྱས་ཏེ།    ཟས་སྤྱོད་ཤ་མོའི་ཚན་རིག་ཞིབ་འཇུག་དང་ལག་རྩལ་གསར་གཏོད་ལ་ཤུགས་སྣོན་བརྒྱབ་སྟེ་ཟས་སྤྱོད་ཤ་མོ་དེང་རབས་ཅན་གྱི་ཉོ་ཚོང་ལྟེ་གནས་འཛུགས་སྐྲུན་མགྱོགས་སུ་བཏང་སྟེ་ཟས་སྤྱོད་ཤ་མོའི་ཐོན་ལས་“བསྟུད་མར་སྦྲེལ་མཐུད”ཡོང་བར་མངོན་འགྱུར་ཡོང་དགོས་ཞེས་ནན་བཤད་གནང་ཡོད།      

    ཚོགས་འདུའི་ཐོག་བསམ་བློའི་ཆབ་སྲིད་ལས་དོན་སྐོར་གྱི་སྙན་ཞུར་ཉན་པ་དང་རིགས་པའི་གཞུང་ལུགས་ཀྱི་དྲག་ཆས་ཕན་འབྲས་དང་དྲིལ་བསྒྲགས་བྱེད་སྟངས་གསར་གཏོད་མཐོར་འདེགས་བྱས་ཏེ་བསམ་བློའི་ཆབ་སྲིད་ལས་དོན་གྱི་དམིགས་སའི་རང་བཞིན་དང་ཕན་འབྲས་དངོས་ཆེ་རུ་གཏོང་དགོས་པའི་ནན་བཤད་གནང་བ་རེད། ཚོགས་འདུའི་ཐོག་ནར་མ་སོན་པའི་མིའི་བསམ་བློའི་ཀུན་སྤྱོད་འཛུགས་སྐྱོང་ལས་དོན་གྱི་སྙན་ཞུ་ཉན་པ་དང་།    ཁྱིམ་ཚང་དང་།    གཙིགས་བཅོས་དང་སྤྱི་ཚོགས་ཕྱོགས་གཅིག་ཏུ་ཤུགས་རྒྱག་རྒྱུར་ཤུགས་སྣོན་བརྒྱབ་སྟེ་ཆེད་དོན་སློབ་གྲྭ་ཡག་པོ་གཉེར་ནས་ནར་མ་སོན་པའི་མི་སྐྱོན་བྲལ་ངང་འཚར་ལོངས་ཡོང་བར་ཁོར་ཡུག་བཟང་པོ་གཏོད་དགོས་པའི་ནན་བཤད་གནང་བ་རེད། ཚོགས་འདུའི་ཐོག་བསམ་བློ་ཆབ་སྲིད་ཀྱི་སློབ་ཚན་འཛུགས་སྐྲུན་བྱ་ཚུལ་གྱི་སྙན་ཞུར་ཉན་པ་སྟེ།    “འགྲོ་སྐྱོད་ཀྱི་བསམ་བློ་ཆབ་སྲིད་ཀྱི་སློབ་ཚན་གསར་སྤེལ་ཧུར་ཐག་བྱེད་པ་དང་།   བསམ་བློ་ཆབ་སྲིད་ཀྱི་སློབ་ཚན་ཆེན་པོའི་ལས་ཀའི་མ་ལག་མགྱོགས་མྱུར་ངང་འཛུགས་པ།    བདེ་ཆེན་གྱི་ཁྱད་ཆོས་ལྡན་པའི་བསམ་སྲིད་སྤུས་རྟགས་གཏོད་རྒྱུ་བཅས་ནན་བཤད་བྱས་པ་རེད།  

     ཚོགས་འདུའི་ཐོག་རྨོ་ཞིང་སྲུང་སྐྱོང་དང་འབྲུ་རིགས་བདེ་འཇགས་ཀྱི་འགན་འཁྲིའི་ལམ་ལུགས་དོན་འཁྱོལ་བྱས་ཚུལ་སྐོར་གྱི་སྙན་ཞུར་ཉན་པ་དང་།    རྨོ་ཞིང་སྲུང་སྐྱོང་ནན་པོ་དང་།    རྨོ་ཞིང་སྤུས་ཚད་མཐོ་རུ་གཏོང་བ།    རྨོ་ཞིང་ལྡུམ་རའི་ནགས་ས་བཀོད་སྒྲིག་ལེགས་སུ་གཏོང་བའི་ལས་དོན་ཏན་ཏིག་སྤེལ་བ།    རྨོ་ཞིང་སྲུང་སྐྱོང་གི་དམར་ཐིག་དང་འབྲུ་རིགས་བདེ་འཇགས་ཀྱི་འོག་ཐིག་མཐའ་གཅིག་ཏུ་སྲུང་འཛིན་བྱེད་དགོས་པའི་ནན་བཤད་གནང་བ་རེད།   

      ཚོགས་འདུའི་ཐོག་སྐབས་གསུམ་པའི་འཛམ་གླིང་གི“སེམས་ཀྱི་ཉི་ཟླ”རིག་གནས་ཡུལ་སྐོར་དུས་ཆེན་གྱི་འབྲེལ་ཡོད་ལས་དོན་ལ་ཞིབ་འཇུག་གནང་བ་དང་།    སྲིད་གཞུང་གིས་སྣེ་འཁྲིད་པ་དང་།    ཁྲོམ་རས་ཁྲིད་སྟོན།    ཁེ་ལས་ཀྱིས་གཙོ་གཟུགས་འཛིན་པ་བཅས་མཐའ་འཁྱོངས་དང་།    དྲ་ཐོག་དང་ཚོང་ལམ་མཐུན་སྦྱོར་དང་།    གྲོན་ཆུང་ནན་པོ་དང་སྒྲིག་འཛུགས་ཞིབ་ཚགས་བཅས་བྱས་ཏེ་བྱེད་སྒོ་ཕན་འབྲས་ཡོང་བར་འགན་ལེན་བྱེད་དགོས་པའི་ནན་བཤད་གནང་།     ཚོགས་འདུའི་ཐོག་བྲུག་འགོག“1262”ཉེན་ཟོན་སྔོན་བརྡ་གཏོང་སྲོལ་དང“གཅིག་གྱུར་བཞི”ཡི་ལས་དོན་བླང་བྱ་དོན་འཁྱོལ་བྱས་ཏེ་རི་ཁུལ་གྱི་ལྡེབས་ཉིལ་དང་འདམ་རྡོའི་ཆུ་རུད་སོགས་ཞོར་ཐོན་གནོད་འཚེ་འགོག་བཅོས་ལ་ཤུགས་སྣོན་རྒྱག་དགོས་ཞེས་ནན་བཤད་གནང་བ་རེད།

    ཚོགས་འདུའི་ཐོག་ད་དུང་གཞན་དག་གི་དོན་ཚན་ལ་ཞིབ་འཇུག་བྱས་པ་རེད།



分享到：QQ空间新浪微博腾讯微博人人网微信