ཀྲུང་གོ་མི་དམངས་ཀྱི་རི་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ་80འཁོར་བར་དྲན་གསོ་ཞུ་བ།

བརྗོད་དོན་གཙོ་བོའི་མེ་ཏོག་སྟེགས་བུ་པེ་ཅིང་ཁྲང་ཨན་ཁྲོམ་གཞུང་གི་ལམ་རྒྱུད་དུ་སྒྲིག་གཤོམ་བྱས་པ།

    འདི་ནི་ཟླ་8ཚེས་26ཉིན་རྒྱལ་འཛུགས་སྒོ་མོའི་ནུབ་བྱང་ངོས་སུ་ཡོད་པའི“ཞི་བདེར་གཅེས་སྤྲས”ནང་དོན་དུ་བྱས་པའི་མེ་ཏོག་སྟེགས་བུ་ཡིན་པ།

    ཉེ་ཆར། ཀྲུང་གོ་མི་དམངས་ཀྱི་རི་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ་80འཁོར་བར་དྲན་གསོ་ཞུ་བའི་བརྗོད་དོན་གཙོ་བོའི་མེ་ཏོག་སྟེགས་བུ་པེ་ཅིང་ཁྲང་ཨན་ཁྲོམ་གཞུང་གི་ལམ་རྒྱུད་དུ་སྒྲིག་གཤོམ་བྱས་པ་རེད།

    པེ་ཅིང་གྲོང་ཁྱེར་སྐྱེད་ཚལ་སྔོ་ལྗང་ཅུས་ཀྱིས་ངོ་སྤྲོད་བྱས་པར་གཞིགས་ན། “ལོ་རྒྱུས་བློར་འཛིན་དང་། དཔའ་བོར་དྲན་གསོ། ཞི་བདེར་གཅེས་སྤྲས། འབྱུང་འགྱུར་གསར་གཏོད”བཅས་བརྗོད་དོན་གཙོ་བོར་བྱས་པའི་ལངས་གཟུགས་མེ་ཏོག་སྟེགས་བུ་ཁག་10རྒྱལ་འཛུགས་སྒོ་མོ་ནས་བསྐྱར་དར་སྒོ་མོ་བར་སྒྲིག་གཤོམ་བྱས་ཡོད།

    ལངས་གཟུགས་མེ་ཏོག་སྟེགས་བུ་སོ་སོར་ཁྱད་ཆོས་མི་འདྲ་བ་ལྡན་ཞིང་། ཤར་ཕྱོགས་ཀྱི་མེ་ཏོག་སྟེགས་བུ་ཁག་ལྔ་ལས་ཀྲུང་ཧྭ་མི་རིགས་ཀྱི་དཔའ་ངར་ཞུམ་མེད་དང་དགའ་སྐྱོ་གཉིས་ལྡན་གྱི་རྒྱལ་ཁ་རླབས་པོ་ཆེ་མཚོན་པ་དང་། ནུབ་ཕྱོགས་ཀྱི་མེ་ཏོག་སྟེགས་བུ་ལྔ་ལས་དུས་རབས་གསར་པའི་གྲུབ་འབྲས་རླབས་པོ་ཆེ་མཚོན་ཞིང་། སྒམ་ནན་དང་སྤྲོ་སེམས་འཁོལ་བའི་རྣམ་པས་ཁེངས་ཡོད། དྲན་གསོའི་བྱེད་སྒོ་མཇུག་འགྲིལ་རྗེས། མེ་ཏོག་སྟེགས་བུ་ཚང་མར་འགྱུར་ལྡོག་ཆེན་པོ་མི་གཏོང་བ་དང་། མེ་ཏོག་གི་སྟེགས་བུ་ཁག་གཅིག་གི་ནང་དོན་ལེགས་སྒྲིག་དང་ཤིང་སྣ་ཁག་གཅིག་བརྗེས་ཏེ་མེ་ཏོག་སྟེགས་བུ་ཧྲིལ་པོ་རྒྱལ་སྟོན་གུང་གསེང་བར་འཇོག་རྒྱུ་རེད།