ལུའོ་ཁྲའོ་ཧྥེང་གིས་རྫོང（གྲོང་ཁྱེར）གསུམ་དུ་བརྟག་ཞིབ་གནང་བ།

        ལུའོ་ཁྲའོ་ཧྥེང་གིས་རིམ་ཁག་སྡེ་ཚན་ཁག་གིས་མིག་སྔའི་འབྲུབ་འགོག་དུས་བབ་ཀྱི་ཛ་དྲག་རང་བཞིན་དང་རྙོག་འཛིང་རང་བཞིན་ལ་ངོས་འཛིན་གཏིང་ཟབ་བྱས་ཏེ་ཆར་པ་མ་བབས་གོང་གྲལ་བཤེར་དང་། ཆར་བའི་ཁྲོད་སྐོར་བཤེར། ཆར་པ་བབས་རྗེས་ཀྱི་དཔྱད་དཔོག་བཅས་ལ་ཤུགས་སྣོན་རྒྱག་པ་དང་། གནས་སྤོ་ཉེན་གཡོལ་གྱི“གཅིག་མཚུངས་བཞིའི”བླང་བྱ་དོན་འཁྱོལ་ནན་པོ་བྱེད་པ། སྔོན་ཚུད་ཉེན་བརྡའི་བརྡ་ལན་ཐད་ཀར་མཐའ་མར་སླེབས་པ་དང་ཉེན་གཡོལ་གནས་སྤོ་བློ་ཐག་རྦད་ཆོད་དང་འཕྲལ་སྡོམ་གྲ་སྒྲིག་གང་ལེགས་བྱ་རྒྱུར་སྐུལ་འདེད་ཏན་ཏིག་གཏོང་བ་བཅས་བྱེད་དགོས། དྲིལ་བསྒྲགས་སློབ་གསོར་ཤུགས་སྣོན་རྒྱག་པ་དང་། ཡུལ་སྐོར་བའི་བདེ་འཇགས་ལ་མཐོང་ཆེན་བྱེད་པ། མང་ཚོགས་ཀྱི་འབྲུབ་འགོག་འདུ་ཤེས་དང་ཉེན་གཡོལ་རང་སྐྱོབ་ནུས་པ་ཆེ་རུ་གཏོང་བ་བཅས་བྱེད་དགོས། རིམ་པ་བཞིན་འགན་འཁྲིའི་སྦྲེལ་ཐག་ནན་དུ་གཏོང་བ་དང་མཐུན་སྦྱོར་མཉམ་འགུལ་ལ་ཤུགས་སྣོན་བརྒྱབ་ནས་ཁུལ་ཡོངས་ཀྱི་བདེ་འཇགས་བརྟན་ལྷིང་ངང་འབྲུབ་སྒྲོལ་ཐུབ་པའི་འགན་ལེན་ཏན་ཏིག་བྱེད་དགོས་ཞེས་ནན་བཤད་གནང་བ།

        ཁྲེན་ཆུན་དང་ཞུས་ཀོང་ཏེ་བརྟག་ཞིབ་ནང་ཞུགས་པ་རེད།