རྒྱལ་སྟོན་དང་ཟླ་མཆོད་དུས་ཆེན་གྱི་གོང་གསེང་རིང་རང་ཁུལ་དུ་ཡུལ་སྐོར་བ་མང་པོ་བྱུང་།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། རྒྱལ་སྟོན་དང་ཟླ་མཆོད་དུས་ཆེན་གྱི་གོང་གསེང་རིང་སུམ་རྩེན་གླིང་ལྗོངས་ཁུལ་དང་རྡོ་མཁར་རྫོང་དུ་ཡུལ་སྐོར་བ་མང་པོ་ཡོང་ཡོད་དེ།ཟླ་10པའི་ཚེས་3ཉིན་སུམ་རྩེན་གླིང་ལྗོངས་ཁུལ་གྱིས་ཡུལ་སྐོར་བ་མི་ཐེངས་15291སྣེ་ལེན་བྱས་པ་དང་།  ལྗོངས་ཁུལ་གྱིས་རྟགས་བཤེར་སྤ་སེ་ཉོ་བ་སོགས་བློ་རིག་ཞབས་ཞུ་ལ་བརྟེན་ནས་ལས་ཕྱོད་མཐོར་བཏང་བ་དང་།  མཛེས་ལྗོངས་ཁུལ་གྱི་ཀྱག་ཀྱོག་གི་བརྒྱུད་ལམ་དང་། ཡངས་ཤིང་རྒྱ་ཆེ་བའི་དགོན་པའི་ཐང་ཆེན་སོགས་ག་ས་གང་དུ་གཱ་ཐོ་འགོད་པའི་ཡུལ་སྐོར་བའི་གྲིབ་གཟུགས་མཐོང་ཐུབ་ལ།  ཡུལ་སྐོར་བ་ལ་ལས་དགོན་པའི་མཛེས་ལྗོངས་དང་སྤྲིན་དཀར་གྱི་མཛེས་ལྗོངས་པར་བླངས་པ་དང་། ལ་ལས་གྱང་སེར་པོ་རྒྱབ་ལྗོངས་བྱས་ནས་མཉམ་པར་བླངས་པ། ལ་ལས་མི་རིགས་ཀྱི་གྱོན་ཆས་གྱོན་ནས་པར་བླངས་ཀྱི་ཡོད།

        གོང་གསེང་རིང་རྡོ་མཁར་རྫོང་དུ་འཁྲུག་ཆ་དོད་པོ་ཡོད་ལ།ཉིན་ལྟར་གྱི་ས་སྲོད་དུས་ཕྱོགས་བཞིའི་ཡུལ་སྐོར་བ་གནའ་བོའི་གྲོང་ཁྱེར་གྱི་དུ་བ་དང་བསྟུན་ནས་ཡོང་བ་དང་། དུང་འཁོར་ཆེན་པོའི་མདུན་དང་སྲང་ལམ་དུ་ཡུལ་སྐོར་བས་ཁེངས་ཡོད།  མཚན་མོའི་རྡོ་མཁར་རྫོང་དུ་སྐྱིད་ཉམས་དང་མི་རིགས་ཀྱི་རྒྱུན་སྲོལ་མཉམ་དུ་འདྲེས་ནས་མཐོ་སྒང་གི་གནའ་གྲོང་གི་གསོན་ཉམས་ལྡན་པའི་རི་མོ་ཞིག་བྲིས་ཡོད།

        སེམས་ཀྱི་ཉི་ཟླ་གྲོང་ཁྱེར་ཡང་ཐང་གྲོང་རྡལ་དུ་རེ་ལྕག་མེ་ཏོག་རྣམ་པ་བཀྲ་བ་དང་།རྒྱལ་ཡོངས་ཀྱི་ས་གནས་ཁག་ནས་ཡོང་བའི་ཡུལ་སྐོར་བ་ཡིས་གཱ་ཐོ་འགོད་ཡོད།  སྤང་ཐང་སྟེང་གི་རེ་ལྕག་མེ་ཏོག་དང་རྒྱང་རིང་གི་གངས་རི།  གནམ་སྔོན་པོ་དང་སྤྲིན་དཀར་པོ་སོགས་ཕན་ཚུན་རྒྱན་སྤྲས་བྱས་ནས་ཡིད་དུ་འོང་བའི་རྣམ་པ་ཆགས་ཡོད།