གུང་གསེང་རིང་ལས་གནས་བརྟན་སྲུང་བྱས་པའི་ཁོ་ཚོ་ལ་བཀའ་དྲིན་ཆེ་ཞུ།

    རྒྱལ་སྟོན་དང་ཟླ་མཆོད་དུས་ཆེན་གཉིས་གུང་གསེང་བསྟུད་མར་བཏང་ཡོང་སྟེ། སེམས་ཀྱི་ཉི་ཟླར་ཡུལ་སྐོར་བ་དང་རླངས་འཁོར་འགྲོ་འོང་མང་བའི་མཐོ་རླབས་ཤིག་བསུ་ཡོང་བ་རེད། དུས་ཆེན་རིང་མང་ཚོགས་བདེ་འཇགས་ངང་ཕྱིར་སྐྱོད་ཐུབ་པ་དང་ཐོན་སྐྱེད་འཚོ་བ་གོ་རིམ་ལྡན་པའི་ངང་སྐྱོད་ཐུབ་ཆེད། ས་གནས་ཀྱི་སྤྱི་བདེ་འགྲིམ་འགྲུལ་དོ་དམ་དང་གློག་ཤུགས་མཁོ་འདོན། འགྲིམ་འགྲུལ་ལྟེ་བ་སོགས་སྡེ་ཚན་གྱིས་སྔོན་ཚུད་ནས་ཇུས་གཞི་འདིང་བ་དང་ལས་མི་ཚང་མས་ལས་གནས་བརྟན་སྲུང་བྱས་ཏེ་དུས་ཆེན་རིང་གི་ཞབས་ཞུ་འགན་ལེན་གྱི་འགོག་སྲུང་འཛིང་རགས་བརྟན་པོ་བསྐྲུན་པ་དང་མིག་སྔའི་འཁོར་རྒྱུག་གི་རྣམ་པ་བརྟན་པོའི་ངང་ལེགས་སུ་འགྲོ་བཞིན་ཡོད་པ་རེད།    

    འགྲིམ་འགྲུལ་དོ་དམ་སྡེ་ཚན་གྱིས་ཉེན་རྟོག་པ་ཡོངས་ལ་སྐུལ་སློང་བྱས་ཏེ་“དུས་བདེའི་ལམ་བུར”ལྟ་སྐུལ་དོ་དམ་དང་སྲུང་སྐྱོང་བྱས་པ།    

    ཟླ་10ཚེས་3ཉིན་གྱི་སྔ་དྲོ་སེམས་ཀྱི་ཉི་ཟླ་གྲོང་ཁྱེར་རྡོ་མཁར་རྫོང་གི་འཛུལ་སྒོར་རླངས་འཁོར་འཚང་ཁ་ཆེ་བའི་ཁྲོད་གྲོང་ཁྱེར་དོ་དམ་འབྲིང་རིམ་རུ་ཁག་གི་གྲོང་བྱང་ཡན་ལག་རུ་ཁག་གི་རུ་དཔོན་ལིའུ་གོ་ཤུན་གྱིས་གོ་རིམ་ལྡན་པའི་ངང་འགྲོ་འོང་རླངས་འཁོར་ལ་ལམ་སྟོན་བྱས་བྱེད་བཞིན་ཡོད་ལ། ཁོང་གིས་སྦག་སྦག་འཁོར་ལོའི་ཁ་ལོ་བས་ཞྭ་མོ་གྱོན་མེད་པ་མཐོང་རྗེས་འཕྲལ་དུ་བཀག་ནས་ངང་རྒྱུད་རིང་པོས་ཡུལ་སྐོར་བར་ས་མཐོའི་རྐང་འཁོར་བཞོན་པའི་བདེ་འཇགས་ཉེན་ཁ་སྐོར་བརྗོད་བྱས་པ་རེད། འདི་ནི་ཁོང་གིས་རྒྱལ་སྟོན་དུས་ཆེན་རིང་ལས་གནས་བརྟན་སྲུང་བྱས་པའི་ཉིན་གསུམ་པ་ཡིན་པ་རེད། 

    བྱེད་ཐབས་སྣ་མང་སྤྱད་ནས་དུས་ཆེན་རིང་གི་གློག་འདོན་བདེ་འཇགས་ལ་ཁག་ཐེག་བྱས།    

    རྒྱལ་སྟོན་དང་ཟླ་མཆོད་དུས་ཆེན་འཆར་ཉེའི་མཚམས་སུ་བདེ་ཆེན་སེམས་ཀྱི་ཉི་ཟླ་གློག་འདོན་ཅུས་ཀྱིས་དུས་ཆེན་རིང་གི་གློག་མཁོ་སྤྲོད་འགན་ལེན་གྱི་ལས་དོན་ཕྱོགས་ཡོངས་ནས་སྤེལ་འགོ་ཚུགས་ཡོད། དུས་ཆེན་རིང་གློག་སྤྱོད་ཚད་མང་དུ་འགྲོ་བའི་ཁྱད་ཆོས་ལ་དམིགས་ཏེ་གློག་མཁོ་སྤྲོད་ཅུས་ཀྱིས་གནའ་གྲོང་གློག་ཤུགས་སྒྲིག་ཆས་སྐོར་གཟིགས་ཚོགས་ཆུང་བཙུགས་ནས་གློག་སྤྱོད་མང་ཤོས་ཀྱི་དུས་སུ་ཁོངས་གཏོགས་ཁུལ་གྱི་སྐུད་ལམ་སྒྲིག་ཆས་ལ་ཕྱོགས་ཡོངས་ནས་ཚ་ཚད་འཇལ་བ་དང་ཞིབ་བཤེར་བྱེད་པ་དང་། སྐྱོན་ཤོར་ཉེན་ཁ་ཡོད་རིགས་སྔོན་ཚུད་ནས་གྲལ་བཤེར་བྱེད་པ་དང་འབྲེལ་འཕྲལ་སྡོམ་ཐག་གཅོད་སྔོན་ཇུས་འཐུས་སྒོ་ཚང་དུ་བཏང་བ་དང་། སྒྲིག་ཆས་ཞིབ་བཤེར་བཟོ་བཅོས་མི་སྣ་ཚོགས་ཆུང་2ཀྱིས་གནའ་གྲོང་གློག་ལམ་སྲུང་སྐྱོང་བྱ་རྒྱུའི་འགན་འཁུར་བ། མྱུར་བཟོ་མི་སྣ་ཚོགས་ཆུང་3གྱིས་ཉིན་མཚན་དབྱེར་མེད་དུ་ལས་ཀ་བྱེད་པ། གློག་གཏོང་རླངས་འཁོར་5འཕྲལ་སྡོམ་གློག་ཁུངས་གྲ་སྒྲིག་བྱས་ནས་གློག་མཁོ་སྤྲོད་ལ་འགན་ལེན་ཏན་ཏིག་བྱས་ཡོད།

    འགྲིམ་འགྲུལ་རྒྱུག་ཐེངས་མང་དུ་བཏང་ནས་འགྲུལ་སྐྱོད་ཀྱི་དཀའ་གནད་སེལ་བ།    

    རྒྱལ་སྟོན་དང་ཟླ་མཆོད་དུས་ཆེན་གྱི་ངལ་གསོའི་རིང་བདེ་ཆེན་ཁུལ་གྱི་མཁའ་འགྲུལ་དང་།ལྕགས་ལམ།གཞུང་ལམ་བཅས་འགྲིམ་འགྲུལ་དྲ་བ་ཆེ་གྲས་གསུམ་པོས་རེས་འཁོར་དང་པོའི་འགྲུལ་པ་མང་ཤོས་ཀྱི་ཉམས་ཚོད་བཟོད་ཐུབ་པ་དང་།སྤྱི་ཡོངས་ཀྱི་འཁོར་རྒྱུག་སྒྲིག་ལམ་བརྟན་པོ་དང་འགྲུལ་པའི་འགྲུལ་བཞུད་ཀྱི་ཉམས་སྣང་ལེགས་པོ་བྱུང་ཡོད།    

    མཁའ་འགྲུལ་སྐྱེལ་འདྲེན་ཐད་སེམས་ཀྱི་ཉི་ཟླ་གནམ་ཐང་གི་གནམ་གྲུ་གཏོང་ཚད་དང་འགྲུལ་པ་སྡོད་ཚད་ཐོག་མཐའ་བར་གསུམ་དུ་བརྟན་པོ་ཡོད་པ་དང་།གུང་གསེང་མ་བཞག་གོང་གི་ཉིན་གཉིས་ཀྱི་གྲངས་གཞི་ལས་མངོན་པར་གཞིགས་ན།ཟླ་10ཚེས་1ཉིན་གནམ་གྲུ་ཐེངས་16དངོས་སུ་གཏོང་བ་དང་འགྲུལ་པ་སྐྱེལ་འདྲེན་བྱེད་ཚད་མི་ཐེངས་1411ཟིན་པ་དང་ཆ་སྙོམས་འགྲུལ་པ་སྡོད་ཚད་66.27%ཟིན་པ་དང་།ཟླ་10ཚེས་2ཉིན་གནམ་གྲུ་ཐེངས་18དངོས་སུ་གཏོང་བ་དང་འགྲུལ་པ་སྐྱེལ་འདྲེན་བྱེད་ཚད་མི་ཐེངས་1554བར་བརྟན་པོའི་ངང་འཕར་བ་དང་ཆ་སྙོམས་འགྲུལ་པ་སྡོད་ཚད་65.48%ཟིན་པ།ཉིན་གཉིས་ཀྱི་ཟོག་འདྲེན་བྱེད་ཚད་ཏུན་1.365དང་ཏུན་0.517སོ་སོར་ཟིན་པ་ཚང་མར་ཁུན་མིང་བརྒྱུད་བསྐོར་བའི་ཟོག་འདྲེན་ལས་སྒོ་མེད་པ་རེད།  

    གཞུང་ལམ་སྐྱེལ་འདྲེན་ཐད་ས་དམ་ནས་སེམས་ཀྱི་ཉི་ཟླ་བར་གྱི་མྱུར་བགྲོད་གཞུང་ལམ་གྱི་གུང་གསེང་མ་བྱས་གོང་གི་ཉིན་གཉིས་རིང་རླངས་འཁོར་མང་པོ་ཤར་གཏོང་ཐུབ་པ་དང་།ཟླ་10ཚེས་1ཉིན་ཤར་གཏོང་ཐུབ་པའི་རླངས་འཁོར་ཐེངས་13963ཟིན་པ་དང་ཟླ་10ཚེས་2ཉིན་ཤར་གཏོང་ཐུབ་པའི་རླངས་འཁོར་ཐེངས་13824ཟིན་ཡོད་པ་རེད། ས་དམ་ནས་སེམས་ཀྱི་ཉི་ཟླ་བར་གྱི་མྱུར་བགྲོད་གཞུང་ལམ་གྱི་འགྲིམ་འགྲུལ་ཉེན་རྟོག་སྡེ་ཚན་གྱིས་འགྲོ་སྐྱོད་ཀྱི་དྲན་སྐུལ་བྱས་དོན།ཕར་འགྲོ་ཚུར་འོང་བྱེད་མཁན་ཁ་ལོ་བས་དུས་ཐོག་གི་ལམ་གྱི་གནས་ཚུལ་ལ་དོ་སྣང་ཆེན་པོ་བྱེད་པ་དང་འགྲིམ་འགྲུལ་ཁྲིམས་སྲོལ་ལ་བརྩི་སྲུང་ནན་པོ་ཞུས་ནས་བདེ་འཇགས་ཀྱི་རླངས་འཁོར་བར་ཐག་དང་མྱུར་ཚད་ལ་སྲུང་སྐྱོང་བྱས་ཏེ་རླངས་འཁོར་བདེ་འཇགས་ཡོང་བའི་འགན་ལེན་བྱེད་དགོས།    

    མིག་སྔར་རྒྱལ་སྟོན་གུང་གསེང་གི་དུས་མཇུག་ཏུ་སླེབས་ཉེར་ཡོད་པས།འགྲིམ་འགྲུལ་འགན་སྲུང་སྡེ་ཚན་ཁག་གིས་དོ་དམ་ནན་པོ་དང་བཀོད་སྒྲིག་ཞིབ་ཚགས་བྱས་ནས་ནུས་ཤུགས་ཡོད་རྒུས་ཕྱིར་ལོག་འགྲུལ་པ་མང་ཤོས་ཀྱི་སྐབས་ལ་ཁ་གཏད་གཅོག་པའི་གྲ་སྒྲིག་ལས་དོན་ཡག་པོ་བསྒྲུབས་ཏེ་རྒྱ་ཆེའི་འགྲུལ་པ་བདེ་འཇགས་དང་ཤར་གཏོང་ཐུབ་པའི་འགན་ལེན་བྱ་རྒྱུ་ཡིན་པ་རེད།