བདེ་ཆེན་ཁུལ་གྱིས་ཀུན་འདུས་སྨྱན་སྦྱོར་གྱི་ཏང་གི་གཙོ་དོན་ཉིན་མོའི་བྱེད་སྒོ་སྤེལ་བ།

        ཟླ་6པའི་ཚེས་30ཉིན་གྱི་དགོང་མོ། “སྲོག་ཤིང་ལ་བརྩི་བཀུར། བློ་ཁ་པེ་ཅིང་ལ་ཕྱོགས”བདེ་ཆེན་ཁུལ་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱེད་པའི“བདུན་གཅིག་”ཀུན་འདུས་སྨྱན་སྦྱོར་གྱི་ཏང་གི་གཙོ་དོན་ཉིན་མོའི་བྱེད་སྒོ་སེམས་ཀྱི་ཉི་ཟླ་ཟློས་གར་ཁང་དུ་སྤེལ་བ།

        ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་དང་ཁུལ་ཨུའི་ཧྲུའུ་ཅི་གཞོན་པ་ཀྲང་ཝེ་ཏུང་ཏང་གི་གཙོ་དོན་ཉིན་མོའི་བྱེད་སྒོར་ཞུགས་པ་དང་སེམས་ཀྱི་ཉི་ཟླ་གྲོང་ཁྱེར་གྱི་གྲོང་ཁུལ་དུ་འཚོ་བ་སྐྱེལ་བཞིན་པའི་ཏང་ཡོན་རྒན་གྲས་ལ“ཏང་ནང་ཞུགས་པའི་ལོ་50ཟིན་པའི”དྲན་གསོའི་རྟགས་མ་སྤྲད་པ།

        བྱེད་སྒོ་དེ་“གྲོས་དོན་དང་པོའི་”ཁྲོད་སྤེལ་འགོ་ཚུགས་པ་དང་ཏང་ཡོན་ཚང་མས་ཐུན་མོང་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་བྱས། དེའི་རྗེས་སུ། ཐོན་ལས་འཕེལ་རྒྱས་ཀྱི་ལེའུ་དང་། འཐབ་ཇུས་མཉམ་འདྲེས་ཀྱི་ལེའུ། སྐྱེ་ཁམས་དཔལ་ཡོན་གྱི་ལེའུ། མི་རིགས་མཐུན་སྒྲིལ་གྱི་ལེའུ། ཏང་འཛུགས་སྐྱོང་གི་སྣེ་ཁྲིད་ལེའུ་བཅས་ལེའུ་ཁག་ལྔ་བརྒྱུད་དེ། བརྙན་ཐུང་གཏོང་བ་དང་། གསར་བརྗེའི་གླུ་གཞས་ལེན་པ། གནས་ཚུལ་འཁྲབ་སྟོན་བྱེད་པ་སོགས་ཀྱི་རྣམ་པའི་ཐོག་ནས་བདེ་ཆེན་ཁུལ་མི་རིགས་ཁག་གི་ལས་བྱེད་པ་དང་མང་ཚོགས་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། སྐྱེ་ཁམས་སྲུང་སྐྱོང་དང་། ཐོན་ལས་རིམ་སྤོར། མི་རིགས་མཐུན་སྒྲིལ་སོགས་ཀྱི་གཙོ་གནད་ལས་དོན་ལ་གཅིག་གྱུར་འཆར་འགོད་ཀྱིས་སྐུལ་འདེད་གཏོང་བ། ཏང་སྲོལ་སྲིད་གཙང་འཛུགས་སྐྱོང་རྨང་གཞིར་བྱས་ཏེ། སྤྱོད་གཙང་ཡུན་ནན་བདེ་ཆེན་གྱི་ལག་ལེན་ལ་སྐུལ་འདེད་གཏིང་ཟབ་གཏོང་བ་དང་།ཀྲུང་གོའི་རྣམ་པའི་དེང་རབས་ཅན་གྱི་འཕེལ་རིམ་ནང་བདེ་ཆེན་གྱི་སྤུས་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་ཧུར་ཐག་གཏོད་པའི་གསོན་ཉམས་དོད་པའི་ལག་ལེན་བརྗོད་ཡོད།