བདེ་ཐང་ཡོང་ཆེད་སིལ་ཏོག་འདི་ཚོ་ཟ་ན་ཕན་ཐོགས་ཆེ་ཟེར།

ལོ་ཀཱ་ཊ།

    1.ཚ་ཚད་དམའ་བ།  

    ལོ་ཀཱ་ཊ་ནི་ཚ་ཁུལ་གྱི་སིལ་ཏོག་ཡིན་ཡང་ཚ་ཚད་ཁེ་བརྒྱའི་ནང་སྟོང་ཁེ་41་ལས་འདུས་མེད། ཀུ་ཤུ་དང་ཆང་བ་ལི་སོགས་རྒྱུན་མཐོང་གི་སིལ་ཏོག་ལས་ཚ་ཚད་དམའ་བ་རེད།

    2.  ཁྲག་མངར་འགྱུར་ཚད་དམའ་བ།

    ལོ་ཀཱ་ཊ་མངར་མོ་ཡོད་ཀྱང་ཁེ་བརྒྱའི་ནང་མངར་ཆ་ཁེ་9.3ལས་འདུས་མེད། ཁྲག་མངར་འགྱུར་ཚད་དམའ་བའི་སིལ་ཏོག་གི་ཁོངས་སུ་གཏོགས་པས། ཁྲག་མངར་ཚོད་འཛིན་བྱེད་དགོས་མཁན་ཚོས་ཀྱང་ཟ་ཆོག

    3. རྒས་འགོག་ནུས་པ་ལྡན་ཞིང་མིག་ལ་ཕན།

    ལོ་ཀཱ་ཊ་ཁེ་བརྒྱའི་ནང་དུ་ལབ་སེར་རྒྱུ་འདུས་ཚད་ཝེ་ཁེ་300~4400་ཡིན་པས། རྒས་འགོག་བྱེད་ཐུབ་པ་མ་ཟད་མིག་དང་སྐྱི་པགས་སྲུང་སྐྱོབ་བྱེད་ཐུབ།

    4. ཆུ་ཁ་གསབ་དང་ཐུར་སེལ་ནུས་པ་ལྡན།

     ལོ་ཀཱ་ཊའི་ནང་གི་ཆུ་འདུས་ཚད་92%་ཟིན་པས། ཐུར་སེལ་གྱི་ནུས་པ་ལྡན། 

    ལོ་ཀཱ་ཊ་འདེམ་པའི་ཐབས་ཤེས།

    1. སྐྱི་པགས་ལ་བ་སྤུ་ཡོད་པ། 2.མདོག་དམར་སེར་ཡིན་པ། 3. དབྱིབས་འཇོང་ཟླུམ་དང་ཆེ་ཆུང་འབྲིང་རིམ་ཡིན་པ་མ་ཟད། སྐྱི་པགས་རྨས་མེད་པ། 

    1. ཚ་ཚད་དམའ་བ། 

    ཁེ་བརྒྱའི་ཚ་ཚད་སྟོང་ཁེ་46་ལས་མེད། ལོ་ཀཱ་ཊ་དང་ཕལ་ཆེར་འདྲ།

        2. ཁྲག་མངར་འགྱུར་ཚད་དམའ་བ། 

    མངར་ཆ་འདུས་ཚད་མཐོ་རུང་། ཁྲག་མངར་འགྱུར་ཚད་ཁེ་22་ལས་མེད་པས། ཁྲག་མངར་འགྱུར་ཚད་དམའ་བའི་སིལ་ཏོག་རིགས་ཡིན།

    3. མེ་ཏོག་མདོག་རྒྱུ་འདུས་པ། 

    སེའུ་ཡི་ནང་དུ་མེ་ཏོག་མདོག་རྒྱུ་སོགས་འདུས་པས། རྒས་འགོག་ནུས་པ་ལྡན།

    4. ཅཱ་ཁ་གསབ་དང་ཁྲག་ཤེད་ཕབ་པའི་ནུས་པ་ཡོད།

    སེའུ་ཡི་ཅཱ་འདུས་ཚད་སིལ་ཏོག་ནང་ཅུང་མཐོན་པོ་ཡིན། ཁེ་བརྒྱའི་ནང་ཧའོ་ཁེ་232འདུས། ངང་ལག་དང་ཕལ་ཆེར་འདྲ་ཡང་། ངང་ལག་ལས་ཚ་ཚད་དམའ་བ་རེད། དེ་བས་ཁྲག་ཤེད་མཐོ་བའི་གྲོགས་པོ་ཚོས་སེའུ་ཟ་ན་ཅཱ་ཁ་གསབ་ཐུབ་པ་མ་ཟད་ཁྲག་ཤེད་ཕབ་པའི་ནུས་པ་ལྡན།

        སེའུ་འདེམ་པའི་ཐབས་ཤེས། 

    1. གསར་པ་ཡིན་དགོས། 2. རིགས་མི་འདྲ་ན་བྲོ་བའང་མི་འདྲ། 3. མདོག་ཅུང་དམར་ནག་ཡིན་དགོས། 4. དབྱིབས་རྒྱས་པ་དང་སྐྱི་པགས་བཀྲག་མདངས་ལྡན་དགོས། 

    1. ཚ་ཚད་དམའ་བ།

    ཁེ་བརྒྱའི་ནང་ཚ་ཚད་སྟོང་ཁེ་35~52་བར་ལས་མེད། མངར་ཆ་འདུས་ཚད་ཀྱང་མཐོན་པོ་མེད། ཁེ་བརྒྱའི་ནང་ཁེ་8.3~12.9་ལས་མེད། ཁྲག་མངར་གྱུར་ཚད་ང་ལྔ་ཡིན་པས། ཁྲག་མངར་འགྱུར་ཚད་དམའ་བའི་སིལ་ཏོག་རིགས་ཡིན།

    2.མིག་ལ་ཕན་ཐོགས་ཆེ།

    ལབ་སེར་རྒྱུ་འདུས་ཚད་ཁེ་བརྒྱའི་ནང་ཝེ་ཁེ་897~ 2080་འདུས་ཡོད། རྟག་པར་གློག་ཀླད་དང་དཔེ་ཆ་ལྟ་མཁན་ལ་འཚམ་པོ་ཡོད།

    3.འཚོ་རྩི་ག་པ་ཁ་གསབ་དང་རྒས་འགོག་བྱེད་ཐུབ།

    འཚོ་རྩི་ག་པའི་འདུས་ཚད་ཁེ་བརྒྱའི་ནང་ཧའོ་ཁེ་14~23་འདུས་ཡོད། ཚ་ལུ་མ་ལས་དམའ་རུང་། ཀུ་ཤུ་དང་ཆང་བ་ལི་སོགས་ལས་མཐོ། རྒྱུན་དུ་འཚོ་རྩི་ག་པ་ཁ་གསབ་དང་། ལུས་པོའི་རྒས་འགོག་ནུས་པ་མཐོར་འདེགས་གཏོང་བའི་ནུས་པ་ཡག་པོ་ཡོད།

    ཨ་མྲ་འདེམ་པའི་ཐབས་ཤེས། 

    1. ཕྱོགས་གཉིས་རྣོ་ཞིང་དཀྱིས་རྒྱས་པ་མ་ཟད། ཅུང་རིང་བ། 2. མདོག་སེར་ནག 3.དྲི་མ་ཞིམ་པ། 4. སྡོང་ལ་ལྡེམ་གཤིས་ལྡན་པ། 

    1.མེ་ཏོག་མདོག་རྒྱུ་དང་འཚོ་རྩི་ག་པ་འདུས་པས་རྒས་འགོག་ནུས་པ་ཡག་པོ་ཡོད།

    ཁེ་བརྒྱའི་ནང་མེ་ཏོག་མདོག་རྒྱུ་འདུས་ཚད་ཧའོ་ཁེ་14～347་འདུས་པས། སིལ་ཏོག་མང་ཆེ་ཤོས་ལས་མཐོ། ཁེ་བརྒྱའི་ནང་འཚོ་རྩི་ག་པ་ཧའོ་ཁེ་36.4་འདུས་པས། ཚ་ལུ་མ་དང་རྒྱ་སིལ་དང་ཕལ་ཆེར་མཉམ། དེ་བས་རྒས་འགོག་སིལ་ཏོག་ཡག་ཤོས་རེད་ཟེར་ཆོག

    2. ཐུར་སེལ་བའི་ནུས་པ་ཡོད།  

    སྲིན་འབྲས་ཁེ་བརྒྱའི་ནང་ཟས་ཚི་སྣ་ཁེ་4.1་འདུས་པས། ཀུ་ཤུ་དང་ཆང་བ་ལི། ཁམ་བུ་བཅས་ལས་མཐོ། དེ་མ་ཟད་ཆུ་མང་པོ་ཡོད་པས་ཐུར་སེལ་བའི་ནུས་པ་ཡོད།

    སྲིན་འབྲས་འདེམ་པའི་ཐབས་ཤེས།

    1. མདོག་སྨུག་ནག་ཡིན་པ། 2. ཡུ་བ་ཆ་ཚང་ཞིང་སྔོ་ནག་ཡིན་པ། 3. སིལ་ཏོག་གི་དྲི་ཞིམ་འཐིམ་ཞིང་ཆང་དྲི་དང་སྐྱུར་དྲི་མེད་པ། 

    1.ཚ་ཚད་དམའ་བ།

    སྐྱུར་འདྲ་ཁེ་བརྒྱའི་ནང་ཚ་ཚད་སྟོང་ཁེ་30་ལས་མེད། དེ་མ་ཟད་ཁེ་བརྒྱའི་ནང་མངར་ཆ་ཁེ་6.7་ལས་མེད་པས། ཁྲག་མངར་འགྱུར་ཚད་ཁེ་22་ཙམ་རེད། ཚོ་བྱང་མཁན་གྱིས་སེམས་བདེ་མོས་ཟ་ཆོག

    2. ཆུ་གསབ་སྐོམ་སེལ་གྱི་ནུས་པ་ཡོད།

    སྐྱུར་འདྲའི་ཆུ་ཆ་འདུས་ཚད་92%་རེད། ཆུ་ཀུབ་དང་ཕལ་ཆེར་འདྲ།

    3.མེ་ཏོག་མདོག་རྒྱུ་ཕུན་སུམ་ཚོགས་པོ་ལྡན་པ་རྒས་འགོག་བྱེད་ཐུབ།

     སྐྱུར་འདྲའི་མེ་ཏོག་མདོག་རྒྱུ་འདུས་ཚད་མང་། ཁེ་བརྒྱའི་ནང་ཧའོ་ཁེ་60.3~227.1་ཡིན་པས་རྒས་འགོག་ནུས་པ་བཟང་།

    སྐྱུར་འདྲ་འདེམ་པའི་ཐབས་ཤེས། 

     1.མདོག་དམར་སྨུག་ཡིན་པ། 2.དབྱིབས་ཆ་ཚང་ཞིང་མཉེན་མོ་མིན་པ། 3. སིལ་སྡོང་སྔོན་པོ་ཡིན་པ་མ་ཟད་ཆ་ཚང་བ།