ལུའོ་ཁྲའོ་ཧྥེང་གིས་སུམ་རྩེན་གླིང་དུ་བརྟག་ཞིབ་གནང་སྐབས་ཆོས་ལུགས་ལས་རིགས་འཐུས་མིའི་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱས་ཏེ་བོད་བརྒྱུད་ནང་བསྟན་སྐྱོན་བྲལ་ངང་རྒྱུན་འཛིན་བྱ་རྒྱུར་སྐུལ་འདེད་གཏོང་དགོས་པའི་ནན་བཤད་གནང་།

        ལུའོ་ཁྲའོ་ཧྥེང་གིས་ཆོས་ལུགས་ལས་རིགས་ཀྱི་འཐུས་མིས་འགན་འཁྲི་གལ་ཆེན་དང་གཟི་བརྗིད་ལྡན་པའི་འགན་འཁྲི་འཁུར་ཡོད་པས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བཏོན་པའི་ཆབ་སྲིད་ཐད་བློས་འཁེལ་བ། ཆོས་ཞུགས་ཐད་ཐོས་བསམ་ཟབ་པ། སྤྱོད་ལམ་ཐད་དམངས་མགུ་བ། འགག་རྩའི་དུས་ནུས་པ་ཐོན་པའི་“ཚད་གཞི་ཁག་བཞི”ལག་བསྟར་བྱེད་པ་དང་ཤེས་ཡོན་བློ་སྦྱོང་ལ་ཟམ་མི་ཆད་པར་ཤུགས་སྣོན་རྒྱག་པ་དང་། “འདུ་ཤེས་བཞི”བརྟན་པོར་བཙུགས་ཏེ་སྤྱོད་བཟང་བརྟེན་ནས་མང་ཚོགས་ལ་ཞབས་འདེགས་ཞུ་བ་དང་ཁ་ཞེ་གཉིས་མེད་བྱས་ཏེ་དགེ་འདུན་པ་དང་མང་ཚོགས་ཀྱི་ཁས་ལེན་དང་བསྔགས་བརྗོད་ཐོབ་ནས་ཁུལ་ཡོངས་ཀྱི་རྒྱ་ཆེའི་དགེ་འདུན་པར་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱེད་དགོས་པའི་ནན་བཤད་གནང་།

        ལུའོ་ཁྲའོ་ཧྥེང་གིས་བོད་བརྒྱུད་ནང་བསྟན་སྐྱོན་བྲལ་ངང་རྒྱུན་འཛིན་དང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བར་རང་ཡུལ་ཅན་དང་། དུས་རབས་ཅན། མང་ཚོགས་ཅན་དུ་འགྱུར་བ་བཅས་ཀྱི་ཁ་ཕྱོགས་ངེས་པར་དུ་མཐའ་འཁྱོངས་བྱེད་དགོས་ཞེས་བསྟན། ཁོང་གིས་བོད་བརྒྱུད་ནང་བསྟན་དེ་ཀྲུང་ཧྭའི་རིག་གནས་ལ་བརྟེན་པ་དང་དུས་རབས་འཕེལ་རྒྱས་དང་བསམ་སྤྱོད་གཅིག་མཐུན་བྱུང་བར་བྱས་ནས་དཔལ་འབར་བ་ཞིག་ཡོང་ཐུབ། སུམ་རྩེན་གླིང་དེ་ཁུལ་ཡོངས་བོད་བརྒྱུད་ནང་བསྟན་གྱི་མཚོན་བྱེད་རང་བཞིན་གྱི་དགོན་པ་ཞིག་ཡིན་པའི་ཆ་ནས་ཐོག་མཐའ་བར་གསུམ་དུ་རྒྱལ་གཅེས་ཆོས་གཅེས་ཀྱི་སྲོལ་རྒྱུན་བཟང་པོ་ལྡན་པ་དང་། སུམ་རྩེན་གླིང་དོ་དམ་ཅུས་དང་། དགོན་པའི་དམངས་གཙོའི་དོ་དམ་ཨུ་ལྷན། སྤྲུལ་སྐུ། མཁན་པོ་སོགས་མཐུན་སྒྲིལ་མཉམ་ལས་བྱས་ཏེ། ཐུན་མོང་ཐོག་སྲོལ་རྒྱུན་བཟང་པོ་དེ་རྒྱུན་འཛིན་ཡག་པོ་དང་དར་སྤེལ་ཡག་པོ་གཏོང་བ་དང་། ཆོས་ལུགས་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་པར་ཁྲིད་སྟོན་ཧུར་ཐག་བྱེད་པ། རང་རྒྱལ་གྱི་ཆོས་ལུགས་ཀྲུང་གོ་ཅན་དུ་འགྱུར་བའི་ཁ་ཕྱོགས་མཐའ་འཁྱོངས། དད་ལྡན་མང་ཚོགས་ལ་ཞབས་འདེགས་ཞུ་བ། ས་གནས་ཀྱི་འཕེལ་རྒྱས་ལ་ཞབས་འདེགས་ཞུ་བ་བཅས་བྱས་ནས་བདེ་ཆེན་གྱི་འཆམ་མཐུན་བརྟན་ལྷིང་ལ་ལེགས་སྐྱེས་ཧུར་ཐག་འབུལ་དགོས་པའི་ནན་བཤད་གནང་།

        ལུའོ་ཁྲའོ་ཧྥེང་གིས་བླང་བྱ་བཏོན་དོན། སུམ་རྩེན་གླིང་དོ་དམ་ཅུས་སོགས་སྡེ་ཚན་གྱིས་ཆོས་ལུགས་ལས་དོན་གྱི་དོ་དམ་ཞིབ་ཚགས་ཅན་གྱི་ཆུ་ཚད་མུ་མཐུད་མཐོ་རུ་བཏང་ནས་དྲ་མིག་ཅན་གྱི་དོ་དམ་སོགས་ཀྱི་ལམ་ལུགས་ཁག་དོན་འཁྱོལ་ཡག་པོ་བྱེད་དགོས་པ། རང་འགུལ་ངང་དགེ་འདུན་པའི་ཁྱིམ་ཚང་དུ་བསྐྱོད་དེ་རྒྱུན་གཏན་གྱི་འཚམས་འདྲིར་སྐྱོད་པ་དང་སྙིང་གཏམ་ཤོད་རེས་བྱས་ཏེ་སེམས་ཁུར་དང་གཅེས་སྐྱོང་དོན་ཐོག་ཏུ་འཁྱོལ་བ་བྱས་ནས་ཞབས་ཞུ་དོ་དམ་དོན་ཐོག་ཏུ་འཁྱོལ་རྒྱུ་འགན་ལེན་བྱེད་དགོས།

        ཁུལ་གྱི་འགོ་ཁྲིད་ལིའོ་ཝུན་ཚའེ་དང་། ཁྲེན་ཆུན། ཧོང་ལུང་ཤིན་བཅས་བརྟག་ཞིབ་ནང་ཞུགས།