ཉི་ཤར་ཤང་གི་རྫ་བཟོའི་གསོན་ཤུགས་རབ་ཏུ་རྒྱས།

        “ལོ་50ཡི་གོང་ཤང་ཡོངས་སུ་རྫ་བཟོའི་ལས་ཀ་བྱེད་མཁན་ཧ་ཅང་ཉུང་ཉུང་རེད”ཅེས་བསྟན་འཛིན་ཕུན་ཚོགས་ཀྱིས་བཤད། སྐབས་དེ་དུས་ཀྱི་སྣ་ཁ་38ཚང་མ་མི་སེར་ཚོའི་ཁྱིམ་གྱི་ཐབ་མགོའི་སླ་ང་དང་ལྕགས་ཀྲིན་རེད། “དུས་རབས་གོང་མའི་ལོ་རབས་80པའི་ནང་ཐོན་ཚད་དུད་ཚང་ལ་འགན་གཙང་ལེན་བྱེད་ཀྱི་ཡོད། ལས་གྲྭ་ཁ་ཐོར་སོང་། གྲོང་ཚོ་གཞན་དག་ལ་སྲོལ་རྒྱུན་དེ་མེད་པས་ལག་རྩལ་ཅུང་མིན་ཚེ་རྩ་བ་ཆད་ཀྱི་ཡོད། ”གནས་ཚུལ་ཡག་ཏུ་འགྲོ་བར་ལོ་རབས་90པའི་སྟེས་དབང་དུ་འཕྲད་པའི་གོ་སྐབས་ཤིག་གི་ནང་རོ་མ་ནི་ཡའི་སྐུ་མགྲོན་ཞིག་གིས་སྒོར་80ཡི་རིན་གོང་མཐོ་པོས་བྱིན་ནས་ས་གནས་དེ་གའི་རྫ་ཆས་སྒོར་གཉིས་གསུམ་ལས་མ་བཙོངས་པའི་རྫ་མ་ཞིག་ཉོས་པ་རེད། བསྟན་འཛིན་ཕུན་ཚོགས་ཀྱིས་ཐོག་མར་ཉི་ཤར་གྱི་རྫ་བཟོའི་ཁྲོམ་རའི་རིན་ཐང་ཆེན་པོ་ཞིག་མཐོང་བྱུང་ཞེས་བཤད།                        

        2005ལོར། བསྟན་འཛིན་ཕུན་ཚོགས་ཀྱིས་ཁྱིམ་རྒྱལ་ལམ་214ཡི་འགྲམ་དུ་སྤོས་པ་དང་། བཟོ་ཁང་བཙུགས་ནས་དགེ་ཕྲུག་འཁྲིད་པ། “ལམ་འགྲམ་དུ་ཡུལ་སྐོར་བ་མང་བས་རྫ་བཟོ་དྲིལ་བསྒྲགས་བྱེད་ཐུབ་ཀྱི་ཡོད། ཚོང་ཧ་ཅང་རྒྱུག་པའི་དུས་སུ་མི་ཉི་ཤུ་ལྷག་ཙམ་གྱིས་ཉིན་མཚན་ཀུན་ཏུ་ལས་ཀའི་དགོས་མཁོ་སྐོང་ཐུབ་ཀྱི་མེད།འོ ན་ཀྱང་2008ལོའི་དངུལ་རྩའི་ཉམས་ཉེན་གྱི་འཇབ་རྒོལ་དང་ཐོན་རྫས་ཕུང་གསོག་ཐེབས་ནས་ཞིང་དུད་མི་ཉུང་བ་ཞིག་ལ་སེམས་ཁྲལ་ཆེན་པོ་བྱུང་ཡོད།བསྟན་འཛིན་ཕུན་ཚོགས་ཀྱིས་རང་འགུལ་ངང་མ་དངུལ་བཏང་ནས་གྲོང་མིའི་ལག་གི་རྫ་ཆས་ཉོ་སྒྲུབ་བྱས་ཏེ་ཚང་མའི་རྐང་པ་བརྟན་དུ་བཏང་བ་དང་། ལོ་གཉིས་པའི་ཁྲོམ་ར་སླར་གསོ་བྱུང་ནས་གྲོང་མི་དེ་བས་མང་བས་རེ་བ་མཐོང་། “ཁྲོམ་ར་མེད་ན། སུས་ཀྱང་སྦྱངས་མི་འདོད། དངུལ་མ་འཚོལ་ན། ལག་རྩལ་བརྒྱུད་སྤེལ་མི་ཐུབ”ཅེས་བཤད།

        དེང་གི་དུས་འདིར། གྲུབ་འབྲས་ཅུང་ཐོབ་པའི་བསྟན་འཛིན་ཕུན་ཚོགས་ཀྱིས་“ལག་རྩལ་གྱི་བཀག་ཆ”གཏོར་ནས་ཚང་མར་གསར་གཏོད་ཀྱི་གྲུབ་འབྲས་ལོངས་སུ་སྤྱོད་རྒྱུའི་ལྕག་སྐུལ་བྱས་ཡོད། “སུས་བྱས་པ་ཡག་པོ་ཡོད་ནའང་ཚང་མས་སྦྱོང་ཐུབ”ཅེས་བཤད། ཁོང་གིས“ངས་ཇུས་འགོད་བྱས་པ་དག་མི་གཞན་གྱིས་ལོ་གཉིས་ལ་བལྟས་ཀྱང་ཤེས་ཐུབ་སྟེ། ཚང་མས་མཉམ་དུ་སྒོར་མོ་བཙལ་ན་ད་གཟོད་མི་ཇེ་མང་ནས་ཇེ་མང་ཞུགས་ཐུབ་པ་དང་། ད་གཟོད་ཉི་ཤར་རྫ་མའི་ལག་རྩལ་རྒྱུན་འཛིན་དང་འཕེལ་རྒྱས་སྔར་ལས་ལེགས་པ་གཏོང་ཐུབ།”ཅེས་བཤད། ད་ཆ་ཉི་ཤར་གྱི་རྫ་མ་རྒྱལ་ནང་གི་ཁྲོམ་རར་མཁོ་འདོན་བྱས་པ་མ་ཟད། ད་དུང་ཕྱི་ཕྱོགས་ཚོང་དོན་གྱི་ཐབས་ལམ་བརྒྱུད་ཕྱི་རྒྱལ་དུ་བསྐྱོད་དེ་གྲོང་མི་ཚོའི“ཕྱུག་འགྱུར་རྫ་མར་” གྱུར་ཡོད།

        འོན་ཀྱང་ལག་རྩལ་གསར་བཅོས་བྱེད་པའི་ཐད་ལའང་དཀའ་གནད་ཐུག་མྱོང་། 2013ལོར་མཁོ་མཁན་ལ་ལས་རྫ་བཟོའི་བཀོལ་སྤྱོད་ཁྲོད་རང་དགར་འབར་གས་ཡོང་སྲིད་པའི་སྐོར་བརྗོད་ཡོད། བསྟན་འཛིན་ཕུན་ཚོགས་ཀྱིས་འཕྲལ་མར་གྲོང་ཚོ་ཡོངས་ཀྱི་ལས་གཉེར་བ་40ལྷག་ཙམ་སྒྲིག་འཛུགས་བྱས་ནས་ཚོགས་འདུ་འཚོགས་སྟེ།    “གནད་དོན་ནི་རྒྱུ་ཆའི་སྡེབ་སྦྱོར་ལ་ཐུག་ཡོད།    ”ཁོང་ཚོས་སླར་ཡང་རྫ་ས་སྡེབ་སྡུར་ལ་ཞིབ་འཇུག་བྱས་ནས་བརྒྱུད་རིམ་ཚད་ལྡན་དུ་བཙུགས་པ་མ་ཟད།    ཐ་ན་ཚད་ལྡན་གྱི་ཐོན་རྫས་ཐམ་ག་རྒྱག་པ་དང་བཟོ་མཁན་གྱི་ཁ་པར་བརྒྱབ་ནས་ “སུ་ཞིག་གི་ཐོན་རྫས་ལ་གནད་དོན་བྱུང་ཚེ་སུས་འགན་འཁུར་དགོས་པ་དང་།     གྲོང་ཚོ་ཡོངས་ཀྱི་སྒོ་བྱང་་གཅོག་མི་རུང་”ཞེས་བསྟན་འཛིན་ཕུན་ཚོགས་ཀྱིས་བཤད།

        ད་ཆ་ཉི་ཤར་རྫ་མའི་སྤུས་ཚད་བརྟན་པོ་ཡོད་པ་མ་ཟད། ད་དུང《ལྕེ་རྩེའི་ཀྲུང་གོ》ཞེས་པའི་ལེ་ཚན་ནང་ཞུགས་ཡོད། བརྙན་ལམ་ནང་བེ་ཤ་ནི་ལོ་སྟོང་གི་རྫ་བའི་ལག་རྩལ་དང་མཉམ་དུ་རྒྱལ་ཡོངས་ཀྱི་ལྟད་མོ་བས་བློ་ལ་བརྟན་པོར་ངེས་ཡོད། དྲོད་ཚད་དམའ་བའི་རྫ་བཟོའི་སྒྱུ་རྩལ་གྱི་ཚོར་བ་ཞན་པ་ཡོད་མོད། འོན་ཀྱང་དེ་ནི་བབ་ཆགས་ཤོས་ཀྱི་ལོ་སྟོང་ཕྲག་ཁ་ཤས་ཀྱི་བློ་གྲོས་རེད”ཅེས་བཤད།

        2018ལོར། ཉི་ཤར་རྫ་མའི་ལག་རྩལ་དེ་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མིང་གཞུང་ནང་བཅུག་པ་དང་། མཚན་སྙན་འདིས་བསྟན་འཛིན་ཕུན་ཚོགས་ལ་འགན་འཁྲི་གལ་ཆེན་སྔར་བས་ཚོར་དུ་བཅུག་སྟེ། “སྲོལ་རྒྱུན་སྲུང་སྐྱོང་བྱ་རྒྱུ་ནི་ཅ་ལག་རྙིང་པ་མི་འགུལ་ངང་སྲུང་འཛིན་བྱེད་པ་མ་ཡིན་པར།    དེ་གསོན་པོར་གནས་ནས་རྒྱུན་འཛིན་བྱེད་དུ་འཇུག་དགོས་རེད”ཅེས་ད་ལྟ་བསྟན་འཛིན་ཕུན་ཚོགས་ཀྱིས་སྔར་བཞིན་གཞོན་ནུ་ཚོར་ལག་རྩལ་བརྒྱུད་སྤེལ་བྱ་རྒྱུ་མཐའ་འཁྱོངས་བྱས་ཡོད། རི་ཁུག་གི་བཟོ་ཁང་ཆུང་བ་གསུམ་ནས་ད་ཆའི་དུད་ཚང་བརྒྱ་ལྷག་ཚང་མས་མཉམ་དུ་དར་བའི་ཐོན་ལས་བར། དངོས་པོ་རྙིང་པ་38ནས་མཚོ་རླབས་གསར་པའི་ཐོན་རྫས་སྣ་ཁ་200ལྷག་ཙམ་བར་དང་། ཉི་ཤར་རྫ་མ་འགྱུར་ལྡོག་བྱུང་བ་ནི་དངོས་མིན་རིག་གནས་ཤུལ་བཞག་རྒྱུན་འཛིན་གྱི་གསོན་ཉམས་ལྡན་པའི་དཔེ་མཚོན་ཞིག་རེད། བསྟན་འཛིན་ཕུན་ཚོགས་གྱིས་བརྗོད་པ་ལྟར“མི་རིགས་ཀྱི་རིག་གནས་སོར་འཇོག་དགོས་མོད། འོན་ཀྱང་སྐུ་མགྲོན་ཡོང་བར་སྒུག་མི་རུང་། དུས་རབས་དང་བསྟུན་ནས་སོང་ན། ལག་རྩལ་རྙིང་པ་གཞི་ནས་ཐག་རིང་ལ་འགྲོ་ཐུབ།”