ཏང་གི་ལོ་རྒྱུས་ཤེས་བྱ་ཆིག་བརྒྱ་མ། (4)

རྩོམ་པ་པོ།     ཡིག་བསྒྱུར།       དུས་ཚོད།   2021-03-29   རྩོམ་ཁུངས།    ཀྲུང་གོའི་བོད་ཀྱི་དྲ་བ།

སོ་གཅིག

1945ལོའི་ཟླ4བའི་ཚེས23ཉིན་ནས་ཟླ6པའི་ཚེས11ཉིན་བར། ཏང་གི་ཚོགས་ཆེན་བདུན་པ་ཡན་ཨན་ནས་ཚོགས་ཤིང་། ཐེངས་འདིའི་གྲོས་ཚོགས་སུ་མའོ་ཙེ་ཏུང་གི་དགོངས་པ་ཏང་གི་སློབ་སྟོན་བསམ་བློར་བརྩིས་ནས་ཏང་གི་སྒྲིག་ཡིག་ནང་བཀོད།  སོ་གཉིས།

ཏང་གི་ཚོགས་ཆེན་བདུན་པས་བཏོན་པའི་ཏང་གི་ལས་འགན་ནི། བློ་རྒྱ་ཆེར་སྐྱེད་སྒོས་མང་ཚོགས་ལ་སྐུལ་སློང་བྱས་ཏེ་མི་དམངས་ཀྱི་སྟོབས་ཤུགས་ཇེ་ཆེར་བཏང་བ་དང་། མི་དམངས་ལ་མགོ་ཁྲིད་མཛད་དེ་འཇར་པན་བཙན་འཛུལ་པ་ཕམ་པར་བྱས་ཤིང་། རྒྱལ་ཡོངས་མི་དམངས་བཅིངས་འགྲོལ་གཏོང་བ་དང་། རང་བཙན་དང་རང་དབང་། དམངས་གཙོ་གཅིག་གྱུར། སྟོབས་འབྱོར་ལྡན་པ་བཅས་ཁྱད་ཆོས་ལྡན་པའི་ཀྲུང་གོ་གསར་པ་འཛུགས་རྒྱུ་དེ་ཡིན།

སོ་གསུམ།

ཏང་གི་ཚོགས་ཆེན་བདུན་པས་བཏོན་པའི་ཏང་གི་སྤྱོད་ཚུལ་ཆེན་པོ་གསུམ་ནི། རིགས་གཞུང་དང་ལག་ལེན་ཟུང་དུ་འབྲེལ་བའི་སྤྱོད་ཚུལ་དང་། མི་དམངས་མང་ཚོགས་དང་འབྲེལ་བ་ཟབ་མོ་འཛུགས་པའི་སྤྱོད་ཚུལ། རང་སྐྱོན་རང་བརྗོད་བྱེད་པའི་སྤྱོད་ཚུལ་བཅས་ཡིན།

སོ་བཞི།

རྒྱལ་ཡོངས་ཀྱི་བཅིངས་འགྲོལ་དམག་འཁྲུག་གི་དུས་སྐབས་སུ། ཏང་གིས་མགོ་ཁྲིད་བྱས་པའི་གཞི་ཁྱོན་ཆེན་པོའི་སློབ་མའི་རྒྱལ་གཅེས་དམངས་གཙོ་ལས་འགུལ་དང་པོ་ནི་གཅིག་གཉིས•གཅིག་ལས་འགུལ་ཡིན།

སོ་ལྔ།

བཅིངས་འགྲོལ་དམག་འཁྲུག་སྐབས་ཀྱི་གཡུལ་འགྱེད་ཆེན་པོ་གསུམ་ནི། ལིའོ་ཧྲེན་གཡུལ་འགྱེད་དང་ཧོའེ་ཧའེ་གཡུལ་འགྱེད། ཕིན་ཅིན་གཡུལ་འགྱེད་ཡིན།

སོ་དྲུག

རྒྱལ་ཡོངས་བཅིངས་འགྲོལ་དམག་འཁྲུག་གི་གཡུལ་འགྱེད་ཆེན་པོ་གསུམ་ལས། དུས་ཡུན་རིང་ཤོས་དང་གཞི་ཁྱོན་ཆེ་ཤོས། དགྲ་བོ་མེད་པར་བཏང་བའི་གྲངས་ཚད་ཆེས་མང་བའི་གཡུལ་འགྱེད་ནི་ཧོའེ་ཧའེ་གཡུལ་འགྱེད་ཡིན།

སོ་བདུན།

ཕྱོགས་ཡོངས་ནས་རི་འགོག་དམག་འཁྲུག་དུས་རིམ་གསུམ་དུ་དབྱེ་ཡོད་དེ། དང་པོ་ནི་འཐབ་ཇུས་འགོག་སྲུང་གི་དུས་རིམ་ཡིན་ཏེ། 1937ལོའི་ཟླ7པར་ལུའུ་ཀོའུ་ཟམ་པའི་དུས་འགྱུར་ནས། 1938ལོའི་ཟླ10བར་ཀོང་ཀྲོའུ་དང་ཝུའུ་ཧན་ཤོར་བའི་བར་ཡིན། གཉིས་པ་ནི་འཐབ་ཇུས་ཕན་ཚུན་སྲ་འཛིན་གྱི་དུས་རིམ་ཡིན་ཏེ། 1938ལོའི་ཟླ10བ་ནས1943ལོའི་ཟླ12པའི་བར་ཡིན། གསུམ་པ་ནི་འཐབ་ཇུས་ཕར་རྒོལ་གྱི་དུས་རིམ་ཡིན་ཏེ།1944ལོའི་ཟླ1པོར་བཅིངས་འགྲོལ་ས་ཁུལ་ཁ་ཤས་ཀྱིས་ཕར་རྒོལ་བྱས་པ་ནས།1945ལོའི་ཟླ8པར་འཇར་པན་གྱིས་ཆ་རྐྱེན་མེད་པར་མགོ་བཏགས་པ་ཁྱབ་བསྒྲགས་བྱས་པའི་བར་ཡིན།

སོ་བརྒྱད།

1949ལོའི་ཟླ3པར། ཏང་གི་སྐབས་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་ཧོ་པེ་ཞི་པའེ་ཕའོ་ནས་འཚོགས། གྲོས་ཚོགས་ཀྱིས་ཏང་གི་ལས་དོན་གྱི་ལྟེ་གནས་དེ་འཐབ་ཇུས་ཀྱི་ཕྱོགས་ལ་སྤོ་སྐྱོད་དང་། ཤང་སྡེ་ནས་གྲོང་ཁྱེར་དུ་སྤོ་བའི་གནད་དོན་གཙོ་གནད་དུ་བཟུང་ནས་གྲོས་བསྡུར་བྱས།

སོ་དགུ།

བར་བརྒལ་དུས་སྐབས་ཀྱི་སྤྱིའི་ལམ་ཕྱོགས་ཀྱི་ལས་དོན་གཙོ་བོ་ནི་བཟོ་ལས་ཅན་མངོན་འགྱུར་བྱ་རྒྱུ་དེ་ཡིན།

བཞི་བཅུ།

1954ལོའི་ཟླ9པར། སྐབས་དང་པོའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོ་པེ་ཅིན་དུ་བསྡུས། གྲོས་ཚོགས་འཚོགས་པར་བརྟེན་ནས། མི་དམངས་འཐུས་མི་ཚོགས་ཆེན་གྱི་ལམ་ལུགས་དེ་ཀྲུང་གོ་གསར་པའི་རྩ་བའི་ཆབ་སྲིད་ལམ་ལུགས་སུ་གཏན་འཁེལ་དང་དངོས་སུ་བཙུགས་པ་མཚོན།

 (མུ་འགོད)


分享到：QQ空间新浪微博腾讯微博人人网微信