ཁུལ་མི་དམངས་སྲིད་གཞུང་གི་རྒྱུན་ལས་གྲོས་ཚོགས་ཐེངས་55འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-07-18   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།


        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་7པའི་ཚེས་16ཉིན།ཁུལ་དཔོན་ཀྲང་ཝེ་ཏུང་གིས་ཁུལ་མི་དམངས་སྲིད་གཞུང་གི་རྒྱུན་ལས་གྲོས་ཚོགས་ཐེངས་55གཙོ་སྐྱོང་བྱས་ནས་འཚོགས་པ།

        གྲོས་ཚོགས་ཐོག་ཀྲུང་དབྱང་གི་ཕྱོགས་ཡོངས་ནས་སྒྱུར་བཅོས་ཟབ་གཏོང་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་གསུང་བཤད་ནན་ཏན་གྱིས་སློབ་སྦྱོང་བྱས་ནས་དོན་འཁྱོལ་མཐར་ཕྱིན་དམ་འཛིན་བྱེད་དགོས་པ་དང་།དེང་རབས་ཁེ་ལས་ཀྱི་ལམ་ལུགས་བསྒྱུར་བཅོས་གཏིང་ཟབ་ཏུ་གཏོང་དགོས།ཚད་གཞི་ཅན་གྱིས་དམངས་གཉེར་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས།འབྲུ་རིགས་བདེ་འཇགས་ཀྱི་མ་མཐའི་མཚམས་ཐིག་མཐའ་གཅིག་ཏུ་སྲུང་དགོས།ཐོན་སྐྱེད་གསར་མ་མགྱོགས་པོའི་ངང་གསོ་སྐྱོང་དང་འཕེལ་རྒྱས་བྱེད་དགོས་པའི་ནན་བཤད་གནང་།

        གྲོས་ཚོགས་ཐོག་བདེ་ཆེན་ཁུལ་ཚོང་འགུགས་དངུལ་འདྲེན་རྣམ་གྲངས་འོས་སྦྱོར་བྱ་དགའ་སྤྲོད་ཐབས་ཞེས་པ་ཞིབ་འཇུག་གྲོས་ཞིབ་བྱེད་སྐབས་བསྟན་དོན།ཐབས་ཇུས་བཏོན་ནས་སྲིད་ཇུས་ཀྱི་ཕྱོགས་སྟོན་སྣེ་ཁྲིད་ནུས་ཤུགས་འདོན་སྤེལ་དང་ཕྱོགས་ཁག་གི་ལས་སྒྲུབ་ཧུར་ཐག་རང་བཞིན་སྐུལ་མ་གཏོང་བར་ཕན་ནུས་ཡོད་པ་དང་།རིམ་ཁག་འབྲེལ་ཡོད་སྡེ་ཚན་གྱིས་ནན་པོའི་ངང་སྒྲིག་འཛུགས་བྱས་ནས་ལག་བསྟར་བྱས་པ་དང་རྒྱུན་མཐུད་ཀྱིས་ཚོང་གཉེར་ཁོར་ཡུག་ལེགས་སུ་གཏོང་དགོས།རྒྱུན་ཆད་མེད་པར་དྲིལ་བསྒྲགས་བྱེད་ཤུགས་ཆེ་རུ་གཏོང་བ་དང་གནད་དམིགས་ཞབས་འདེགས་བྱེད་ཤུགས་ཆེ་རུ་བཏང་ནས་སྤྱི་ཚོགས་ཡོངས་ལ་སྣང་ཆེན་མཐོ་པོ་བྱེད་པ་དང་ཚོང་འགུགས་དངུལ་འདྲིན་ལས་དོན་དུ་ཞུགས་པའི་ཁོར་ཡུག་ལེགས་པོ་ཞིག་འཛུགས་དགོས།

        གྲོས་ཚོགས་ཐོག་བདེ་ཆེན་ཁུལ་གྱིས་ཀྲུང་ལུགས་དང་བོད་ལུགས་སྨན་རྫས་དར་རྒྱས་འཕེལ་རྒྱས་ལ་སྐུལ་འདེད་གཏོང་བའི་ལས་གྲྭ་གལ་ཆེའི་ལག་བསྟར་ཇུས་གཞི་ཞིབ་འཇུག་གྲོས་ཞིབ་བྱེད་སྐབས་ནན་བཤད་གནང་དོན།བདེ་ཆེན་ཁུལ་གྱིས་ཀྲུང་ལུགས་དང་བོད་ལུགས་སྨན་རྫས་འཕེལ་རྒྱས་ལས་ཀའི་སྤྱིའི་བླང་བྱ་ཡང་དག་པའི་ངང་རྒྱུན་འཛིན་བྱས་པ་དང་འཕེལ་རྒྱས་ཀྱི་དམིགས་ཡུལ་ལ་དམིགས་པ།དྲང་སྲུང་གསར་གཏོད་རྒྱུན་འཁྱོངས་བྱས་ནས་གཏིང་ཟབ་བསྒྱུར་བཅོས་ལ་སྐུལ་འདེད་གཏོང་བ།ཕྱོགས་ཡོངས་ ནས་རང་ཁུལ་གྱི་ཀྲུང་ལུགས་དང་བོད་ལུགས་སྨན་རྫས་སྤུས་ཚད་མཐོ་བའི་ངང་འཕེལ་རྒྱས་ཡོང་བར་སྐུལ་འདེད་གཏོང་དགོས།

        ཚོགས་འདུ་ཐོག་བདེ་ཆེན་ཁུལ་མི་དམངས་སྲིད་གཞུང་2024ལོ་འཁོར་གྱི་སྲིད་འཛིན་ཐབས་ཇུས་གལ་ཆེན་དོན་ཚན་དཀར་ཆག་ཞིབ་ཐོ་ཞེས་པ་ཞིབ་འཇུག་གྲོས་ཞིབ་བྱེད་སྐབས་ནན་བཤད་གནང་དོན། རྫོང་（གྲོང་ཁྱེར་）ཁག་གིས་ཆབ་སྲིད་ཚུགས་གནས་མཐོ་རུ་གཏོང་ནས་སྲིད་ཇུས་ཐབས་ཇུས་དོན་ཚན་གལ་ཆེའི་ལས་ཀར་ཚད་མཐོའི་མཐོང་ཆེན་བྱེད་པ།ཁྲིམས་ལྟར་གོ་རིམ་ཁག་ནན་ཏན་གྱིས་སྒྲུབ་ནས་སྤུས་ཚད་མཐོ་བའི་ངང་ཐབས་ཇུས་དོན་ཚན་ཁག་ལེགས་སྒྲུབ་བྱུང་བར་ཁག་ཐེག་བྱེད་དགོས།

        གྲོས་ཚོགས་ཐོག་ད་དུང་དོན་ཚན་གཞན་དག་ཞིབ་འཇུག་བྱས།

        ཧུའུ་ཧྥེན་ཞུང་དང་ཡུལ་ཀུའེ་ཧྥེན། ལིན་ཧའོ། པའོ་ཡུས་ཏུང་། ལི་ཐའོ། ཀྲོང་ཞའོ་ཕིང་བཅས་ཚོགས་འདུར་ཞུགས་ཡོད།


分享到：QQ空间新浪微博腾讯微博人人网微信