སྒུལ་འཁོར་བསྡད་ནས་སེམས་ཀྱི་ཉི་ཟླར་ཡུལ་སྐོར་ལ་འགྲོ།

    སྤྱི་ཚོགས་འཕེལ་རྒྱས་སུ་སོང་བ་དང་བསྟུན་མི་རྣམས་ཀྱི་འཚོ་བའི་ཆུ་ཚད་ཀྱང་ཇེ་བཟང་དུ་སོང་ཡོད།ད་ལོར་དཔྱིད་གསར་དུས་ཆེན་དང་བོད་ཀྱི་ལོ་གསར་གཉིས་དུས་གཅིག་ཏུ་ཁེལ་བས།ཉིན་བཅུ་གཅིག་རིང་གི་གུང་གསེང་ཡོད་པ་རེད།བདེ་ཆེན་གྱི་རིགས་སོ་སོའི་མི་དམངས་ཀྱིས་དགའ་དགའ་སྤྲོ་སྤྲོའི་ངང་དུས་ཆེན་ལ་རོལ་བཞིན་ཡོད།

    དེ་ཡང་ས་དམ་ནས་སེམས་ཀྱི་ཉི་ཟླའི་ལྕགས་ལམ་ཤར་གཏོང་བྱས་པ་དང་བསྟུན།ད་ལོའི་ལོ་གསར་རིང་སེམས་ཀྱི་ཉི་ཟླར་ཡུལ་སྐོར་ཡོང་མཁན་གྱི་མགྲོན་པོ་ཡང་མང་བ་རེད།རྡོ་མཁར་རྫོང་གི་ཟླ་འོད་ཐང་ཆེན་དང་མ་ཎི་དུང་འཁོར་སོགས་སུ་ཡུལ་སྐོར་བ་རྣམས་ཀྱིས་པར་སྐྱོན་པ་དང་བོད་ཟས་ཁང་དུ་བོད་ཟས་ལ་རོལ་བ་སོགས་བྱས་ནས་དགའ་བའི་དུས་ཆེན་ལ་རོལ་བ་རེད།