ཞིག་གསོ་བས་འབྲི་ཆུའི་ལྕགས་ལམ་ཟམ་ཆེན་ལ་སྲུང་སྐྱོབ་བདག་གཅེས་བྱས།

        ཡུན་ནན་ས་དམ་ནས་སེམས་ཀྱི་ཉི་ཟླ་བར་གྱི་ལྕགས་ལམ་ཤར་གཏོང་ཐུབ་རྗེས་ཀྱི་དཔྱིད་གསར་སྐྱེལ་འདྲེན་ཐོག་མ་དེ་བསུ་གྲབས་ཡོད་པ་དང་འགྲུལ་པ་བདེ་འཇགས་ངང་ཕྱིར་སྐྱོད་ཐུབ་པའི་འགན་ལེན་བྱ་ཆེད་རྒྱལ་ཁབ་ལྕགས་ལམ་ཁུན་མིང་ཅུས་ཀོང་ཐུང་བཟོ་གློག་དུམ་བུའི་ཞིན་ཧྲང་ཕྱོགས་བསྡུས་ཉམས་གསོ་བཟོ་ཁུལ་གྱིས་སྟག་མཆོང་གྲོག་རོང་འབྲི་ཆུའི་ལྕགས་ལམ་ཟམ་ཆེན་ལ་ཕྱོགས་ཡོངས་ནས་་བརྟག་དཔྱད་བྱས་པ་རེད།

         སྟག་མཆོང་གྲོག་རོང་འབྲི་ཆུའི་ལྕགས་ལམ་ཟམ་ཆེན་ནི་ཡུན་ནན་ས་དམ་དང་སེམས་ཀྱི་ཉི་ཟླའི་འབྲེལ་མཚམས་ཀྱི་སྟག་མཆོང་གྲོག་རོང་མཛེས་ལྗོངས་ཁུལ་དུ་གནས་པ་དང་འབྲི་ཆུ་འཕྲེད་བརྒལ་བྱས་པར་ཁྱོན་རིང་ཚད་སྨི་882.5ཡོད་པ་དང་གཙོ་བོ་སྨི་660བརྒལ་བ་དང་ཟམ་ངོས་དང་གཙང་ངོས་དབར་དྲང་འཕྱང་བར་ཐག་སྨི་250ཙམ་ཡོད་པ་དང་ཟམ་ཆེན་གྱི་སྣེ་གཉིས་སོ་སོར་གཡུ་ལུང་གངས་རིའི་ཕུག་ལམ་དང་ཧ་པ་གངས་རིའི་ཕུག་ལམ་དང་སྦྲེལ་མཐུད་བྱས་པ་དེ་ནི་ས་དམ་ནས་སེམས་ཀྱི་བར་གྱི་ལྕགས་ལམ་གྱི་གཙོ་གནད་ཚོད་འཛིན་རང་བཞིན་གྱི་ལས་གྲྭ་ཞིག་རེད།