གངས་ལྗོངས་ཉི་གཞོན་གསར་དུ་བཏོན་ནས་ལོ་བཅུ་འཁོར་བའི་ཚོགས་འདུ་འཚོགས།

སྤྱི་ཟླ་༡༢པའི་ཚེས་༢༡ཉིན་གྱི་ཕྱི་དྲོར། གངས་ལྗོངས་ཉི་གཞོན་གསར་དུ་བཏོན་ནས་ལོ་འཁོར་བཅུ་ལོན་པ་དང་པར་གཞི་བཟོ་བཅོས་ཀྱི་བགྲོ་གླེང་ཚོགས་འདུ་དང་འཕྲིན་སྦྱོར་གསར་པའི་འོས་སྦྱོར་ཚོགས་འདུ་ཁྲེང་ཏུའུ་རུ་འཚོགས་ཏེ། དཀར་མཛེས་ཁུལ་དང་རྔ་བ་ཁུལ། དེ་མིན་ཁྲེང་ཏུའུ་གྲོང་ཁྱེར་དུ་བཞུགས་པའི་གངས་ལྗོངས་ཉི་གཞོན་གྱི་བློ་འདོན་པ་དང་ཆེད་སྒྲིག་ལེ་ཚན་གྱི་རྩོམ་པ་པོ། ཆེད་བསྐོས་གསར་འགོད་པ། ཆེད་བསྐོས་བརྙན་ལེན་པ། ལས་རིགས་གཅིག་པ་སོགས་ཀྱི་མི་གྲངས་༤༠ལྷག་ཙམ་སྤེལ་རེས་ཚོགས་འདུར་ཞུགས།