འཆམ་འཆམ་དུ་སོང་ན་སེམས་ཁམས་གསོ་ཐུབ།

ལས་འཁྱུར་ངལ་གསོ་བྱས་རྗེས། ཕ་རྒན་གྱིས་ཉིན་རེར་ངེས་པར་བསྒྲུབ་དགོས་པའི་དོན་དག་གི་ནང་དུ་ནངས་དགོང་གཉིས་ཀར་འཆམ་འཆམ་དུ་འགྲོ་རྒྱུ་དེ་འདུས་འདུག ཕ་རྒན་རྒྱུན་དུ་སྤྱི་གླིང་དང་རི་མགོ་སོགས་མི་མེད་སའི་ལྷིང་འཇགས་ཀྱི་གནས་སུ་སོང་ནས། སེམས་པ་ལྷོད་ལྷོད་ཀྱིས་མྱུར་དུ་བགྲོད་པ་དང་དལ་གྱིས་འགྲོ་བ། ཡང་ན་འགྲོ་ཞོར་དང་ཡུལ་ལྗོངས་ལ་ལྟ་ཞོར་བྱས་ཏེ།  རྐེད་པ་དང་རྐང་པ་འགུལ་སྐྱོད་དང་།རྩ་རྒྱུས་རྐྱོང་སྐུམ་སོགས་བྱས་ཏེ་ལུས་སྦྱོང་གི་ནུས་པ་ཐོན་པར་བྱེད།

ཕ་རྒན་རྒྱུན་པར་ས་སྲོད་ཀྱི་དུས་སུ་འཆམ་འཆམ་དུ་སོང་ནས། དལ་མོར་འགྲོ་བའི་རྒན་པ་དང་སློབ་གྲྭ་གྲོལ་རྗེས་འཚབ་འཚུབ་ཀྱིས་ཡུལ་དུ་ལོག་པའི་ན་གཞོན་རྣམས་ལ་ལྟ་ཞོར་དང་། སྡོང་པོའི་འོག་གི་སྔོ་ལྗང་དང་ས་སྟེང་དུ་ལྷུང་བའི་སྡོང་ལོར་བལྟ་རྒྱུར་དགའ། ཕ་རྒན་གྱིས་འཆམ་འཆམ་དུ་འགྲོ་བ་དེ་ལུས་སྦྱོང་ཞིག་ཏུ་བརྩི་བར་མ་ཟད། སེམས་པ་ལྷོད་ལ་བབས་ཏེ་སེམས་ཁམས་སྙོམས་སྒྲིག་བྱེད་པ་དང་། ངལ་དུབ་སངས་བྱེད་ཀྱི་ཐབས་ལམ་ཞིག་ཏུའང་བརྩི་བར་བྱེད། འཆམ་འཆམ་དུ་འགྲོ་བའི་གོ་རིམ་ཁྲོད། ཕ་རྒན་གྱིས་གྲོགས་པོ་གསར་པ་འགའ་རེ་ངོ་ཤེས་ཤིང་། དུས་རྒྱུན་ངོ་ཐུག་པའི་སྐབས་སུ་ཕན་ཚུན་ལ་འཚམས་འདྲི་རེ་བྱས་ལ། ལན་རེར་ཁ་བརྡ་འགའ་རེ་བྱས་ན། ཕ་རྒན་གྱི་སྤྱི་ཚོགས་འབྲེལ་འདྲིས་ཀྱི་དགོས་མཁོ་ཡང་བསྐང་ཐུབ།