རྒྱལ་ཡོངས་སྐབས་བཅུ་གཅིག་པའི་བོད་འགྱིག་འགྲན་སྡུར་སྤེལ་རྒྱུ་རེད།

        བློ་རིག་འགྲན་པའི་དོ་ར། དཀར་ནག་རྡེའུ་རོལ་རྩེད། རྒྱལ་ཡོངས་སྐབས་བཅུ་གཅིག་པའི་བོད་འགྱིག་འགྲན་སྡུར་དེ་ཟླ་5ཚེས་21ཉིན་སི་ཁྲོན་ཞིང་ཆེན་རྔ་བ་རྫོང་དུ་སྤེལ་མགོ་རྩོམ་རྒྱུ་རེད། 

        རྔ་བ་རྫོང་ནི་སི་ཁྲོན་ཞིང་ཆེན་དམངས་ཁྲོད་རིག་གནས་བོད་འགྱིག་གི་ཕ་ས་ཡིན་པ་དང་2021ལོར་བོད་འགྱིག་དེ་རྒྱལ་ཁབ་རིམ་པའི་མངོན་མིན་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྣམ་གྲངས་ཁག་ལྔ་པར་ཁྱབ་བསྒྲགས་བྱས།  ཐེངས་འདིའི་འགྲན་བསྡུར་ནང་དུ་ཡང་རྒྱལ་ཡོངས་ཀྱི་མི་རིགས་ཁག་གི་བོད་འགྱིག་པ་གྲགས་ཅན་190ལྷག་ཙམ་ཞུགལས་རྒྱུ་ཡིན་པ་དང་། སྣ་མང་ཕུན་སུམ་ཚོགས་པའི་བོད་འགྱིག་རིག་གནས་ཀྱི་བྱེད་སྒོ་འདིས་རྔ་བའི་དངོས་མིན་ཤུལ་བཞག་རིག་གནས་སྲུང་སྐྱོང་དང་འཕེལ་རྒྱས་ལ་ནུས་ཤུགས་ཆེན་པོ་འདོན་ཐུབ།

        གནའ་བོའི་དམངས་ཁྲོད་ནས་དར་བའི་བོད་འགྱིག་རིག་གནས་ནི་ལོ་རྒྱུས་ཀྱི་རྒྱུན་རིང་ཞིང་མི་ཚོགས་ལ་སྤྲོ་དགའ་གནང་ཐུབ་པའི་རྩེད་མོ་ཞིག་ཡིན་ལ། དེ་ནི་ཀྲུང་གོའི་སྲོལ་རྒྱུན་ལུས་རྩལ་རིག་གནས་ཀྱི་གྲུབ་ཆ་གལ་ཆེན་ཞིག་དང་མང་ཚོགས་ཀྱི་འཚོ་བའི་ཁྲོད་ཀྱི་ལྟ་འདོད་ལ་ཉན་སྤྲོ་བའི་རྩལ་འགྲན་རོལ་རྩེད་ཅིག་ཡིན་པས། སྤྱི་ཚོགས་ཁྲོད་ཀྱི་དངོས་མིན་ཤུལ་བཞག་རིག་གནས་ལ་གདོད་མའི་སྐྱེ་ཁམས་ཀྱི་གསོན་ཤུགས་འཕེལ་ཡོད། 

        ད་སྐབས། རྔ་བ་རྫོང་གི་བོད་འགྱིག་ལ་སྐད་གྲགས་ཆེ་ཞིང་། རྒྱུན་འཛིན་བྱེད་སྟངས་ལ་ཁྱིམ་རྒྱུད་རྒྱུན་འཛིན་དང་དགེ་སློབ་རྒྱུན་འཛིན། ཚོགས་སྤྱིའི་རྒྱུན་འཛིན་བཅས་ཡོད་པ་རེད། བོད་འགྱིག་རྒྱུན་འཛིན་དང་འཕེལ་རྒྱས་གཏོང་རྒྱུ་དེ་ནི་མང་ཚོགས་ཀྱི་ལས་ཞོར་རིག་གནས་དང་འཚོ་བ་ཕུན་སུམ་ཚོགས་སུ་གཏོང་བ། དམངས་ཡོངས་ཀྱི་རིག་གནས་བྱང་ཚད་མཐོ་རུ་གཏོང་རྒྱུར་གལ་ཆེ་ལ་དོན་སྙིང་ཟབ་མོ་ལྡན་ཡོད།