འབྲུག་དཀར་གཙང་བོའི་འགྲམ་གྱི་དབྱར་ཁ།

        དབྱར་འགོ་ཚུགས་པ་ན་ས་གཞི་དྲོད་ཀྱིས་ཁེངས་ལ་རུ་ལུང་ཀུན་དུ་རྩྭ་དང་རྩི་ཤིང་གི་འདམ་མ་རབ་དུ་རྒྱས་པའི་འགོ་ཚུགས་པ་རེད། མདོ་སྨད་ཀན་ལྷོའི་ལྷོ་ཕྱོགས་ཀྱི་ཡུལ་ཐེ་བོའི་ས་ཆར་གྲགས་པའི་འབྲུག་དཀར་གཙང་བོའི་འགྲམ་རྒྱུད་ཀྱི་གནས་ཡུལ་ཁྱད་པར་ཅན་འདི་ཡང་དེ་ལས་མ་འདས་པར་དབྱར་གཞུང་གི་སྣང་བ་ཞིག་གིས་ཁེངས་འདུག 

        ཆར་བ་ཟམ་ཟིམ། ལྷིང་འཇགས་ཀྱི་གྲོང་ཚོ། དེ་མིན་ད་དུང་ཞིང་ཁ་ན་སྐྱེས་སྟོབས་རྒྱས་པའི་འབྲུ་རིགས་ཀྱི་ལྗང་སྨྱུག་ལ་རླབས་རིས་འཁྱུག་འཁྱུག་བྱེད་ལ། འདབ་ལོ་རྒྱས་པའི་རྒྱ་ལྕང་གི་སྡོང་བོའི་མགོ་ལྕོག་ལྡེམ་ལྡེམ་གཡོ།  འདི་ནི་འབྲུག་དཀར་གཙང་བོའི་འགྲམ་རྒྱུད་ཀྱི་དབྱར་ཁ་རེད། མདོ་ཁམས་ཀྱི་ཡུལ་ཕྱོགས་གཞན་པར་ཁ་བ་སྒང་ལ་འབབ་པའི་སྐབས་འདིར་དུས་བཞིའི་འགྱུར་ལྡོག་གསལ་བའི་འབྲུག་དཀར་གཙང་བོའི་འབབ་རྒྱུན་འདིར་ས་གཞིར་དྲོད་བཤེར་རྒྱས་ནས་དབྱར་ཁའི་སྣང་བ་མངོན་པར་ཐོན། འདི་ནི་ཡུལ་འདིའི་དབྱར་ཁའི་མཛེས་ལྗོངས་ཡིན་ལ། འདི་འབྲུག་དཀར་གཙང་བོའི་འགྲམ་རྒྱུད་གྱི་དབྱར་ཁའི་སྣང་བ་ངོ་མ་ཡིན།