བདེ་ཆེན་གྱིས་ཕྱོཊ་བཞིའི་ཐད་ནས་ཡུལ་སྐོར་ལ་སྐུལ་འདེད་བཏང་རྒྱུ།
རྩོམ་པ་པོ། ཡིག་བསྒྱུར། དུས་ཚོད། 2023-04-25 རྩོམ་ཁུངས། སེམས་ཀྱི་ཟླ་བོད་ཡིག་དྲ་བ།
གཙོ་གནད་ཕྱོགས་བཞིའི་འཇུག་སྒོའི་ལས་དོན་དམ་འཛིན་བྱེད་དགོས།
ཐོན་རྫས་མ་ལག་འཛུགས་སྐྲུན་ལས་གྲྭ་ལག་བསྟར་བྱ་དགོས།བདེ་ཆེན་ཁུལ་གྱི་མཛེས་ལྗོངས་ཁུལ་གྱི་སྤུས་ཚད་ཇེ་ལེགས་སུ་བཏང་སྟེ་རྒྱང་སྐྱོད་རྒྱལ་ཁབ་རིག་གནས་སྤྱི་གླིང་དང་འབྲི་ཆུའི་རྒྱལ་ཁབ་རིག་གནས་སྤྱི་གླིང་བསྐྲུན་དགོས། སྤྲོ་གསེང་དང་། རི་ཁུལ་ལུས་རྩལ། སྤྲོ་གསེང་ཉམས་ལེན་སོགས་ཀྱི་ཡུལ་སྐོར་ཐོན་ལས་གསར་སྤེལ་ཤུགས་ཆེན་བྱེད་པ་དང་། རྒྱལ་ཁབ་སྤྱི་གླིང་དང་། རྒྱལ་ཁབ་རིམ་པའི་མི་རིགས་རིག་གནས་སྐྱེ་ཁམས་སྲུང་སྐྱོང་ཚོད་ལྟ་ཁུལ། རྒྱལ་ཁབ་རིམ་པ་དང་ཞིང་ཆེན་རིམ་པའི་སྐྱེ་ཁམས་ཡུལ་སྐོར་དཔེ་སྟོན་ཁུལ་སོགས་ཡུལ་སྐོར་གྱི་ཚོང་རྟགས་གྲགས་ཅན་ཁག་ཅིག་གསར་སྐྲུན་ཧུར་ཐག་བྱ་དགོས།
རིག་གནས་དང་ཡུལ་སྐོར་འཕེལ་རྒྱས་ཀྱི་འགན་སྲུང་ལས་གྲྭ་ལག་བསྟར་བྱ་དགོས། “ཡུལ་སྐོར་+”དང་“+ཡུལ་སྐོར་”མཉམ་འདྲེས་འཕེལ་རྒྱས་ཡོང་བར་སྐུལ་འདེད་གཏོང་བ་དང་། དཔེ་སྟོན་སྐུལ་ཁྲིད་རང་བཞིན་ཅུང་ཆེ་བའི་ཐོན་ལས་གླིང་ཁུལ་གསར་པ་ཁག་ཅིག་འཛུགས་སྐྲུན་བྱེད་པ། ཞབས་ཞུའི་ཆུ་ཚད་མཐོ་བའི་རིག་གནས་ཡུལ་སྐོར་ཁེ་ལས་ཁག་ཅིག་སྐྱེད་སྲིང་བྱེད་པ། ས་ཁོངས་ཀྱི་ཁྱད་ཆོས་དང་མི་རིགས་ཀྱི་ཁྱད་ཆོས་ལྡན་པའི་ཡུལ་སྐོར་འཛད་སྤྱོད་ཁུལ་དང་ཁྱད་ཆོས་ལྡན་པའི་ཡུལ་སྐོར་ཁྲོམ་ཁུལ་ཁག་ཅིག་འཛུགས་སྐྲུན་བྱེད་པ། ཡིད་དབང་འཕྲོག་པའི་ཡུལ་སྐོར་ལས་རྣམ་གསར་པ་དང་ཐོན་རྫས་ཁག་ཅིག་ཞིབ་འཇུག་དང་གསར་སྤེལ་བྱེད་དགོས།
