མེ་ཏོག་གི་སྐྱེད་ཚལ་ཁྲོད་ཀྱི་ཁམས་ར།

དཔྱིད་ཟླ་བཞི་བར་མཐོ་སྒང་གི་ཡུལ་ལུང་གང་སར་མེ་ཏོག་གི་དྲི་བསུང་འཐུལ་ཡོད། ཉེ་ལམ། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ཁམས་ར་རྒྱལ་ཁབ་ནགས་ཚལ་སྤྱི་གླིང་དུ། སིལ་སྡོང་ལུང་བའི་རི་སྐྱེས་སིལ་སྡོང་མེ་ཏོག་ནི་མཐོ་སྒང་གི་ཉི་ཟེར་འཇམ་པོའི་འོག་མཚར་སྡུག་རྣམ་པར་བཀྲ་ལ། གཞན་ལས་ཁྱད་དུ་འཕགས་པའི་མཐོ་སྒང་གི་དཔྱིད་ཀ་འདིར་གསོན་ཤུགས་གསར་བ་ཞིག་བསྣན་ཡོད། མཚོ་བོད་མཐོ་སྒང་དང་ས་སེར་མཐོ་སྒང་འབྲེལ་མཚམས་དུ་ཆགས་པའི་ཁམས་ར་རྒྱལ་ཁབ་ནགས་ཚལ་སྤྱི་གླིང་དུ། ཟངས་རི་བྲག་གི་མཛེས་ལྗོངས་ཡོད་པ་མ་ཟད། ཚོན་མདངས་རྣམ་པར་བཀྲ་བའི་མེ་ཏོག་སྣ་ཚོགས་ཀྱིས་ཡུལ་ལུང་འདི་ལ་མཛེས་ཉམས་གསར་བ་ཞིག་བསྩལ་ཡོད།།