སློབ་འགོ་བརྩམས་པ་ན་བྱིས་པའི་འཚོ་བཅུད་ཇི་ལྟར་བསྡེབ་དགོས།

        སློབ་གྲྭ་འཚོག་པ་ན་བྱིས་པ་ཚོའི་སྤྱི་ཚོགས་ཀྱི་འབྲེལ་འདྲིས་བྱ་འགུལ་ཇེ་མང་དང་། སློབ་སྦྱོང་གི་འགན་ཁུར་ཡང་མངོན་གསལ་གྱིས་ཇེ་ལྕི་ཡིན་པས། བཟའ་བཏུང་གི་དགོས་མཁོ་སྔོན་ལས་ཆེ་བ་ཡིན། སློབ་གྲྭ་ཆུང་འབྲིང་གི་སློབ་མ་ནི་འཚར་ལོངས་འབྱུང་བཞིན་པའི་གནད་འགག་གི་དུས་སུ་ཡོད་ལ། ཟས་རིགས་དང་འཚོ་བཅུད་དགོས་མཁོ་མི་དར་མ་ལས་ཆེ་བས། སློབ་གྲྭ་དང་ཁྱིམ་ཚང་གང་དུ་ཡོད་ཀྱང་སློབ་མས་འཚོ་བཅུད་ཟ་མ་བཟའ་དགོས། དེས་ན། དགེ་རྒན་དང་ཁྱིམ་བདག་དག་ལ་བསམ་འཆར་ཆུང་ངུ་འགའ་བཏོན་པ་ཡིན།