2022ལོར། བདེ་ཆེན་ཁུལ་གྱིས་མ་དངུལ་བརྩོན་ལེན་ཧུར་ཐག་བྱེད་པ་དང་དུས་འགོའི་ལས་དོན་དང་རྣམ་གྲངས་འཛུགས་སྐྲུན་ལ་སྐུལ་འདེད་མགྱོགས་པོ་བཏང་བ་བརྒྱུད་ཆུ་བེད་རྣམ་གྲངས་ཁྱོན་35ལ་སྐུལ་འདེད་བཏང་བ་དང་།དེའི་ནང་མཐུད་སྐྲུན་རྣམ་གྲངས་16དང་རྣམ་གྲངས་19གསར་དུ་ལས་འགོ་ཚུགས་པ་དང་ཆུ་བེད་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར་18.05བཏང་བ་རེད།
ཉེ་བའི་ལོ་ཤས་རིང་།བདེ་ཆེན་ཁུལ་གྱིས་ཆུའི་ཐོན་ཁུངས་སྲུང་སྐྱོང་དང་། ཆུ་ཁོངས་དང་མཚོ་ངོགས་དོ་དམ། ཆུའི་ཁོར་ཡུག་བཅོས་སྐྱོང་།ཆུའི་སྣོད་བཅུད་སླར་གསོ། ཁྲིམས་འཛིན་ལྟ་སྐུལ་དོ་དམ་སོགས་གཙང་པོ་དང་མཚེའུ་སྲུང་སྐྱོང་བྱ་ཐབས་ལ་སྐུལ་འདེད་ཏན་ཏིག་བཏང་བ་དང་། ཆུ་ལམ་གྱི་ཆུ་ལོག་ལ་མངོན་གསལ་དོད་པའི་གནད་དོན་དང་འགྲམ་རྒྱུད་ཀྱི་གནད་དོན་གྲལ་བཤེར་དང་བཅོས་སྒྲིག་གཏིང་ཟབ་བྱས་ནས་ཆུ་ལམ་གྱི་སྣོད་བཅུད་ཁོར་ཡུག་གི་སྤུས་ཚད་མཐོ་རུ་བཏང་ཡོད།
2022ལོར། པེ་ཧྲུའེ་ཆུ་བོ་དང་། འབྲུག་པའི་ལུང་ཆུ་བོ། ཡུང་ཁྲུན་ཆུ་བོ། འབའ་གྲུ་ཆུ་བོ། ལི་ཏི་ཕིན་ཆུ་བོ་བཅས་ཞིང་ཆེན་རིམ་པའི་མཛེས་སྡུག་ལྡན་པའི་གཙང་པོ་དང་མཚེའུ་ལ་རེ་ཞུ་བྱས་པ་དང་།ཧུར་བརྩོན་ཆེན་པོས་ཀྲུང་དབྱང་དང་ཞིང་ཆེན་རིམ་པའི་ཆུ་བེད་ཀྱི་གེགས་སེལ་མ་དངུལ་བརྩོན་ལེན་བྱས་ནས་འགྱིག་མདོང་སྨི་37300དང་ཨར་འདམ་ཏུན་170སྤྲད་དེ་ནུས་ཤུགས་ཡོད་རྒུས་འཕྲལ་སྡོམ་ཆུ་མཁོ་འདོན་དང་ཆུ་བེད་ལས་གྲྭའི་ཆུས་གཏོར་སྐྱོན་ཕོག་པའི་ཉམས་གསོའི་ལས་དོན་ཡག་པོ་བསྒྲུབས་ཡོད།
2023ལོར།བདེ་ཆེན་ཁུལ་གྱིས་རྣམ་གྲངས་གལ་ཆེན་འཆར་འགོད་མགྱོགས་སུ་གཏོང་བ་དང་། ཆུ་བེད་ཀྱི་གཙོ་གནད་རྣམ་གྲངས་འཛུགས་སྐྲུན་ལ་སྐུལ་འདེད་ཤུགས་ཆེན་གཏོང་བ། ཆུ་བེད་ཀྱི་གཙོ་གནད་རྣམ་གྲངས་30ལ་སྐུལ་འདེད་གཏོང་བ་བཅས་བྱས་ནས་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་བདེ་ཆེན་གསར་པ་འཛུགས་པར་ཆུ་བེད་ཀྱི་སྟོབས་ཤུགས་དང་ཆུ་བེད་ཀྱི་ལེགས་སྐྱེས་འབུལ་རྒྱུ་རེད།
