ཞ
ཞབས་བྲོ་ཨེ་ཡག་ལྷམ་ལ་ལྟོས། །
སྣང་བ་ཨེ་སྐྱོད་གོས་ལ་ལྟོས། །
ཞལ་ལ་པདྨའི་མདངས་ཡོད་ཀྱང་། །
ཐུགས་ལ་འཛེར་པའི་འཁྱོག་ཅིག་འདུག །
ཞིང་པས་མ་བཏབ་འབྲུ་རིགས་དང་། །
འཐག་གིས་མ་བཏགས་སྣམ་བུ། །
གཞུང་དོན་སྒྲུབ་ན་ཁོག་རྒྱ་ཆེ་དགོས། །
རྟ་རྒོད་འཁྲིད་ན་འཁྲིད་ཐག་རིང་དགོས། །
ཟ
ཟས་ཀྱི་ཕུད་དེ་མགྲོན་ལ་འབུལ། །
གོས་ཀྱི་རྩེ་དེ་རང་གིས་གྱོན། །
བཟའ་ཚང་ནང་ཁ་གཤིབ་ན། །
ལྟོ་གོས་ཐུག་པས་ཆོད་ཡོང་། །
བཟང་པོའི་ལས་བྱེད་སར། །
ངན་པས་ལྟད་མོར་ལྟ། །
བཟང་པོར་དམའ་འབེབས་འདོད་ན། །
ངན་པའི་ཁ་ཡ་གྱིས། །
འ
འ་ཆད་འུ་ཐུག །
བ་ཤི་ས་རུལ། །
འུ་ཐུག་ན་ཉེ་བཙལ། །
ཁྱི་རིག་ན་རྡོ་བཙལ། །
འུག་པས་མུན་པ་རུབ་ན་བསམ། །
བྱ་ཕོས་ནམ་མཁའ་ལངས་ན་བསམ། །
འོ་མ་དཀྲུགས་ན་མར། །
ཆུ་དཀྲུགས་ན་ཝུ་བ། །
ཡ
ཡ་རབས་མ་རབས་སྤྱོད་པས་ཤེས། །
སྐྱེས་ས་གང་ཡིན་སྐད་ཀྱིས་ཤེས། །
ཡིད་ཀྱི་སོག་ལེ་རྣོ་ཡང་། །
ཤིང་གི་སྡོང་བོ་མི་ཆོད། །
ཡོད་མདོག་མདོག་དོར་མ་རྒྱ་ཚོས་གྱོན། །
མེད་མདོག་མདོག་ལྷན་པ་ཕྲེད་ལ་བརྒྱབས། །
ཡོད་པའི་ཁ་ལ་གསོག་འདོད། །
མེད་པའི་ཁ་ལ་སྟོར་འདོད། །
