རྒྱ་མ་ལྔ་བཅུ་ཅན་གྱི་གནའ་བོའི་བོད་ལྭ་ཞིག

        བོད་རང་སྐྱོང་ལྗོངས་མངའ་རིས་སྤུ་ཧྲེང་རྫོང་དུ་དུས་ད་ལྟ་ཡང་གནའ་བོའི་བོད་ལྭ་ཞིག་ཉར་ཚགས་བྱས་ཡོད་པ་དེ་ནི། སྤུ་ཧྲེང་གི་བོད་ལྭ་ཞེས་པ་དེ་ཡིན། དུས་ད་ལྟའི་བར་ལོ་ངོ་ཆིག་སྟོང་ལྷག་གི་ལོ་རྒྱུས་ལྡན་པར་མ་ཟད།  དེ་ལས་ཀྱང་སྐྱེས་མའི་རྨ་བྱའི་ལྭ་བ་ནི་སྤུས་དག་ཅིང་ཐུན་མིན་ཁྱད་ཆོས་ཀྱིས་ཀུན་ནས་ཕྱུག་ཡོད།  མངའ་རིས་ས་ཁུལ་མཐའ་མཚམས་གྲོང་རྡལ་སྤུ་ཧྲེང་ནི་ནེ་པ་ལ་དང་འབྲེལ་མཚམས་སུ་ཆགས་ཡོད་ཅིང་།    གྲོང་རྡལ་གྱི་ཉེ་འགྲམ་དུ་གནས་པའི་འཁོར་ཆགས་གྲོང་ཚོ་ནི་ཆུ་བོ་རྨ་བྱ་ཁ་འབབ་གྱི་འགྲམ་དུ་ཆགས་ཡོད། གྲོང་ཚོ་དེའི་དུད་ཁྱིམ་བདུན་གྱིས་ལོ་ངོ་བརྒྱ་ཕྲག་མང་པོར་ཕ་མེས་ཡང་མེས་ནས་བརྒྱུད་ཡོང་བའི་སྤུ་ཧྲེང་གི་བོད་ལྭ་ཆ་༧དུས་ད་ལྟ་ཡང་ཉར་ཚགས་བྱས་ཡོད།