རྩོམ་པ་པོ།     ཡིག་བསྒྱུར།       དུས་ཚོད།   2022-07-13   རྩོམ་ཁུངས།    མཚོ་སྔོན་བོད་ཡིག་གསར་འགྱུར།
ཅ
གཅིག་ལ་མི་འགྲིགས་གཞན་གྱི་སྐྱོན། །
ཀུན་ལ་མི་འགྲིགས་རང་གི་སྐྱོན། །
ལྕི་བ་གསེར་ལ་མི་འགྱུར། །
ཆུ་ནག་སྣུམ་ལ་མི་འགྱུར། །
ལྕགས་ལ་ལྕགས་ཀྱི་ལྷན་པ། །
ཟངས་ལ་ཟངས་ཀྱི་ལྷན་པ། །
ཅི་བཤད་ལ་མ་ཉན། །
ཅི་བྱས་ལ་བརྟག་དགོས། །
ཆ
ཆགས་ན་ཞོ་དང་། །
མ་ཆགས་ན་དར་ར། །
ཆང་གིས་བཟི་ན་དྭངས་མཐའ་ཡོད། །
ནོར་གྱིས་བཟི་ན་དྭངས་མཐའ་མེད། །
ཆང་གཅོད་འདོད་ན། །
ར་བཟིའི་སྐྱོན་ལ་ལྟོས། །
ཆུ་ཆེན་འབྲི་ཆུ་རྫ་ཆུ་ཆེ། །
དྲིན་ཆེ་བ་རི་སྐེད་རྫིང་བུ་ཆེ། །
ཇ
ཇ་བསྐོལ་ན་ཟངས་ཁོག་སོ་སོ་ཡིན། །
མེ་བཏང་ན་དུ་ཁུང་སོ་སོ་ཡིན། །
ཇ་ཐུག་པ་གཉིས་ཀྱིས་བརྒྱགས། །
མེ་ཉི་མ་གཉིས་ཀྱིས་དྲོས། །
མཇལ་མཇའ་བའི་ལྷ་ཁང་དང་། །
གཤིབས་གཤིབས་པའི་བུ་སྤུན། །
འཇུ་ཚོད་ཀྱི་ལྟོ་དང་། །
ཐེག་ཚོད་ཀྱི་ལས། །
ཉ
ཉ་མོ་གཤོག་རྩལ་ཆེ་ཡང་། །
གྲུ་ཤན་རྟ་མགོའི་འོག་རེད། །
ཉིན་གསུམ་བླ་མའི་ལྗགས་མདུད། །
དེ་ནས་ཤིག་གི་ཤིག་ཚང་། །
གཉེན་དང་ཉི་མ་རྒྱང་ནས་སྲོས། །
མེ་དང་ཨ་མ་འགྲམ་ལ་བསྟེན། །
སྙིང་རྗེ་པོ་སྲན་མའི་མེ་ཏོག །
བཟས་ཚར་ན་གྲོད་ཁོག་སྦོས་མཁན། །