རྩོམ་པ་པོ།     ཡིག་བསྒྱུར།       དུས་ཚོད།   2022-07-12   རྩོམ་ཁུངས།    མཚོ་སྔོན་བོད་ཡིག་གསར་འགྱུར།
ཀ
ཀ་བ་བཞིན་དུ་དྲང་དགོས།།
ཀ་རྡོ་བཞིན་དུ་བརྟན་དགོས།།
རྐྱང་ཁ་དཀར་བཟུང་ནས་བློ་རྟ་བྱས།།
འབྲོང་བྲེ་སེར་བཟུང་ནས་སྒོ་ཟོག་བྱས།།
སྐྱེ་ས་མཐོན་པོ་ལ་ཁའི་འཇག་མ།།
མཐོ་ཡང་མི་ཕན་སྒོ་རྒྱབ་ཀྱི་ཕྱགས་མ།།
སྐུ་ཆེ་ལ་རི་རྒྱལ་ལྷུན་པོ།།
ཐུགས་ཆུང་ལ་ཨབ་བྲའི་རིལ་མ།།
ཁ
ཁ་གཏམ་གཡུ་འབྲུག་སྐད་ལས་ཆེ།།
ལག་ལེན་ནམ་མཁའི་འཇའ་ལྟར་ཡལ།།
ཁྱིམ་དབང་ཅན་གྱི་མནའ་མ་སྡུག།
ཕ་བུན་མང་གི་བུ་ཚ་སྡུག།
ཁྲོམ་ཚོགས་པའི་ཉིན་མོར་གཏམ་དགོས།།
དགྲར་འཐབ་པའི་ཉིན་མོར་དཔའ་དགོས།།
མཁས་ཀྱང་དོན་ལ་མ་དཔྱད་ན།།
ས་འོག་གསེར་གྱི་མདངས་དང་འདྲ།
ག
གང་སྐྱིད་ཕ་ཡུལ་དང་།།
སུ་བྱམས་ཕ་མ་རེད།།
དགྲ་མ་མཐོང་གོང་གི་ཀི་སྒྲ།
རོ་མ་མཐོང་གོང་གི་ངུ་སྐད།།
རྒྱ་མཚོར་མེ་འབར་ན་གསོད་པའི་ཆུ་མི་རེག།
རྡོ་ལ་སྤུ་སྐྱེས་ན་བཞར་བའི་གྲི་མི་རག།
རྒྱུ་མེད་པའི་མི་དེ་བསམ་རྒྱ་ཆེ།།
སྤྲིན་མེད་པའི་གནམ་དེ་ཁ་རྒྱ་ཆེ།།
ང
ང་རྒྱལ་གྱི་གོང་བུར།།
ཡོན་ཏན་གྱི་རྩྭ་མི་སྐྱེས།
ངན་པ་ཟས་ཀྱིས་འགྲངས་ན་སྐད་གསང་མཐོ།།
མ་རབས་མཐོ་སར་བཞག་ན་ཀུན་ལ་སྡང་།།
སྔ་དྲོ་བླ་མ་ལས་དལ་བ།།
ཕྱི་དྲོ་ཉེ་གནས་ལས་བྲེལ་བ།།
རྔ་མོང་སྐེ་རིང་ཡང་།།
ལ་རྒྱབ་ཀྱི་རྩྭ་མི་རག།