སྔོ་ཚལ་གྱི་འཚོ་བཅུད་མི་ཤོར་བ་བྱེད་དགོས་ན། ཐབས་འདི་སྤྱོད་དང་།

རྩོམ་པ་པོ།     ཡིག་བསྒྱུར།       དུས་ཚོད།   2022-06-15   རྩོམ་ཁུངས།    བོད་ལྗོངས་ཉིན་རེའི་ཚགས་པར།

        སྔོ་ཚལ་བཀྲུས་རྗེས་གཏུབ་དགོས་ཀྱི་ཡོད། ཡིན་ནའང་ཞིབ་མོ་གཏུབ་རྒྱུ་མེད། གང་ལགས་ཤེ་ན། ཞིབ་མོ་བཏུབས་ན་འཚོ་བཅུད་ཤོར་གྱི་ཡོད། སྔོ་ཚལ་བཏུབས་རྗེས་དུས་ཚོད་རིང་པོ་འཇོག་རྒྱུ་མེད་ལ། ཆུའི་ནང་དུ་ཡུན་རིང་པོ་སྦང་རྒྱུ་མེད། རྒྱུ་མཚན་ནི་སྔོ་ཚལ་གྱི་འཚོ་བཅུད་དང་སྐྱེས་མེད་ཚྭ་ཁག་གཅིག་ཤོར་སྲིད། སྔོ་ཚལ་གྱི་འཚོ་བཅུད་མི་ཤོར་བ་བྱེད་ཆེད་སྔོ་ཚལ་སོས་པ་བཏུབས་མ་ཐག་བརྔོ་དགོས་ཀྱི་ཡོད།

        སྔོ་ཚལ་བརྔོ་སྐབས། ཚལ་སླང་ནང་གི་སྣུམ་བཙག་ཆོད་རྗེས་ཚལ་བླུགས་དགོས། དེ་འདྲ་བྱས་ན་འབུ་ཕྲ་གསོད་ཐུབ་ལ། ཚལ་ཡང་མགྱོགས་པོ་བརྔོས་ཚར་བ་དང་སྔོ་ཚལ་ནང་གི་འཚོ་བཅུད་ག་པ་མང་པོ་ཤོར་འགྲོ་ཡི་མེད།

        མི་ལ་ལས་ཚལ་སླང་གི་ཁེབས་གཅོད་མ་བརྒྱབ་པར་ཚལ་བརྔོ་བར་དགའ་པོ་ཡོད། དེ་ལྟར་བྱས་ཚེ། འཚོ་བཅུད་ག་པ་50%དང་འཚོ་བཅུད་ཀ་པ་10％ནས་30%བར་ཤོར་གྱི་ཡོད།  གལ་ཏེ་ཚལ་སླང་གི་ཁེབས་གཅོད་བརྒྱབ་ནས་བཙོས་ན་འཚོ་བཅུད་དབྱང་འགྱུར་བྱེད་ཚད་ཉུང་དུ་སོང་ནས་འཚོ་བཅུད་སྲུང་ཐུབ་ཀྱི་ཡོད།  ཚལ་བརྔོ་སྐབས། ཚུའུ་ཕྲན་བུ་བླུགས་ན་འཚོ་བཅུད་ག་པ་མི་ཤོར་བའི་ཁྱད་ཡོད།  ཡག་ཤོས་བྱུང་ན་ཚལ་བརྔོས་རྗེས་ལམ་སེང་བཟའ་དགོས། ལ་ལས་སླར་ཡང་ཚ་པོ་བཟོས་ནས་བཟའ་བར་དགའ་པོ་བྱེད་པ་དེས་འཚོ་བཅུད་ཤོར་འགྲོ་ཡི་ཡོད།


分享到：QQ空间新浪微博腾讯微博人人网微信