སྲིད་པའི་གླུ་ཤགས།

སྲིད་པའི་སྲིད་པ་རྣམ་གསུམ་པོ། །

ཁྱོད་གླུ་བས་བཤད་ན་ཅི་ཞིག་རེད། །

དྲིས་ལན།

བྱ་སྐྱ་ཀའི་མཁྲིས་པ་ཁ་ན་སྲིད། །

སྦྲུལ་ལྟོ་འཕྱེ་རྐང་ལག་ཁོག་ན་སྲིད། །

ཉ་གསེར་མིག་སོག་པ་མགོ་ན་སྲིད། །

གནམ་ས་བར་ནས་སྦྲང་ཆར་སྲིད། །

སྲིད་པའི་སྲིད་པ་རྣམ་གསུམ་པོ། །

རྡོ་ལྕགས་བར་ནས་མེ་སྟག་སྲིད། །

ཤ་ཀོ་བར་ནས་འོ་མ་སྲིད། །

གནས་ས་བར་ནས་སྦྲང་ཆར་སྲིད། །

དྲི་བ།

ཁྱོད་གླུ་བས་བཤད་ན་ཅི་ཞིག་རེད། །

དམར་ཡག་སྟག་གི་སོ་བ་གསུམ། །

ཁྱོད་གླུ་བས་བཤད་ན་ཅི་ཞིག་རེད།

དམར་ཡག་སྟག་གི་རུ་འདྲེན་གསུམ། །

ཁྱོད་གླུ་བས་བཤད་ན་ཅི་ཞིག་རེད། །

དྲིས་ལན།

ཐོག་དང་འབྲུག་དང་གློག་གསུམ་ཡིན། །

དམར་ཡག་སྟག་གི་སོ་བ་གསུམ། །

རླུང་དང་སྤྲིན་དང་ན་བུན་གསུམ། །

དམར་ཡག་སྟག་གི་རུ་འདྲེན་གསུམ། །

ཆར་བ་སེར་བ་ཁ་བ་གསུམ། །