དཀའ་སྡུག་ཟིལ་གྱིས་མནན་པའི་གེ་སར་རྒྱལ་པོ།

གླིང་སྒྲུང་གེ་སར་རྒྱལ་པོ་ནི་རང་རྒྱལ་གྱི་ལོ་རྒྱུས་སྙན་ངག་ཆེ་གྲས་གསུམ་གྱི་གྲས་ཤིག་ཡིན་ཞིང་། ༢༠༠༩ལོར་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱིས་མིའི་རིགས་ཀྱི་མངོན་མིན་བཤུལ་བཞག་རིག་གནས་ཀྱི་མིང་ཐོའི་ནང་བཅུག་པ་དང་། འཛམ་གླིང་ཐོག་གི་ཆེས་རིང་ཤོས་ཀྱི་ལོ་རྒྱུས་སྙན་ངག་ཅིག་ཡིན་ལ། ད་བར་ལོ་ངོ་སྟོང་གི་ལོ་རྒྱུས་ཡོད། འདི་ནི་བོད་རིགས་མི་དམངས་ཀྱིས་ཀྲུང་ཧྭའི་རིག་གནས་དང་། འཛམ་གླིང་རིག་གནས་ལ་ཕུལ་བའི་ཕྱག་རྟགས་གྱ་ནོམ་པ་ཞིག་ཡིན་ལ།  ཀྲུང་ཧྭའི་རིག་གནས་ཀྱི་མཆོག་ནོར་ཞིག་ཀྱང་ཡིན། དེ་ཡང་༢༠༠༦ལོར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། དུས་ཁག་དང་པོའི་རྒྱལ་ཁབ་རིམ་པའི་མངོན་མིན་བཤུལ་བཞག་རིག་གནས་ཀྱི་མིང་ཐོའི་ནང་བཅུག་པ་དང་། ༢༠༠༩ལོར་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱིས་མིའི་རིགས་ཀྱི་མངོན་མིན་བཤུལ་བཞག་རིག་གནས་ཀྱི་ཚབ་མཚོན་བརྩམས་བྱའི་མིང་ཐོའི་ནང་བཅུག་པ་རེད།

གླིང་སྒྲུང་ནང་གཙོ་བོ་གེ་སར་རྒྱལ་པོ་ལྷ་ཡུལ་ནས་གླིང་དུ་བྱོན་ཏེ། བོད་མིའི་རྒྱལ་པོར་གྱུར་བ་དང་། འགྲོ་དྲུག་སྡུག་བསྔལ་ལས་སྐྱོབ་ཆེད། མི་ཚེ་གང་པོ་དམག་ལ་ཞུགས་ནས། ཕྱོགས་བཞིའི་གདོན་འདྲེ་མགོ་སྒུར་བ་དང་། ཉམས་ཆུང་ལ་རོགས་རམ་བྱས་ཏེ། ཕྱིར་ལྷ་ཡུལ་དུ་ཕྱིར་ལོག་པའི་དཔའ་བོའི་གཏམ་རྒྱུད་བརྗོད་ཡོད། དེས་བོད་རིགས་དང་བོད་རིགས་དང་འབྲེལ་བ་ཡོད་པའི་རིགས་རྒྱུད་ཀྱི་ལོ་རྒྱུས་དང་། སྤྱི་ཚོགས། གོམས་གཤིས། ཀུན་སྤྱོད། རིག་གནས་བཅས་ཀྱི་གནའ་བོའི་ཉམས་འགྱུར་ཁྱོན་ཡོངས་ནས་མཚོན་ཡོད་པས། དེ་ནི་མི་རིགས་མང་པོའི་རིག་གནས་ཀྱི་ཤེས་བྱ་ཀུན་བཏུས་ཤིག་རེད་ཅེས་བརྗོད་ཆོག 

འགུལ་རིས་གློག་བརྙན་

དཀའ་སྡུག་ཟིལ་གྱིས་མནན་པའི་གེ་སར་རྒྱལ་པོ་

ཞེས་པའི་ནང་། 

ཚབ་མཚོན་རང་བཞིན་ལྡན་པའི་

དུམ་ཚན་འགའ་བདམས་ཡོད་པ་དང་།

དེའི་ནང་རྟ་རྒྱུག་རྒྱན་འཇོག་དང་བདུད་འདུལ་སོགས་ཡོད།

འགུལ་རིས་གློག་བརྙན་དཀའ་སྡུག་ཟིལ་གྱིས་མནན་པའི་གེ་སར་རྒྱལ་པོ་ཞེས་པ་འདི་ཀྲུང་དབྱང་དྲ་འཕྲིན་གཞུང་དོན་ཁང་དྲ་བ་ཁྱབ་སྤེལ་ཅུས་ཀྱིས་མཛུབ་ཁྲིད་བྱས་པ་དང་།  ཀྲུང་གུང་བོད་རང་སྐྱོང་ལྗོངས་ཨུ་ཡོན་ལྷན་ཁང་དྲིལ་བསྒྲགས་པུའུ་དང་ཀྲུང་གུང་སི་ཁྲོན་ཞིང་ཨུད་དྲིལ་བསྒྲགས་པུས་མཉམ་འབྲེལ་ཐོག་པར་ལེན་བཟོ་སྐྲུན་བྱས་པ་ཞིག་ཡིན་དང་། བོད་རང་སྐྱོང་ལྗོངས་གློག་བརྙན་ཀུང་སི་སོགས་ཀྱི་མཉམ་འབྲེལ་ཐོག་བཏོན་པ་ཞིག་ཡིན།  ༢༠༢༢ལོར་གློག་བརྙན་ཁང་ཁག་ཏུ་བསྟན་རྒྱུ་རེད།