རྒྱུན་དུ་མིག་ཟུང་སྐམ་པའི་ཚོར་སྣང་བྱུང་བ་དེ་ཅི་ཞིག་ཡིན་ནམ།

     དེང་སྐབས་མི་རྣམས་ལག་ཁྱེར་ཁ་པར་གྱི་སྟེང་ནས་བརྙན་ཐུང་ལ་ལྟ་བ་དང་འཁྱུག་དབྱངས་དང་མགྱོགས་འཕྲིན་རྩེ་བ་སོགས་ཀྱི་རོལ་རྩེད་ལ་གཡེང་དྲགས་པས། མིག་ཟུང་སྐམ་པ་དང་མིག་ནང་དུ་ཅི་ཞིག་ཡོད་པའི་ཚོར་སྣང་འབྱུང་བ་སོགས་ཀྱི་སྣང་ཚུལ་མི་ཉུང་བ་འབྱུང་བཞིན་ཡོད།        

       དོན་དངོས་སུ། ནད་རྟགས་དེ་དག་ནི་མིག་སྐམ་ནད་དང་ཡང་ན་མིག་ལ་ངལ་དུབ་བྱུང་བའི་རྟགས་ཡིན་ལ། མིག་སྐམ་ནད་ཀྱི་འབྱུང་རྐྱེན་ནི་ཧ་ཅང་རྙོག་འཛིང་ཆེ་བ་ཞིག་ཡིན་ཏེ། མིག་ལ་ངལ་དུབ་བྱུང་བ་ལས་གཞན་ད་རུང་བུད་མེད་རྣམས་ལ་མཚོན་ན་སྐུལ་རྩི་ལ་འགྱུར་ལྡོག་བྱུང་བ་དང་ཡང་འབྲེལ་བ་དམ་པོ་ཡོད། སྤྱིར་བཏང་དུ་བུད་མེད་རྣམས་ནི་ལོ་བཞི་བཅུའི་ཡན་ལ་བུད་རྗེས་ལུས་སྟེང་གི་སྐུལ་རྩི་ཇེ་ཉུང་དུ་འགྲོ་བ་དང་། དེའི་ཁར་དགུན་ཁར་ཁང་པའི་ནང་གི་མཁའ་དབུགས་སྐམ་པ་སོགས་དུས་རྒྱུན་ཁོར་ཡུག་གི་ཤུགས་རྐྱེན་འོག མིག་སྐམ་ནད་འབྱུང་ཚད་ཧ་ཅང་མཐོ། རྒན་པ་རྣམས་ལ་མིག་ལྕིབས་གཤེར་རྨེན་གྱི་བྱེད་ནུས་ལ་གེགས་རྐྱེན་ཐེབས་པ་དང་། མིག་ངོས་སྣུམ་ཚིལ་ཟགས་ཐོན་དོ་མཉམ་མིན་པ་སོགས་ཀྱིས་ཀྱང་མིག་སྐམ་ནད་སློང་སྲིད།