བཏུང་ཁུ་མངར་མོས་ཚེ་ཐག་ཐུང་དུ་གཏོང་བ་ཞིབ་འཇུག་གིས་ར་སྤྲོད་བྱས།

རྩོམ་པ་པོ།     ཡིག་བསྒྱུར།       དུས་ཚོད།   2022-01-28   རྩོམ་ཁུངས།    གསོ་རིག་རྒྱུན་ཤེས་འཕྲིན་སྟེགས།

        ཉེ་ཆར། 《ཨ་རིའི་གསོ་རིག་སློབ་ཚོགས་ཀྱི་ནང་ཚན་རིག་པའི་དུས་དེབ》(JAMAInternalMedicine)ཏུ་འགོ་བརྗོད་ལ་《ཡོ་རོབ་རྒྱལ་ཁབ་བཅུའི་བཏུང་ཁུ་དང་འཆི་བའི་འབྲེལ་བ》ཞེས་པའི་དཔྱད་རྩོམ་ཞིག་སྤེལ་ཡོད་ཅིང་། དཔྱད་རྩོམ་དེའི་ནང་ཉིན་རེར་བཏུང་ཁུ་མངར་མོའི་རིགས་ཕོར་བ་གཉིས་ཏེ་ཧའོ་ཧྲེང་500ཙམ་འཐུང་ན། སྔ་སྣུར་དུ་འཆི་བའི་ཉེན་ཁ་ཆེ་རུ་འགྲོ་སྲིད་པའི་སྐོར་བཀོད་ཡོད།    

        ཞིབ་འཇུག་དེ་ལས་མངོན་པར། ཟ་མ་ཟ་སྐབས་བཏུང་ཁུ་མངར་མོ་འཐུང་མཁན་རྣམས་ལ་སྙིང་ཁམས་ཁྲག་རྩའི་ནད་ཕོག་པའི་ཉེན་ཁ་ཆེ་བ་དང་།  ནམ་རྒྱུན་བཏུང་ཁུ་མངར་མོ་འཐུང་མཁན་རྣམས་ལ་འཇུ་བྱེད་མ་ལག་གི་ནད་ཕོག་པའི་ཉེན་ཁ་ཆེ་བ་རེད། 
        བཏུང་ཁུ་མངར་མོ་ཡིས་ཁྲག་གི་མངར་ཆའི་འདུས་ཚད་ཆེ་རུ་འགྲོ་བ་དང་། ཁྲག་གི་མངར་ཆ་མང་དུ་ཕྱིན་པ་ཡིས་འབྲས་སྐྲན་སློང་བའི་ཉེན་ཁ་ཆེ་རུ་བསྐྱེད་སྲིད་པའི་སྐོར་བཀོད་ཡོད།