བདེ་ཆེན་གྱིས་འགྲིམ་འགྲུལ་རྣམ་གྲངས་ལ་སྐུལ་འདེད་མགྱོཊ་པོ་བཏང་།

        དམངས་སྤྱོད་མཁའ་འགྲུལ་ལས་རིགས་སྤུས་ཚད་མཐོ་བའི་འཕེལ་རྒྱས་ཀྱི་ཕྱོགས་སུ་བསྐྱོད་ཡོད། བདེ་ཆེན་སེམས་ཀྱི་ཉི་ཟླ་གནམ་ཐང་གི་དུས་ཐེངས་བཞི་པའི་བསྐྱར་སྐྲུན་རྒྱས་སྐྲུན་གྱི་ལས་མཇུག་འགྲིལ་བའི་ཞིབ་བཤེར་རྩིས་ལེན་དང་ལས་རིགས་ཀྱི་ཞིབ་བཤེར་རྩིས་ལེན་ལས་དོན་ཁྱོན་ཡོངས་ནས་ལེགས་སྒྲུབ་བྱས་ཏེ་རང་འགུལ་ངང་མཁའ་འགྲུལ་ཁ་གསབ་སྒོར་ཁྲི་1019ཁ་ཐོག་ལག་བཞག་བྱས་པ་རེད། མིག་སྔའི་བར་ཤར་ཕྱོགས་མཁའ་འགྲུལ་དང་ཞང་ཕེང་མཁའ་འགྲུལ་སོགས་ཀུང་སི་8ཀྱིས་སེམས་ཀྱི་ཉི་ཟླའི་མཁའ་ལམ་གཉེར་སྐྱོང་བྱས་ནས་པེ་ཅིང་དང་། ཧྲང་ཧའེ། ཀོང་ཀྲོའུ་སོགས་རྒྱལ་ནང་གི་གྲོང་ཁྱེར་གལ་ཆེན་11ལ་ཤར་གཏོང་ཐུབ་ཡོད། 2021ལོར་བདེ་ཆེན་ནས་ཁུན་མིང་། ཁུན་མིང་ནས་ཧྲེན་ཀྲེན་གྱི་ཟོག་འདྲེན་གནམ་གྲུ་ཡོངས་ཀྱི་མཁའ་ལམ་ཐོག་མར་ཤར་གཏོང་ཐུབ་པ་དང་དམངས་སྤྱོད་མཁའ་འགྲུལ་ལས་རིགས་ཀྱིས་དཔལ་འབྱོར་འཕེལ་རྒྱས་ལ་ཞབས་འདེགས་ཞུ་བའི་ནུས་པ་རྒྱུན་ཆད་མེད་པར་ཆེ་རུ་ཕྱིན་ཡོད།

        ཆུ་ཐོག་སྐྱེལ་འདྲེན་འཛུགས་སྐྲུན་ཐད་ཚད་བརྒལ་ཆེན་པོ་བྱུང་ཡོད། གཞུང་ལམ་+གྲུ་ཁ+གསར་བརྗེའི་ཡུལ་སྐོར་བཅས་ཀྱི་བསམ་ཕྱོགས་གཞིར་བཟུང་མ་དངུལ་སྒོར་ཁྲི་1000ལྷག་ཙམ་བཏང་ནས་དམངས་ཕན་གྲུ་ཁ་7འཛུགས་སྐྲུན་ལེགས་སྒྲུབ་བྱས་ཏེ་རང་ཁུལ་གྱི་གསར་བརྗེའི་ཡུལ་སྐོར་ཐོན་ཁུངས་སྔར་བས་ཕུན་སུམ་ཚོགས་སུ་དང་རྒྱ་ཆེར་བཏང་ནས་མཛེས་སྡུག་ལྡན་པའི་གྲོང་གསེབ་འཛུགས་སྐྲུན་ལ་རོགས་རམ་བྱས་ཡོད།