བདེ་ཆེན་གྱིས་སྐྱེ་ཁམས་ཁོར་ཡུག་སྲུང་སྐྱོང་ལ་སྐུལ་འདེད་བཏང་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ད་ལོ་ནས་བཟུང་།རང་ཁུལ་གྱིས་ཞི་ཅིན་ཕིང་གི་སྣོད་བཅུད་ཤེས་དཔལ་གྱི་དགོངས་པ་ལག་བསྟར་གཏིང་ཟབ་བྱས་ནས།རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི་འདུ་ཤེས་བརྟན་པོ་བཙུགས་ཏེ་སྣོད་བཅུད་དམར་ཐིག་ནན་སྲུང་དང་།རང་བྱུང་སྣོད་བཅུད་སྲུང་སྐྱོང་ལ་ཤུགས་སྣོན།སྣོད་བཅུད་ཤེས་དཔལ་དཔེ་སྟོན་ཁུལ་གཏོད་པའི་ལས་དོན་ལ་ནུས་ཤུགས་ཡོད་རྒུས་སྐུལ་འདེད་གཏོང་བ་སོགས་ཀྱི་བྱེད་ཐབས་ལ་བརྟེན་ནས་སྣོད་བཅུད་ཁོར་ཡུག་སྲུང་སྐྱོང་དང་འཛུགས་སྐྲུན་ཡག་པོ་བྱས་ཡོད།

    གཅིག་ནས་སྐྱེ་ཁམས་ཀྱི་དམར་ཐིག་ནན་སྲུང་དང་།རང་བྱུང་སྐྱེ་ཁམས་སྲུང་སྐྱོང་ལ་ཤུགས་སྣོན་རྒྱག་པ།སྐྱེ་ཁམས་སྲུང་སྐྱོང་གི་དམར་ཐིག་དོན་འཁྱོལ་ནན་པོ་དང་།“ཐིག་གསུམ་གཅིག་”གི་གྲུབ་འབྲས་ཁྱབ་བསྒྲགས་དང་བཀོལ་སྤྱོད་ལེགས་སྒྲུབ་བྱས་ཏེ།རྒྱལ་ཁབ་ཀྱི་མངའ་ཁོངས་བར་སྟོང་འཆར་འགོད་སྒྲིག་བཟོ་བྱེད་པར་སྐུལ་འདེད་དང་།རང་བྱུང་སྐྱེ་ཁམས་སྲུང་སྐྱོང་ལས་དོན་ལ་ཁྱོན་ཡོངས་ནས་ཤུགས་སྣོན་བརྒྱབ་ཡོད།སྲུང་སྐྱོང་ཁུལ་གྱི་མ་ལག་སྔར་བས་ལེགས་སུ་དང་བསྡུ་སྒྲིལ་བྱས་ཏེ་འདམ་རའི་རིགས་ཀྱི་རང་བྱུང་སྲུང་སྐྱོང་ཁུལ་དང་འདམ་རའི་སྤྱི་གླིང་གི་རྒྱུན་གཏན་གྱི་ལྟ་སྐུལ་དོ་དམ་ཡག་པོ་བྱས་ནས་ནགས་ཕག་མཚོ་རྒྱལ་སྤྱིའི་འདམ་ར་སོགས་རང་བྱུང་སྲུང་སྐྱོང་ཁུལ་གྱི་ས་མཚམས་གཏན་འཁེལ་གྱི་ལས་དོན་ལེགས་སྒྲུབ་བྱས་པ།གོམ་སྟབས་རྗེས་མར་དམིགས་སའི་རང་བཞིན་གྱི་འགོག་བཅོས་ལས་དོན་སྤེལ་རྒྱུ་མ་ཟད།སྣོད་བཅུད་ཁོར་ཡུག་ལྟ་ཞིབ་ཚད་ལེན་དྲ་བ་དང་།དཔྱད་དཔོག་མ་ལགགནོད་ཡོད་སྐྱེ་དངོས་ལྟ་སྐུལ་ཚོད་འཛིན་དྲ་བ་བཅས་འཛུགས་པ་དང་འཐུས་ཚང་དུ་གཏོང་རྒྱུ། སྐྱེ་དངོས་སྣ་མང་རང་བཞིན་སྲུང་སྐྱོང་དང་ལྟ་ཞིབ་ཚད་ལེན་ལ་ཞིབ་འཇུག་བྱ་རྒྱུར་ཤུགས་སྣོན་རྒྱག་རྒྱུ།སྐྱེ་དངོས་སྣ་མང་རང་བཞིན་སྲུང་སྐྱོང་གི་ཉེན་ཁའི་དཔྱད་དཔོག་དང་ཉེན་ཟོན་ཉེན་བརྡའི་མ་ལག་འཛུགས་རྒྱུར་སྐུལ་འདེད་གཏོང་རྒྱུ་བཅས་རེད།སྐྱེ་ཁམས་ཁོར་ཡུག་ལྟ་ཞིབ་ཚད་ལེན་དང་ལྟ་སྡོམ་ཁྲིམས་བསྟར་ཐད་ཀར་དོ་དམ་བསྒྱུར་བཅོས།སྐྱེ་ཁམས་གནོད་འཚེའི་སྐྱིན་ཚབ་འཇལ་ལམ་བསྒྱུར་བཅོས།བཙོག་འབུད་ཆོག་འཐུས་ལམ་ལུགས་སྒྱུར་བཅོས་སོགས་མཚོན་བྱེད་དུ་བྱས་པའི་སྐྱེ་ཁམས་དཔལ་ཡོན་སྒྲིག་སྲོལ་བསྒྱུར་བཅོས་ལས་དོན་གོ་རིམ་ལྡན་པའི་ངང་སྤེལ་བཞིན་ཡོད་ཅིང་།བསྒྱུར་བཅོས་བྱེད་ཐབས་ཁག་གི་སྤྱི་ཡོངས་ཀྱི་ཕན་འབྲས་རིམ་བཞིན་ཐོན་བཞིན་ཡོད།སྐྱེ་ཁམས་དཔལ་ཡོན་སྒྲིག་སྲོལ་བསྒྱུར་བཅོས་ཀྱི་ཆེད་དོན་ལྟ་ཞིབ་སྤེལ་ཡོད།

    གཉིས་ནི་སྐྱེ་ཁམས་དཔལ་ཡོན་དཔེ་སྟོན་ཁུལ་གསར་འཛུགས་བྱེད་པར་སྐུལ་འདེད་བཏང་བ།ད་ལོ་ནས་བཟུང་།རང་ཁུལ་གྱིས་ཁུལ་ཡོངས་ཀྱི་སྣོད་བཅུད་ཁོར་ཡུག་སྲུང་སྐྱོང་ཨུ་ལྷན་གྱི་ཚོགས་འདུ་ཐེངས་དང་པོ་སྒྲིག་འཛུགས་བྱས་ནས《བདེ་ཆེན་ཁུལ་གྱི་སྣོད་བཅུད་ཤེས་དཔལ་འཛུགས་སྐྱོང་དཔེ་སྟོན་གཏོད་པའི་ལས་དོན་ཇུས་གཞི》ལ་གྲོས་ཞིབ་བྱས་ནས་གྲོས་འཆམ་བྱུང་སྟེ།བདེ་ཆེན་ཁུལ་གྱི་ཞིང་ཆེན་རིམ་པ་དང་རྒྱལ་ཁབ་ཀྱི་སྣོད་བཅུད་ཤེས་དཔལ་འཛུགས་སྐྱོང་དཔེ་སྟོན་ཁུལ་གཏོད་པའི་ལས་དོན་དངོས་སུ་སྤེལ་འགོ་ཚུགས་པ་རེད།རྣམ་གྲངས་ཀྱི་སྔོན་རྩིས་ཇུས་གཞི་སྒྲིག་བཟོ་བྱས་ནས་ཁུལ་རིམ་པའི་ནོར་སྲིད་གསར་འཛུགས་ལས་ཀའི་སྔོན་རྩིས་འགན་སྲུང་སྒོར་ཁྲི་300བརྩོན་ལེན་བྱས་པ་རེད།འགྲན་རྩོད་རང་བཞིན་གྱི་གྲོས་མོལ་བྱས་པ་བརྒྱུད་ཕྱོགས་གསུམ་པའི་ལག་རྩལ་རྒྱབ་སྐྱོར་ཚན་པས་རང་ཁུལ་ལ་སྣོད་བཅུད་ཤེས་དཔལ་འཛུགས་སྐྱོང་དཔེ་སྟོན་ཁུལ་གཏོད་པའི་ལས་དོན་ཁག་སྤེལ་རྒྱུར་གཞོགས་འདེགས་བྱ་རྒྱུའི་གཏན་འཁེལ་བྱས་པ་རེད།ལག་རྩལ་ཚན་པས་ལག་རྩལ་ཚོགས་ཆུང་མངགས་གཏོང་བྱས་ནས་རིམ་རྩིས་བྱས་ན་དཔྱད་ཡིག་ཁག་ཐེངས་3འཚོལ་བསྡུ་བྱས་པ་དང་།《བདེ་ཆེན་བོད་རིགས་རང་སྐྱོང་ཁུལ་གྱི་རྒྱལ་ཁབ་སྣོད་བཅུད་ཤེས་དཔལ་འཛུགས་སྐྱོང་དཔེ་སྟོན་ཁུལ་གྱི་འཆར་འགོད（2021ལོ་ནས་2030ལོ་བར）》བཟོས་པ།སེམས་ཀྱི་ཉི་ཟླ་གྲོང་ཁྱེར་གྱིས《སེམས་ཀྱི་ཉི་ཟླ་གྲོང་ཁྱེར་གྱི་རྒྱལ་ཁབ་སྣོད་བཅུད་ཤེས་དཔལ་འཛུགས་སྐྱོང་གི་དཔེ་སྟོན་གྲོང་ཁྱེར་གྱི་འཆར་འགོད（2021ལོ་ནས་2030ལོའི་བར）》བཟོས་པ་དང་འབྲེལ་ཞིབ་བཤེར་བྱས་པ་བརྒྱུད་འཇོལ་རྫོང་དང་མཉམ་དུ“ཞིང་ཆེན་རིམ་པའི་སྣོད་བཅུད་ཤེས་དཔལ་འཛུགས་སྐྱོང་གི་དཔེ་སྟོན་རྫོང（གྲོང་ཁྱེར）”གྱི་རེ་ཞུའི་ཡིག་ཆ་ཕུལ་བ་རེད།