ཏང་ནང་ཞུགས་རྒྱུའི་རེ་འདུན་ཞུ་ཡིག

གུས་པར་འོས་པའི་གྲོང་ཚོའི་ཏང་ཀྲེའུ་པུའུ་མཆོག་ལ།

        གུས་པའི་མིང་ལ་     ཟེར་བ་དང་།   ད་ལོ་རང་ལོ་   སླེབས་ཡོད།   གུས་པ་ནི་    གྲོང་ཚོའི་གྲོང་མི་ཞིག་ཡིན། ང་རང་ཀྲུང་གོ་གུང་ཁྲན་ཏང་ནང་ཞུགས་རྒྱུའི་འདུན་པ་ལྷག་པར་ཆེ་ལ།   ཀྲུང་གོ་གུང་ཁྲན་ཏང་གི་ཆེད་དུ་མི་ཚེ་ཧྲིལ་པོ་ལེགས་སྐྱེས་སུ་་འབུལ་འདོད་ཀྱང་ཆེ།     ང་ཚོའི་ཏང་ནི་བཟོ་པའི་གྲལ་རིམ་གྱི་སྔོན་བསྐྱོད་པ་དང་།   ཀྲུང་གོའི་མི་རིགས་དང་མི་དམངས་ཀྱི་ཁེ་ཕན་གི་འཐུས་ཚབས་པ་ཞིག་དང་།    ཀྲུང་གོའི་སྤྱི་ཚོགས་རིང་ལུགས་ཀྱི་དབུ་ཁྲིད་སྲོག་ཤིང་ཞིག་རེད།    ལོ་རྒྱུས་ཀྱི་དུས་འབབ་གསར་པའི་གནས་ཚུལ་འོག    གུང་ཁྲན་ཏང་ཡོན་གྱིས་དུས་རབས་ཀྱི་རེ་བ་དང་མཐུན་པ་དང་།    རྒྱང་རིང་གི་ཕུགས་བསམ་གཏོད་ཕིར་ཏང་དང་རྒྱལ་ཁབ་ཀྱི་ཉེ་བའི་བའི་དུས་ཀྱི་སྲིད་ཇུས་ཁག་ལག་བསྟར་དོན་འཁྱོལ་ཐད་མིག་དཔེའི་ནུས་པ་འདོན་སྤེལ་དང་།   བློ་སྟོབས་ཆེན་པོས་གསར་གཏོད་དང་།   ཧུར་བརྩོན་ཆེན་པོས་ཡར་བསྐྱེད།    དཀའ་ངལ་ལ་མི་སྐྲག་པ།    ལྷག་བསམ་རྣམ་དག་གིས་རྒྱ་ཆེའི་མི་དམངས་ཀྱི་ཁེ་ཕན་ཆེད་དུ་དཀའ་བ་སྔོན་ལ་སྤྱོད་པ་དང་སྐྱིད་པོ་རྗེས་ལ་གཏོང་བ།    སྒེར་སེམས་རིང་དུ་དོར་ནས་ལེགས་སྐྱེས་མང་ཙམ་འབུལ་བ་དང་།          ཧུར་བརྩོན་ཆེན་པོས་མར་ཁེ་སེ་ལེ་ཉིན་རིང་ལུགས་ཀྱི་རིག་པའི་གཞུང་ལུགས་ལ་སློབ་སྦྱོང་དང་།    དཀར་ནག་ཤན་འབྱེད་ཀྱི་འཇོན་ནུས་མཐོར་གཏེགས།     ཛ་དྲག་ཆེ་བའི་དུས་སུ་ཞུམ་པ་མེད་པར་སྔོན་དུ་བསྐྱོད་པ་དང་།    མི་དམངས་དང་རྒྱལ་ཁབ་ལ་ཉེན་ཁ་ཆེ་བའི་ དུས་སུ་བློ་ཐག་ཆོད་པོས་འཐབ་རྩོད་བྱེད་པར་འབད་རྒྱུ་ཡིན།    

        ང་རང་ཏང་ནང་ཞུགས་རྒྱུའི་འདུན་པ་སྔར་ནས་ཡོད་ལ།    སེམས་ནང་ཏང་ནང་ཞུགས་ན་གཟི་བརྗིད་ལྡན་པ་ཞིག་ཡིན་པ་སྔར་ནས་ཤེས།     རྒྱུ་མཚན་ནི་རང་ཉིད་ནས་ཆུང་དུས་སུ་རང་རེའི་ཏང་གི་སྔོན་གཤེགས་དཔའ་བོའི་གློག་བརྙན་དང་།   ཁོང་ཚོའི་མཛད་རྗེས་ལ་སློབ་སྦྱོང་བྱེད་མྱོང་བས་སེམས་ནང་བརྗེད་ཐབས་མེད་པའི་བག་ཆགས་བརྟན་པོ་ཞིག་བཞག་ཡོད།    ལོ་ན་རིམ་བཞིན་མཐོ་རུ་འགྲོ་བ་དང་བསྟུན་ནས་རང་ཉིད་ཀྱི་ བསམ་བློའི་འདུ་ཤེས་ཀྱང་གཏིང་ཇེ་ཟབ་ཏུ་གྱུར་པས།    ཏང་ནང་ཞུགས་རྒྱུའི་འདུན་པའང་སྐོམ་པར་ཆུ་འདོད་དང་ལྟོགས་པར་ཟ་འདོད་ལྟ་བུར་གྱུར།    དེར་བརྟེན་རང་ཉིད་ནས་དུས་རྒྱུན་དུ་རེ་བ་ནན་པོ་འདོན་པ་དང་།     རྒྱུན་དུ་སློབ་སྦྱོང་ལ་ཤུགས་སྣོན་རྒྱབ་ནས།   མར་ལེའི་རིང་ལུགས་དང་།    མའོ་ཙེ་ཏུང་གི་དགོངས་པ།   ཏེང་ཞོའི་ཕིན་གི་རིག་པའི་གཞུང་ལུགས།   བློ་མཐུན་ཞིས་ཅིན་ཕིན་གི་གལ་ཆེའི་བཀའ་སློབ་སོགས་ཏང་གཤིས་ཀྱི་བསམ་བོར་དྲག་ཆས་སྤྲས་ཏེ།   རང་འགུལ་གྱིས་ཏང་གི་རྩ་འཛུགས་་དང་ཉེ་བར་བཅར་ནས།    ང་རང་ཞིང་པའི་

གཞོན་ནུ་ཞིག་གི་ངོས་ནས།   ཧུར་བརྩོན་ཆེན་པོས་རང་ནུས་ཡོད་རྒུས་གྲོང་གསེབ་གསར་པ་འཛུགས་སྐྲུན་དང་།  ཐོན་ལས་གསུམ་པ་འཕེལ་རྒྱས་རྒྱ་ཆེར་བཏང་ནས།    མེས་རྒྱལ་སྟོབས་འབྱོར་མངའ་ཐང་རྒྱས་ཕྱིར་རང་ནུས་ཡོད་རྒུ་ལེགས་སྐྱེས་འབུལ་རྒྱུ་ཡིན།

        གལ་ཏེ་རང་ཉིད་གུང་ཁྲན་ཏང་མི་ཞིག་ཆགས་ན།    དེ་ནི་ངའི་གཟི་བརིད་ཆེ་ཤོས་དེ་ཡིན་པས།   ངས་སེམས་དབུས་སུ་ཏང་གི་སྒྲིག་ཡིག་དང་འོས་འགན་ཁག་རྡོ་ལ་རི་མོ་བརྐོས་པ་ལྟར་བརྟན་པོར་ངེས་པ་དང་།    ཏང་གི་སྒྲིག་སྲོལ་ཁག་ལ་བརྩི་སྲུང་ནན་པོ་དང་།   ཏང་གི་གསང་དོན་ཕྱིར་མི་གྱར་བ།     ཏང་གི་འོས་འགན་ཁག་ལག་ བསྟར་དོན་འཁྱོལ་དང་།    ཏང་ཡོན་གྱི་སྔོན་ཐོན་རང་བཞིན་གི་ནུས་པ་གང་ལེགས་ཐོན་པ་བྱས་ནས།   ཕུལ་བྱུང་གི་ཏང་ཡོན་ཞིག་ཆགས་རྒྱུར་བརྩོན་ལེན་བྱ་རྒྱུ་ཡིན།

        གལ་ཏེ། ད་དུང་རང་ཉིད་ལ་ཏང་ནང་ཞུགས་རྒྱུའི་ཆ་རྐྱེན་གནས་སྐབས་ཚང་མེད་ན།    སེམས་ཤུགས་མ་ཉམས་པར་སྔར་ལས་ལྷག་པའི་འབད་བརྩོན་བྱས་ནས།   ནོར་འཁྲུལ་ཡོ་བསྲང་དང་ཕྱོགས་གང་ཅིའི་ཐད་ཀྱི་ཤེས་བྱར་འབད་བརྩོན་བྱས་ནས་ཚད་ལྡན་གྱི་ཏང་ཡོན་ཞིག་ཆགས་པ་བྱ་རྒྱུ་ཡིན། 

        གོང་ཞུས་ཀྱི་ཏང་ནང་ཞུགས་རྒྱུའི་རེ་འདུན་འདི་དངོས་དོན་ཡིན་པས།   རྩ་འཛུགས་ནས་དགོངས་བསམ་གང་ལེགས་བཞེས་ནས་ཏང་ནང་ཞུགས་རྒྱུའི་མོས་མཐུན་ཡོད་པ་མཁྱེན་མཁྱེན།

        རེ་འདུན་ཞུ་མཁན།  

        སྤྱི་ལོ་      ཟླ་ཚེས་       ལ།