རྩོམ་པ་པོ།     ཡིག་བསྒྱུར།       དུས་ཚོད།   2021-08-10   རྩོམ་ཁུངས།    མཚོ་སྔོན་བོད་ཡིག་ཚགས་པར།
གཅིག གླེང་མོལ་བྱེད་པ།
སེམས་ཀྱི་སྒོ་མོ་ཆེ་རུ་ཕྱེ་སྟེ་གྲོགས་པོ་དང་གཉེན་ཉེ་སོགས་ལ་གླེང་མོལ་བྱེད་པ་དང་།ཅིག་ཤོས་ཀྱི་ཨ་ལན་དང་སྐུལ་ལྕག་ཐོབ་པ་ལ་བརྟེན་ནས་གནོན་ཤུགས་ཕྱིར་ཕུད་དགོས།
གཉིས། སེམས་པ་ལྷོད་ལ་འབབ་པ།
མིག་བཙུམ་སྟེ་དབུགས་གཏིང་ལེན་བྱེད་པ་དང་།ལྷོད་གཡེང་གི་ཡུལ་ཁམས་ཤིག་སེམས་སུ་བསྒོམས་ནས་སྟོང་འདང་བརྒྱབ་པས་ཆོག
གསུམ། གཞན་ལ་ལད་མོ་བྱེད་པ།
མི་གཞན་གྱིས་འགྲན་རྩོད་ལ་ཇི་ལྟར་ཁ་གཏོད་པར་ལད་མོ་བྱས་ཏེ།གཞན་གྱི་ནུས་པ་ལྡན་པའི་རྩལ་ནུས་ལ་སློབ་སྦྱོང་བྱེད་དགོས།
བཞི། ལུས་སྦྱོང་བྱེད་པ།
རྒྱུན་དུ་ལུས་རྩལ་སྦྱོང་བརྡར་ནང་ཞུགས་པ་སྟེ།དཔེར་ན་བང་རྒྱུག་དང་ཐག་རྩེད་རྩེ་བ།ལྒང་ལི་རྒྱག་པ།ལྕགས་རྟར་ཞོན་པ།ཐའེ་ཅི་ཆོན་རྩེ་བ་སོགས་བྱས་ན།སྙིང་རུས་ཆེར་བསྐྱེད་དང་ཡིད་ཆེས་ཇེ་བརྟན་དུ་སོང་ནས།སྐབས་བསྟུན་འགྱུར་འབྱུང་དང་བསམ་ཚུལ་ངན་པ་ཇེ་ཡང་དུ་གཏོང་ཐུབ།
ལྔ། གླུ་དབྱངས་ལ་ཉན་པ།
གླུ་དབྱངས་ཀྱིས་མིའི་བག་ཤེས་ལ་ཐད་ཀར་ཤུགས་རྐྱེན་ཐེབས་སྲིད།སེམས་ཁམས་ལྷོད་ལ་འབབ་མི་ཐུབ་པའི་སྐབས་སུ་འཇམ་སྙན་གླུ་དབྱངས་ལ་ཉན་པ་དང་།སེམས་ཁམས་མི་སྐྱིད་པའི་སྐབས་སུ་སྤྲོ་དགའ་ཅན་གྱི་གླུ་དབྱངས་ལ་ཉན་དགོས།
དྲུག གློག་བརྙན་ལྟ་བ།
གློག་བརྙན་ལ་བལྟས་ན་མིའི་སེམས་ཁམས་སྤོ་བསྒྱུར་བྱེད་ཐུབ།གློག་བརྙན་ལ་བལྟས་ན་སེམས་ཀྱི་མི་འདོད་པའི་སྡུག་བསྔལ་ཡོངས་རྫོགས་རྒྱང་དུ་ཕུད་ཐུབ་ལ།ལྷག་པར་དུ་སྤྲོ་དགའི་གློག་བརྙན་དང་ཚན་རྟོག་གློག་བརྙན་ལ་བལྟས་ན་གནོན་ཤུགས་ཇེ་ཡང་དུ་གཏོང་བའི་ནུས་པ་དེ་བས་བཟང་།
གླུ་དབྱངས་ལེན་པ་དང་ཞབས་བྲོ་འཁྲབ་པ་སོགས་ཀྱི་རོལ་རྩེད་ལ་གཡེང་ན་སེམས་སྟེང་གི་གནོན་ཤུགས་ནུས་ལྡན་སྒོས་ཇེ་ཡང་དུ་གཏོང་ཐུབ།
བརྒྱད། ཡུལ་སྐོར་དུ་འགྲོ་བ།
མཛེས་པའི་ཡུལ་ལྗོངས་དང་ཡུལ་སྲོལ་གོམས་གཤིས་སྣ་ཚོགས་ཀྱིས་མིའི་སེམས་ཀྱི་སྡུག་བསྔལ་ཡོངས་རྫོགས་རྒྱང་དུ་ཕུད་དེ།ལུས་སེམས་གཉིས་ཀ་ལྷོད་ལ་འབབ་ཐུབ་པས།གནོན་ཤུགས་རང་བཞིན་གྱིས་ཡལ་འགྲོའོ། །