ཞོགས་པའི་ཉི་གཞོན་ཁྲོད་ཀྱི་དགའ་ལྡན་སུན་རྩེན་གླིང་།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཞོགས་པའི་ཉི་གཞོན་གྱི་ཁྲོད་ན་དགའ་ལྡན་སུན་རྩེན་གླིང་དགོན་ནི་གསེར་འོད་ལམ་ལམ་དུ་འཕྲོ་ལ། འོ་མ་མཚོ་རུ་ཡང་སྨུག་པ་ལང་ལོང་དལ་གྱིས་མཁའ་ལ་མཆེད་ཀྱིན་ཡོད་དེ། མཛེས་ལྗོངས་ལྟ་ན་སྡུག་པ་ཞིན་ཏུ་ཆགས་ཡོད།མཚོ་ནང་དུ་མཚོ་བྱ་ཁྱུ་བྱས་ནས་དལ་གྱིས་རྒྱུ་བཞིན་ཡོད་དེ་སྣང་བ་འདིས་འོ་མ་མཚོར་སྐྱེ་སྟོབས་ཀྱི་དཔལ་ཞིག་བསྩལ་ཡོད།

       ལོ་འདི་དག་གི་རིང་འོ་མ་མཚོ་མཚོ་སྐོར་གྱི་དོས་སྒམ་བསྐྱར་དུ་བསྐྲུན་ཟིན་པས་མཐོང་སྣེ་འདྲ་བའི་ཐོག་ནས་སུམ་རྩེན་གླིང་དགོན་པའི་མཛེས་སྡུག་ལ་མྱོང་རོལ་བྱེད་ཆོག         སྨུག་པ་རི་ལ་ཡལ།དར་དཀར་གཡོ་འདྲའི་སྤྲིན་པ་ཐར་ཐོར་དེ་དག་ཀྱང་དལ་གྱི་ཕྱོགས་ཕྱོགས་སུ་རྒྱུ་བས་གནམ་མཁའ་སྔོ་བསང་ངེར་སོང་།གཡུ་ཡི་མེ་ལོང་ཕྱིས་འདྲའི་འོ་མ་མཚོའི་ངོས་སུ་མདུན་ཕྱོགས་ན་བརྫིད་གྱིས་འགྱིང་བའི་དགའ་ལྡན་སུན་རྩེན་གླིང་གཟུགས་སུ་འཆར་ཡོད་དེ།གྲང་ངར་ཆེ་བའི་དགུན་མགོའི་དུས་འདིར་མཚར་སྣང་དང་མཛེས་སྡུག་གསར་བ་ཞིག་མནན་འདུག