བདེ་ཆེན་གྱིས་ཡུལ་སྐོར་འཕེལ་རྒྱས་ལ་ཇི་ལྟར་སྐུལ་འདེད་གཏོང་ཡོད།

    ཉེ་བའི་ལོ་ཤས་རིང་བདེ་ཆེན་གྱིས་ཡུལ་སྐོར་འཕེལ་རྒྱས་ལ་སྐུལ་འདེད་བཏང་ནས།རིག་གནས་ཡུལ་སྐོར་སྣོད་བཅུད་དཔལ་ཡོན་གྱི་དུས་རབས་གསར་པ་ཞིག་བཏོད་ཡོད།

      གཅིག དུད་ཚང་དུ་དྲོ་སྐྱིད་སྦྱིན་པའི་ལས་གཞི་ལག་བསྟར་གཏིང་ཟབ་བྱས་པ། སེམས་ཀྱི་ཉི་ཟླ་གྲོང་ཁྱེར་གྱི་གྲོང་ཁུལ་གྱི་དྲོད་རླངས་མཁོ་འདོན་རྣམ་གྲངས་ལེགས་འགྲུབ་བྱུང་བར་བརྩོན་ལེན་བྱེད་རྒྱུ་དང་། འཇོལ་རྫོང་མཁར་གྱི་དྲོད་རླངས་མཁོ་འདོན་རྣམ་གྲངས་སྐྲུན་འགོ་འཛུགས་རྒྱུ། འབའ་ལུང་རྫོང་མཁར་དང་ས་བབ་མཐོ་བའི་ཤང་གྲོང་གི་དྲོད་རླངས་མཁོ་འདོན་རྣམ་གྲངས་ཀྱི་དུས་འགོའི་ལས་དོན་ཏན་ཏིག་བསྒྲུབས་པ།

      བདེ་ཆེན་གྱི་མི་རིགས་ཁག་གི་མང་ཚོགས་ཀྱི་སྲོལ་རྒྱུན་སྡོད་ཁང་གི་རྒྱུ་ཆ་མང་ཆེ་བ་ཤིང་ཆ་གཙོ་བོར་བྱས་པ་རེད།བདེ་ཆེན་ཁུལ་གྱིས་ནགས་ཚལ་ཐོན་ཁུངས་ཀྱི་ཟད་གྲོན་ཚད་ཚོད་འཛིན་ནན་པོ་བྱས་ཏེ་འཛུགས་སྐྲུན་རྒྱུ་ཆ་གསར་པས་སྲོལ་རྒྱུན་གྱི་ཤིང་ཆའི་ཚབ་བྱས་ནས་ཁང་པ་སྐྲུན་རྒྱུ་ཁྱོན་ཡོངས་ནས་ཁྱབ་གདལ་བཏང་བ་དང་། མང་ཚོགས་རང་གིས་ཁང་པ་སྐྲུན་པར་ངར་ལྕགས་རྒྱུ་ཆ་དང་། རྡོ་རྒྱུ། ཤིང་ཚིལ་རྫ་གཡམ་སོགས་ཁོར་ཡུག་སྲུང་སྐྱོང་རྒྱུ་ཆ་གསར་པ་སྤྱད་ནས་སྡོད་ཁང་སྐྲུན་རྒྱུར་སྐུལ་ལྕག་དང་དར་སྤེལ་བཏང་བ་རེད།

        གཉིས། ནུས་ཤུགས་ཡོད་རྒུས་ཤིང་འཛུགས་ནགས་བཟོའི་འདུ་འགོད་ལག་བསྟར་བྱས་པ། ལོ་འདིའི་ནང་འོས་འགན་ཤིང་འཛུགས་སྡོང་རྐང་ཁྲི་250བྱས་པ་དང་གྲོང་ཁྱེར་གྱི་སྔོ་ལྗང་རྒྱ་ཁྱོན་སྤྱི་ཆིང་500གསར་སྣོན་ཐུབ་པའི་འགན་ལེན་བྱས་པ་དང་། ནགས་བཟོ་མུའུ་ཁྲི་5ལེགས་འགྲུབ་བྱུང་བ་རེད།

      གསུམ།ནུས་ཤུགས་ཡོད་རྒུས་སྐྱེ་ཁམས་མ་ལག་སྲུང་སྐྱོང་དང་ཉམས་གསོའི་ལས་གྲྭ་ལག་བསྟར་བྱས་པ། ནགས་ཕག་མཚོ་རྒྱལ་སྤྱིའི་འདམ་ར་གལ་ཆེན་སྲུང་སྐྱོང་དང་རྒྱུན་མཐུད་འཕེལ་རྒྱས་ཀྱི་སྣོད་བཅུད་སླར་གསོའི་ལས་གྲྭ་འཛུགས་སྐྲུན་ལག་བསྟར་བྱ་རྒྱུར་བརྩོན་ལེན་བྱེད་པ་དང་ནགས་ཕག་མཚོའི་ཆུ་འབུད་གནད་དོན་ལ་སྐུལ་འདེད་གཏོང་བ།  གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྐྱོང་བྱས་པ། གད་སྙིགས་དང་། གསང་སྤྱོད། བཙོག་ཆུ་བཅས་ཕྱོགས་བསྡུས་བཅོས་སྐྱོང་བྱས་པ་དང་། གྲོང་ཚོ་སྔོ་ལྗང་ཅན་དུ་འགྱུར་བར་སྐུལ་འདེད་བཏང་བ།                    （པདྨ་མཚོས་བསྒྱུར།）