ཚེས15ཉིན་གྱི་རྒྱལ་ཡོངས་རིམས་ནད་གནས་ཚུལ།

    ཟླ2པའི་ཚེས15ཉིན་རྒྱལ་ཡོངས་སུ་བསྡོམས་རྩིས་བྱས་ན་ཏོག་གསར་གློ་ཚད་ནད་རྟགས་ཐག་བཅད་པའི་ནད་པ68500ཡོད་པ་དང་ཚེ་འདས་ནད་པ1665ཡོད།

    ཟླ2པའི་ཚེས15ཉིན་གྱི་ཆུ་ཚོད0ནས24ཡི་རིང་། ཞིང་ཆེན31(རང་སྐྱོང་ལྗོངས་དང་ཐད་གཏོགས་གྲོང་ཁྱེར)དང་ཤིན་ཅང་ཐོན་སྐྱེད་འཛུགས་སྐྲུན་དམག་དཔུང་གི་སྙན་ཞུ་ལྟར་ན། ཏོག་གསར་གློ་ཚད་ནད་རྟགས་ཐག་བཅད་པའི་ནད་པ2009ཡིས་མང་དུ་ཕྱིན་པ་དང་།  ནད་པ་ལྕི་མོ219ཡིས་མང་དུ་ཕྱིན་ཡོད་ལ། ཚེ་འདས་ནད་པ142(ཧུའུ་པུའེ་རུ139དང་སི་ཁྲོན་དུ2ཡོད་ལ། ཧུའུ་ནན་དུ1ཡོད།) ཀྱིས་མང་དུ་ཕྱིན་ཡོད། དོགས་ཡོད་ནད་རྟགས་ཡོད་པའི་ནད་པ1918ཀྱིས་མང་དུ་ཕྱིན་ཡོད། ཉིན་དེར་ནད་དྲག་ནས་སྨན་ཁང་ནས་ཕྱིར་བུད་པའི་ནད་པ1323གྱིས་མང་དུ་ཕྱིན་ཡོད་པ་དང་། འབྲེལ་འདྲིས་ཡོད་མཁན་མི29788ལ་སྨན་བཅོས་ལྟ་ཞིབ་བྱེད་མཚམས་བཞག

   ཟླ2པའི་ཚེས15ཉིན་གྱི་ཆུ་ཚོད24ཡི་བར་དུ། ཞིང་ཆེན31(རང་སྐྱོང་ལྗོངས་དང་ཐད་གཏོགས་གྲོང་ཁྱེར)དང་ཤིན་ཅང་ཐོན་སྐྱེད་འཛུགས་སྐྲུན་དམག་དཔུང་གི་སྙན་ཞུ་ལྟར་ན། ད་ལྟ་ནད་རྟགས་ཐག་བཅད་པའི་ནད་པ57416(དེའི་ནང་ནད་པ་ལྕི་མོ11272)ཡོད་པ་དང་། བསྡོམས་རྩིས་བྱས་པ་ལྟར་ན་ནད་དྲག་ནས་སྨན་ཁང་ནས་ཕྱིར་བུད་པའི་ནད་པ9419ཡོད་ལ། ཚེ་ལས་འདས་པའི་ནད་པ1665ཡོད། བསྡོམས་པས་ནད་རྟགས་ཐག་བཅད་པའི་ནད་པ68500ཡོད། (ཅང་ཤིས་ཞིང་ཆེན་དུ་ནད་པ1གིས་མྱུང་དུ་ཕྱིན།) ད་ལྟ་དོགས་ཡོད་ནད་རྟགས་ཡོད་པའི་ནད་པ8228བཅས་ཡོད་པ་དང་། བསྡོམས་པས་འབྲེལ་འདྲིས་ཡོོད་པའི་མི529418གྱི་རྗེས་འདེད་ཐུབ་ཡོད་པ་མ་ཟད། ད་དུང་འབྲེལ་འདྲིས་ཡོད་པའི་མི158764ལ་སྨན་བཅོས་ལྟ་ཞིབ་བྱེད་བཞིན་ཡོད། 　

   ཧུའུ་པུའེ་རུ་ནད་རྟགས་ཐག་བཅད་པའི་ནད་པ1843(ཝུའུ་ཧན་དུ1548)གྱིས་མང་དུ་ཕྱིན་པ་དང་། ནད་དྲག་ནས་སྨན་ཁང་ནས་ཕྱིར་བུད་པའི་ནད་པ849(ཝུའུ་ཧན་དུ413)ཡིས་མང་དུ་ཕྱིན་ཡོད་ལ། ཚེ་འདས་ནད་པ139(ཝུའུ་ཧན་དུ110)ཡིས་མང་དུ་ཕྱིན་ཡོད། ད་ལྟ་ནད་རྟགས་ཐག་བཅད་པའི་ནད་པ49030(ཝུའུ་ཧན་དུ35314)གིས་མང་དུ་ཕྱིན་ཡོད། དེའི་ནང་ནད་པ་ལྕི་མོ10396(ཝུའུ་ཧན་དུ8530)གིས་མང་དུ་ཕྱིན་ཡོད། བསྡོམས་རྩིས་བྱས་པ་ལྟར་ན་ནད་དྲག་ནས་སྨན་ཁང་ནས་ཕྱིར་བུད་པའི་ནད་པ5623(ཝུའུ་ཧན་དུ2915)ཡོད་པ་དང་། ཚེ་ལས་འདས་པའི་ནད་པ1596(ཝུའུ་ཧན་དུ1233)ཡོད། བསྡོམས་པས་ནད་རྟགས་ཐག་བཅད་པའི་ནད་པ56249(ཝུའུ་ཧན་དུ39462)ཡོད། དོགས་ཡོད་ནད་རྟགས་ཡོད་པའི་ནད་པ1036(ཝུའུ་ཧན་དུ391)གིས་མང་དུ་ཕྱིན་ཡོད། ད་ལྟ་དོགས་ཡོད་ནད་རྟགས་ཡོད་པའི་ནད་པ5243(ཝུའུ་ཧན་དུ2168)བཅས་ཡོད། 

   བསྡོམས་རྩིས་བྱས་པ་ལྟར་ན་ཤང་ཀང་དང་། ཨའོ་མོན། ཐའེ་ཝན་བཅས་ས་ཁུལ་གྱི་བརྡ་ཁྱབ་ནང་ནད་རྟགས་ཐག་བཅད་པའི་ནད་པ84ཡོད་སྟེ། ཤང་ཀང་དམིགས་བསལ་སྲིད་འཛིན་ཁུལ་དུ་ནད་པ56(ནད་དྲག་ནས་སྨན་ཁང་ནས་ཕྱིར་བུད་པའི་ནད་པ1ཡོད་པ་དང་། ཚེ་འདས་ནད་པ1)ཡོད། ཨའོ་མོན་དམིགས་བསལ་སྲིད་འཛིན་ཁུལ་དུ་ནད་པ10ཡོད་ལ། (ནད་དྲག་ནས་སྨན་ཁང་ནས་ཕྱིར་བུད་པའི་ནད་པ3ཡོད།) ཐའེ་ཝན་ས་ཁུལ་དུ་ནད་པ18(ནད་དྲག་ནས་སྨན་ཁང་ནས་ཕྱིར་བུད་པའི་ནད་པ2ཡོད།)བཅས་ཡོད་པ་རེད། །