གློག་བརྙན་སྲིད་པའི་མེ་ཏོག་ཞེས་པ་རྒྱལ་ཡོངས་ནས་བཏང་།

    ན་གཞོན་འཁྲབ་ཁྲིད་པ་ཀླུ་རྒྱལ་རཱ་ཏི་ཡིས་འཁྲབ་ཁྲིད་བྱས་པའི་བོད་ཀྱི་གློག་བརྙན《སྲིད་པའི་མེ་ཏོག》ཅེས་པ་ནི་བོད་ཀྱི་ཆེས་ཐོག་མའི་འཁྲབ་ཚིག་གཅིག་ཀྱང་མེད་པའི་གློག་བརྙན་ཞིག་ཡིན་ཏེ། དབྱིན་ཇི་རུ་འཚོགས་པའི་ཡོ་རོབ་བྱང་མའི་རྒྱལ་སྤྱིའི་གློག་བརྙན་དུས་སྟོན་སྟེང་ཆེས་ཕུལ་དུ་བྱུང་བའི་ཕྱི་རྒྱལ་གྱི་གློག་བརྙན་བརྩམས་ཆོས་དང་།  ཆེས་ཕུལ་དུ་བྱུང་བའི་བརྙན་ལེན་པ།  ཆེས་ཕུལ་དུ་བྱུང་བའི་འཁྲབ་ཁྲིད་པ་བཅས་ཀྱི་གཟེངས་རྟགས་ནང་བདམས་ཐོན་བྱུང་བ་མ་ཟད། ཁ་ན་ཏ་ཡི་རྒྱལ་སྤྱི་གློག་བརྙན་དུས་ཆེན་དང་ཨ་རིའི་འཛམ་གླིང་མི་རིགས་གློག་བརྙན་དུས་ཆེན་དུའང་ཚུད་པ་རེད།