2019ལོའི་ཀྲུང་གོའི་བོད་ལྗོངས་ཡར་ཀླུང་རིག་གནས་དུས་ཆེན་གྱི་འགོ་ཚུགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2019-08-21   རྩོམ་ཁུངས།    གངས་ལྗོངས་ཉི་གཞོན།

        ཟླ8ཚེས15ཉིན་གྱི་དགོང་མོར། “བོད་མིའི་འབྱུང་ཁུངས·བོད་ཀྱི་ལས་དབང—མཛེས་སྡུག་ལྡན་པའི་དུས་རབས་ཕྱོགས་སུ་སྐྱོད·བདེ་སྐྱིད་ལྡན་པའི་ཁྱིམ་གཞིས་འབད་པས་སྐྲུན”ཞེས་པ་བརྗོད་དོན་གཙོ་བོར་བྱས་པའི2019ལོའི་ཀྲུང་གོའི་བོད་ལྗོངས་ཡར་ཀླུང་རིག་གནས་དུས་ཆེན་ལྷོ་ཁའི་རྩེད་ཐང་གྲོང་རྡལ་དུ་གཟབ་རྒྱས་ངང་འགོ་ཚུགས་པ་རེད། 

        ཐེངས་འདིའི་རིག་གནས་དུས་ཆེན་ནི་ལྷོ་ཁ་གྲོང་ཁྱེར་དང་ཧུའུ་པེ་ཞིང་ཆེན་གྱིས་མཉམ་དུ་གཉེར་བ་ཡིན་ལ། ལྷོ་ཁར་ཚོགས་ར་གཙོ་བོ་དང་ཧུའུ་པེར་ཡན་ལག་ཚོགས་ར་བཙུགས་ཡོད། དུས་ཆེན་རིང་། ཡུལ་སྐོར་རིག་གནས་འཕེལ་རྒྱས་གླེང་སྟེགས་དང་། ས་མཐོའི་ཁྱད་ལྡན་ཚོང་འདུས། མང་ཚོགས་ཀྱི་སྒྱུ་རྩལ་འཁྲབ་སྟོན་སོགས་ལྷོ་ཁའི་ཚོགས་ར་གཙོ་བོའི་བྱེད་སྒོ་ཁག17དང་དེ་བཞིན་ལྷོ་ཁའི་ཚོང་འགུགས་མ་འདྲེན་གྱི་འོས་སྦྱོར་འདུ་ཚོགས་དང་མི་རིགས་ཀྱི་ཁྱད་ལྡན་ཐོན་རྫས་འགྲེམས་སྟོན་སོགས་ཧུའུ་པེའི་ཡན་ལག་ཚོགས་རར་བྱེད་སྒོ་མང་དག་ཅིག་ཀྱང་སྤེལ་རྒྱུ་རེད།