རྒྱལ་ཐང་བྲག་ལམ་བོད་ཀྱི་བག་སྟོན།

ཁ་སང་ཁ་བ་ལྷབ་ལྷུབ་ཏུ་བབས་ན་ཡང་།   དེ་རིང་བཀྲ་ཤིས་པའི་ཡུལ་གྲུ་འདི་ལ་གསེར་མདོག་གི་ཉི་འོད་ལམ་ལམ་དུ་འཕྲོས་བྱུང་།  ཁ་རྒྱབ་གསེར་གྱི་ཉི་མ་ཤར་པའི་རྟེན་འབྲེལ་ཡག་པོ་ཞིག་གི་མདུན་བསུས་ནས།  ཟླ2པའི་ཚེས21ཉིན་ནི།  སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་གྲོང་རྡལ་བྲག་ལམ་གྲོང་ཚོ་རུ་ཕ་དོན་འགྲུབ་དང་།   མ་བློ་བཟང་སྒྲོལ་མ་གཉིས་ཀྱིས་བུ་བློ་བཟང་ཕུན་ཚོགས་ཀྱི་བག་སྟོན་གྱི་ཉིན་མོ་ཡིན། འཇོལ་རྫོང་ཐང་ལ་གྲོང་སྡེའི་ཚེ་རིང་དཔལ་གཡང་ནི་ཁོང་ཚང་གི་བག་མར་བསུས་ཡོད།   ག་ས་གང་ལ་ཉེ་བ་དང་།  གྲོགས་པོ།   གྲོང་རོགས་སོགས་འཛོམས་ནས་བག་མ་བསུ་ལེན་བྱས་ཤིང་དགའ་སྤྲོའི་གླུ་གར་ལ་རོལ་ཡོད།