དགའ་ལྡན་སུམ་རྩེན་གླིང་གི་སྨོན་ལམ་བཅོ་ལྔའི་བྱམས་པ་གླིང་སྐོར།

རྩོམ་པ་པོ། ཡིག་བསྒྱུར། དུས་ཚོད། 2019-02-19 རྩོམ་ཁུངས།

སྤྱི་ཟླ་2པའི་ཚེས་19ཉིན་གྱི་སྔ་དྲོ་སྟེ། བོད་ཟླ་གཅིག་པའི་ཚེས་བཅོ་ལྔ་ཉིན། བདེ་ཆེན་ཁུལ་སེམས་ཀྱི་ཉི་ཟླ་གྲོང་ཁྱེར་དུ་ཡོད་པའི་དགེ་ལུགས་པའི་དགོན་སྡེ་ཆེན་པོ་དགའ་ལྡན་སུམ་རྩེན་གླིང་ནས་སྨོན་ལམ་བཅོ་ལྔའི་ལོ་རེའི་ཐེངས་རེའི་བྱམས་པ་གླིང་སྐོར་གྱི་ཆོས་ལུགས་བྱེད་སྒོ་སྤེལ་ཞིང་།ས་གནས་དང་ཕྱོགས་སོ་སོ་ནས་ཡོད་པའི་རིགས་སོ་སོའི་དད་ལྡན་མང་ཚོགས་མ་གྲོས་གཅིག་མཐུན་གྱིས་གནས་མཆོག་འདིར་འཛོམས་ཡོད་ལ། དད་པའི་ཐལ་མོ་སྦྱར་ཏེ་འགྲོ་བ་སེམས་ཅན་ཐམས་ཅད་ལ་སྡུག་བསྔལ་མེད་པའི་སྨོན་འདུན་ཞུ་བཞིན་ཡོད།

དེ་ཡང་བོད་ཀྱི་གཏམ་དཔེ་ལ་བསོད་ནམས་གར་ཡོད་ཁ་ཆར་འབབ་ཞེས་པའི་བཤད་སྲོལ་ཡོད་དེ།ཉིན་དེའི་སྔ་དྲོར་རྒྱལ་ཐང་ཡུལ་དུ་ཁ་བ་ལྷབ་ལྷུབ་ཏུ་བབས་བྱུང་ལ། ཕྱི་དྲོར་ཡང་དྲོད་འཇམ་གྱི་ཉི་འོད་འཕྲོས་པས། དད་ལྡན་མང་ཚོགས་ཀྱིས་རྟེན་འབྲེལ་ཡག་པོ་འགྲིག་སོང་བསམ།