ཀྲུང་དབྱང་དམག་དོན་ཨུ་ཡོན་ལྷན་ཁང་གིས་པེ་ཅིན་དུ་སྡོད་པའི་དམག་དཔུང་གི་ལས་བྱེད་པ་རྒན་པར་འཚམས་འདྲི་དང་གནམ་ལོ་གསར་ཚེས་བསུ་བའི་རིག་རྩལ་འཁྲབ་སྟོན་པེ་ཅིན་ནས་བསྡུས།

རྩོམ་པ་པོ།   དུས་ཚོད།   2019-01-24   རྩོམ་ཁུངས།    གངས་ལྗོངས་ཉི་གཞོན།

        ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཟླ་དང་པོའི་ཚེས་ཉེར་གཉིས་ཉིན་གྱི་ཕྱི་དྲོར། ཀྲུང་དབྱང་དམག་དོན་ཨུ་ཡོན་ལྷན་ཁང་གིས་པེ་ཅིན་དུ་སྡོད་པའི་དམག་དཔུང་གི་ལས་བྱེད་པ་རྒན་པར་འཚམས་འདྲི་དང་གནམ་ལོ་གསར་ཚེས་བསུ་བའི་རིག་རྩལ་འཁྲབ་སྟོན་པེ་ཅིན་ནས་བསྡུས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕིང་གིས་དམག་དཔུང་གི་ལས་བྱེད་པ་རྒན་པ་དང་དམག་དཔུང་ཡོངས་ཀྱི་ལས་བྲལ་དང་ལས་འཁྱུར་ངལ་གསོ་བྱས་པའི་ལས་བྱེད་པ་རྒན་པར་དུས་ཆེན་གྱི་འཚམས་འདྲི་དང་གནམ་ལོ་གསར་ཚེས་ལ་བཀྲ་ཤིས་བདེ་ལེགས་ཞུས།

        ཉིན་དེའི་ཕྱི་དྲོའི་དུས་ཚོད་གསུམ་དང་སྐར་མ་སུམ་ཅུའི་སྟེང་། ཞི་ཅིན་ཕིང་བློ་མཐུན་རྒན་པ་རྣམས་ཀྱི་ཁྲོད་དུ་ཕེབས་པ་ན་ཚོགས་ར་ཡོངས་སུ་ཐལ་མོ་རྡེབ་སྒྲས་ཁེངས། ཞི་ཅིན་ཕིང་གིས་ཚང་མར་བརྩེ་བའི་ཕྱག་འཇུ་གནང་ཞོར་དུ་ཁོ་ཚོའི་འཚོ་བ་དང་ལུས་ཕུང་བདེ་ཐང་གི་གནས་ཚུལ་ཞིབ་འདྲི་བྱས་པ་དང་། ཏང་གི་ཚོགས་ཆེན་ཐེངས་བཅུ་དགུ་པའི་དགོངས་དོན་གྱི་མཛུབ་ཁྲིད་འོག འདས་པའི་ལོ་གཅིག་གི་ནང་ཏང་དང་རྒྱལ་ཁབ་དང་དམག་དཔུང་གི་ལས་དོན་གོང་འཕེལ་དུ་སོང་བའི་སྣང་བརྙན་གསར་བ་དང་གསར་སྐྲུན་བྱས་པའི་རྣམ་པ་གསར་བ། བླངས་པའི་གྲུབ་འབྲས་གསར་བ་བཅས་ལ་མཉམ་དུ་ཕྱིར་དྲན་བྱས། བློ་མཐུན་རྒན་པ་རྣམས་ཀྱིས་བཤད་རྒྱུར། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་དམ་པོ་བྱས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་རྒྱུ་རྒྱུན་འཁྱོངས་བྱེད་པ་དང་། ཞི་ཅིན་ཕིང་གི་སྟོབས་ལྡན་དམག་དཔུང་གི་དགོངས་པ་ལག་བསྟར་ནན་མོ་བྱེད་པ། དུས་རབས་གསར་བའི་དམག་དོན་འཐབ་ཇུས་དང་བྱེད་ཕྱོགས་ལག་བསྟར་ནན་མོ་བྱེད་པར་མ་ཟད།  གསར་གཏོད་བརྩོན་ལེན་བྱེད་པ་དང་དཀའ་སྤྱད་སྡུག་རུས་སྒོས་གཡུར་དུ་ཟ་བའི་གྲུབ་འབྲས་བླངས་ནས་ཀྲུང་གོ་གསར་བ་དབུ་བརྙེས་ནས་ལོ་བདུན་ཅུ་ལོན་པར་བསུ་མ་བྱེད་ངེས་ཡིན་ཟེར།