2018ལོའི་སེམས་ཀྱི་ཉི་ཟླའི་དགུན་དུས་རྒྱལ་སྤྱིའི་བྱ་གཟིགས་དུས་ཆེན་སྐབས་གསུམ་པ་འགོ་ཚུགས་པ།

རྩོམ་པ་པོ།   ཚེ་དོན།  ཡིག་བསྒྱུར།       དུས་ཚོད།   2018-12-20   རྩོམ་ཁུངས།   


ཟླ་12པའི་ཚེས་19ཉིན། 2018 ལོའི་སེམས་ཀྱི་ཉི་ཟླའི་དགུན་དུས་རྒྱལ་སྤྱིའི་བྱ་གཟིགས་དུས་ཆེན་སྐབས་གསུམ་པ་དེ་ བདེ་ཆེན་ཁུལ་སེམས་ཀྱི་ཉི་ཟླ་གྲོང་ཁྱེར་ནས་དངོས་སུ་འགོ་ཚུགས་པ་དང་།  བྱེད་སྒོ་འདི་ཚེས23ཉིན་བར་སྤེལ་རྒྱུ་རེད།  བྱེད་སྒོས་སྐྱེ་ཁམས་ཀྱི་བདེ་ཆེན།    མཁའ་ལ་འཕུར་བའི་གཤོག་ཟུང་ཞེས་པ་བརྗོད་བྱ་གཙོ་བོར་བྱས་ཏེ།    དྲ་ཐོག་བརྒྱུད་སྒྲོག་གི་བྱེད་ཐབས་བེད་སྤྱོད་གང་ལེགས་ཀྱིས་བདེ་ཐང་ཡིན་པའི་རང་བྱུང་སྐྱེ་ཁམས་ཀྱི་ཡུལ་སྐོར་བྱེད་སྟངས་ཤིག་ཆགས་པར་སྐུལ་སློང་བྱས་ཡོད།  ཉིན་འདི་དག་གི་རིང་ལ་བརྙན་ལེན་པ་ཚོས་ནགས་ཕག་མཚོ་དང་།   དགའ་ལྡན་སུམ་རྩེན་གླིང་།   ས་མཐོའི་སྐྱེ་དངོས་གླིང་།  ཉི་ཤར་ཤང་།  ཡང་ཐང་གྲོང་རྡལ་སོགས་སུ་འགྲུལ་བཞུད་གནང་ནས་བྱ་རིགས་སྣ་ཚོགས་ཀྱི་འཚོ་གནས་ལ་རྒྱུས་ལོན་བྱ་རྒྱུ་རེད།    



2016ལོ་དང་2017ལོའི་དགུན་ཁར།  བདེ་ཆེན་བོད་རིགས་རང་སྐྱོང་ཁུལ་མི་དམངས་སྲིད་གཞུང་གིས་སེམས་ཀྱི་ཉི་ཟླའི་དགུན་དུས་རྒྱལ་སྤྱིའི་བྱ་གཟིགས་དུས་ཆེན་ཐེངས་གཉིས་སྒྲུབ་ཚར་བ་དང་།   ཁྱོན་བསྡོམས་རྒྱལ་ཕྱི་ནང་གི་བྱ་རིགས་ཞིབ་འཇུག་ཚོགས་པ50ཡི་རུ་ཁག31བྱེད་སྒོ་ནང་ཞུགས་ནས།   སེམས་ཀྱི་ཉི་ཟླའི་ཉེ་འཁོར་གྱི་བྱ་རིགས180ལ་བལྟ་ཐུབ་པ་བྱུང་ཡོད་ཅིང་།   སེམས་ཀྱི་ཉི་ཟླར་ཐེངས་དང་པོར་འཕུར་ཡོང་བའི་བྱ་རིགས་འགའ་ཡོད་པ་ཤེས་རྟོགས་བྱུང་ཡོད།   སྐབས་རེ་རེའི་བྱ་རིགས་ཀྱི་གྲངས་ཀ་ཇེ་མང་དུ་འགྲོ་བཞིན་ཡོད་པས།   འདི་ལས་སེམས་ཀྱི་ཉི་ཟླའི་སྐྱེ་ཁམས་དཔལ་ཡོན་འཛུགས་སྐྱོང་ལ་གྲུབ་འབྲས་གང་ལེགས་མངོན་ཡོད་པ་ཤེས་རྟོགས་བྱེད་ཐུབ་ཅིང་།    མཛེས་སྡུག་ལྡན་པའི་རང་བྱུང་ཁོར་ཡུག་དང་།  དཔལ་ཡོན་ལྡན་པའི་སྐྱེ་ཁམས་ཁོར་ཡུག་ཀྱིས་བྱ་རིགས་ཀྱི་འཚོ་སྡོད་ལ་སྔར་ལས་ལྷག་པའི་ཆ་རྐྱེན་བསྐྲུན་བཞིན་ཡོད།  





分享到：QQ空间新浪微博腾讯微博人人网微信