བོད་ཀྱི་སྲོལ་རྒྱུན་ཟློས་གར་ཨ་ཅེ་ལྷ་མོ།

    བོད་ཀྱི་ཟློས་གར་ནི་བོད་རིགས་ས་ཁུལ་དུ་དར་ཁྱབ་ཆེ་ཞིང་གླུ་གར་གྱི་རྣམ་པ་ལ་བརྟེན་ནས་བརྗོད་བྱ་མཚོན་པར་བྱས་པའི་ཕྱོགས་བསྡུས་ཀྱི་རང་བཞིན་ལྡན་པའི་སྒྱུ་རྩལ་ཞིག་ཡིན།

  ལྷ་མོའི་སྒྱུ་རྩལ་ལ་དུས་ཡུན་རིང་པོའི་ལོ་རྒྱུས་ཡོད།དེའང་ལོ་རྒྱུས་ཡུན་རིང་ལྡན་པའི་དགོན་སྡེ་འགའ་ཞིག་གི་ལྡེབས་རིས་སུ་བཀོད་པ་ལྟར་ན།མི་ལོ་ཆིག་སྟོང་སུམ་བརྒྱའི་གོང་ཚུན་ནས་བོད་དུ་འབག་དཀར་པོ་ཞེས་གདོད་མའི་ལྷ་མོ་འཁྲབ་སྲོལ་ཡོད།དེ་རྗེས་ཆབ་སྲིད་དང་།དཔལ་འབྱོར།རིག་གནས་བཅས་གོང་འཕེལ་བྱུང་བ་དང་ཆབས་གཅིག་ལྷ་མོའི་འཁྲབ་གཞུང་ལའང་འཕེལ་རྒྱས་བྱུང་ནས།སྔ་རབས་ཀྱི་ཁེར་འཁྲབ་དང་འབྲོང་རྩེད་སོགས་ལས་རིམ་བཞིན་འཁྲབ་གཏོང་གཙོ་བོར་བྱེད་པའི་སྒྱུ་རྩལ་གྱི་འཁྲབ་སྟོན་དུ་གོང་འཕེལ་བྱུང་བ་རེད།

 ཨ་ཅེ་ལྷ་མོ་ཞེས་པ་ནི་གྲུབ་ཆེན་ཐང་སྟོང་རྒྱལ་པོས་སྤྱི་ལོ1385ལོ་ཙམ་ལ་གསར་གཏོད་མཛད་པ་ཞིག་ཡིན། ལྷ་མོའི་ཁྱད་ཆོས་ནི་སྒྲུང་གཞི་ཆ་ཚང་བ་དང་།རྣམ་ཐར་གྱི་གདངས་ཆ་འཕོ་འགྱུར་མང་བ།གར་སྟབས་ཀྱི་ཉམས་འགྱུར་ལྷོད་ཅིང་འགྱིངས་ཉམས་དང་ལྡན་པ་བཅས་ཡོད།